އެމްއެންޑީއެފުން ދަނގެތީގައި ބޭސިކް ފަޔަރ އެވެއަރނަސް ޕްރޮގްރާމެއް ހިންގައިފި
އެމްއެންޑީއެފް މާލޭ އޭރިއާ ކޮމާންޑާއި ފަޔަރ އެންޑް ރެސްކިޔު ސަރވިސް ގުޅިގެން އދ.ދަނގެތި ދިރާގުގެ މުވައްޒަފުންނާއި އެ ރަށުގެ މުއައްސަސާތަކުގެ ބައެއް މުވައްޒަފުންނަށް ބޭސިކް ފަޔަރ އެވެއަރނަސް ޕްރޮގްރާމެއް ހިންގައިފިއެވެ.
އދ.ދަނގެތީގައި އިއްޔެ ހިންގި މި ޕްރޮގްރާމުގައި ދިރާގުގެ މުވައްޒަފުންނާއި އެރަށުގެ މުއައްސަސާތަކުގެ ބައެއް މުވައްޒަފުންގެ ތެރެއިން 19 ފަރާތެއް ބައިވެރިވެފައިވާ ކަމަށް އެމްއެންޑީއެފުން ބުނެއެވެ.
މި ޕްރޮގްރާމުގައި ކިޔަވައިދިން ބައިތަކުގެ ތެރޭގައި އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތާއި، އަލިފާނުގެ ބައިތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، ފަޔަރ އެކްސްޓިންގުއިޝަރ އަދި ފަޔަރ ބްލޭންކެޓް ބޭނުން ކުރާނެ ގޮތް ހިމެނޭކަން އެ އިދާރާއިން ވަނީ ފާހަގަކޮށްފައެވެ.
މި ޕްރޮގްރާމުގައި މުދައްރިބުންގެ ގޮތުގައި ހަރަކާތްތެރިވީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރމަނުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
