ބީއެމްއެލް އިން ވިލިމާލޭގައި އަޅާ 300 ހައުސިން ޔުނިޓްގެ ބިންގާއެޅުން -- ފޮޓޯ/ ރައީސް އޮފީސް
ބީއެމްއެލް އިން ވިލިމާލޭގައި އަޅާ 300 ހައުސިން ޔުނިޓްގެ ބިންގާއެޅުން -- ފޮޓޯ/ ރައީސް އޮފީސް
ހަބަރު 23 Aug 2026 | 12:45

ސަރުކާރުގެ ފުރަތަމަ ބޯހިޔާވަހިކަމުގެ ފްލެޓުތައް 2028ގެ އޮގަސްޓުގައި ހަވާލުކުރަން ފެށޭނެ: ހައުސިން މިނިސްޓްރީ

ސަރުކާރުން ހިންގާ ފުރަތަމަ ބޯހިޔާވަހިކަމުގެ މަޝްރޫޢުގެ ދަށުން ބިނާކުރާ ފްލެޓުތައް 2028 ވަނަ އަހަރުގެ އޮގަސްޓުގައި ޙައްޤުވެރީންނާ ހަވާލުކުރެވޭނެ ކަމަށް ހައުސިން ވުޒާރާގެ ސްޓޭޓް މިނިސްޓަރު އަޙުމަދު ނާޒިމް މުޙައްމަދު ރޭ ވިދާޅުވެއްޖެއެވެ.

ދައުލަތުގެ މީޑިއާގެ "ރާއްޖެމިއަދު" ޕްރޮގްރާމުގައި ވާހަކަދައްކަވަމުން ނާޒިމް ވިދާޅުވީ ބޯހިޔާވަހިކަން އެންމެނަށް މަޝްރޫޢުގެ ދަށުން މިހާރު ކުރިއަށްދަނީ ޝަރުތު ހަމަވާ ފަރާތްތަކުގެ ލިސްޓު އެކުލަވައިލުމުގެ މަސައްކަތް ކަމަށެވެ. އެގޮތުން ޝަރުތު ހަމަވާ ފަރާތްތައް ދެނެގަނެ، އަންނަ ޑިސެމްބަރު މަހުގެ މެދު ތެރޭގައި ދާއިމީ ލިސްޓް އިއުލާން ކުރެވޭނެކަމަށް އޭނާ ވިދާޅުވިއެވެ.

”ތާވަލު އޮތް ގޮތުން ޑިސެމްބަރުގެ ކުރީކޮޅު އިވެލުއޭޝަން ނިންމާލެވިފައި، މެދުތެރޭގައި ދާއިމީ ލިސްޓް އިއުލާން ކުރެވޭނެ.“ ނާޒިމް ވިދާޅުވިއެވެ.

ނާޒިމް އިތުރަށް ވިދާޅުވީ އެ މަސައްކަތް ކުރިއަށްދާއިރު، ފްލެޓްތައް އަޅަން ނުފަށާ ކަމަށް ބުނެ ބައެއް ފަރާތްތަކުން ވާހަކަ ދައްކާ ކަމަށާ، ނަމަވެސް އެ މަސައްކަތްވެސް ކުރިއަށްދާ ކަމަށެވެ.

އޭނާ ވިދާޅުވީ، ބީއެމްއެލްއާ ގުޅިގެން 4000 ފުލެޓް އެޅުމުގެ މަޝްރޫޢު ކުރިއަށް ގެންދިޔުމަށް ނިންމާފައިވާ ކަމަށާ އޭގެ ތެރެއިން 3460 މަޝްރޫޢުގެ މަސައްކަތް މިހާރު ފެށިފައިވާ ކަމަށެވެ. އެގޮތުން، އިމާރާތް ކުރަން ފެށުމުގެ ކުރިން ކުރަންޖެހޭ އެހެނިހެން މަސައްކަތްތައް މިހާރު ކުރިއަށްދާ ކަމަށާ، ހުޅުމާލޭ ފޭސް 1 ގައި ހައުސިން ޔުނިޓް އިމާރާތް ކުރުމުގެ މަސައްކަތް ފެށިފައިވާ ކަމަށް އޭނާ ވިދާޅުވިއެވެ. އަދި ފޭސް 2 ގައިވެސް ޑިޒައިނިން މަސައްކަތް ނިންމައި އަމަލީ މަސައްކަތް ފެށުމުގެ މަރުހަލާއަށް ގޮސްފައިވާ ކަމަށް އޭނާ ވިދާޅުވިއެވެ.

"އަޅުގަނޑުމެންގެ އަމާޒަކީ 2028 ވަނަ އަހަރުގެ އޯގަސްޓް މަހުގެ ތެރޭގައި މި ޔުނިޓްތައް ރައްޔިތުންނާ ހަވާލުކުރުން. އިރާދަކުރެއްވިއްޔާ އެ ޝެޑިއުލަށް އަޅުގަނޑުމެންނަށް އަދިވެސް އެޗީވްކުރެވޭނެ. އެއަށް އެއްވެސް ޝައްކެއް ނެތް"

ނާޒިމް ވިދާޅުވިއެވެ.

މީގެ އިތުރުން އިންޑިއާގެ ލައިން އޮފް ކްރެޑިޓުގެ ދަށުން ގުޅީފަޅުގައި 4000 ޔުނިޓު ބިނާކުރުމުގެ މާލީ ޝަރުތުތަކާ ގުޅޭ އެންމެ ފަހު މަޝްވަރާތައް އެގްޒިމް ބޭންކާ އެކު ކުރިއަށް ދާ ކަމަށާއި އެ މަޝްރޫޢުވެސް މިއަހަރު ފެށޭނެ ކަމަށް ނާޒިމް ވިދާޅުވިއެވެ.

ހަމަ އެއާއެކު މާލޭ ސަރަހައްދުގައި 5000 ޔުނިޓުގެ ވަކި މަޝްރޫޢެއް ހިންގުމުގެ އިދާރީ ތައްޔާރީތައް ކުރިއަށް ގޮސް މިއަހަރު ތެރޭގައި އެ މަޝްރޫޢުވެސް ފެށުމަށް އަމާޒު ހިފާފައިވާ ކަމަށް ވިދާޅުވިއެވެ.

މި ހުރިހާ މަޝްރޫޢެއް ހިމެނޭ ގޮތުން މާލޭ ސަރަހައްދުގައި ޖުމުލަ 13000 ޔުނިޓުގެ މަސައްކަތް މިއަހަރު ފެށޭނެ ކަމަށް ނާޒިމް ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހުޅުމާލޭގައި ބީއެމްއެލްއިން އަޅާ 182 ހައުސިން ޔުނިޓްގެ ކޮންކްރީޓް މަސައްކަތް ފަށައިފި
19 Nov 2026 ހަބަރު

ހުޅުމާލޭގައި ބީއެމްއެލްއިން އަޅާ 182 ހައުސިން ޔުނިޓްގެ ކޮންކްރީޓް މަސައްކަތް ފަށައިފި

ސަރުކާރުގެ "ބޯހިޔާވަހިކަން އެންމެންނަށް" ސިޔާސަތުގެ ދަށުން، ބީއެމްއެލް އެފޯޑަބަލް ހޯމް ލީސިންގ ކުންފުނިން ހުޅުމާލެ ފޭސް 1 ގައި ތަރައްޤީކުރާ 182 ހައުސިންގ ޔުނިޓްގެ ފައުންޑޭޝަން ތައްޔާރުކޮށް، ކޮންކްރީޓް އެޅުމުގެ މަސައްކަތް ފަށައިފިއެވެ.