ފީނަން ފޭބި މީހަކު ޑީކޯވެގެން ތިނަދޫ ހޮސްޕިޓަލުގައި ފަރުވާ ދެނީ
މަސްވެރިކަމަށް ނުކުމެ އުޅުނު ދޯންޏަކުން ފީނަން ފޭބި ދިވެއްސަކު ޑީކޯ ވެގެން ގދ. ތިނަދޫ އަބްދުއްސަމަދު މެމޯރިއަލް ހޮސްޕިޓަލުގައި ފަރުވާ ދޭން ފަށައިފިއެވެ.
އެމްއެންޑީއެފުން މިއަދުބުނީ، މަސްވެރިކަން ކުރަން އުޅުނު "މީރާ" ނަމަކަށް ކިޔާ ދޯންޏަކުން ފުޅިއަޅައިގެން ފީނަން ފޭބި 27 އަހަރުގެ ދިވެއްސަކު އަވަސް ފަރުވާއަށް އެމްއެންޑީއެފް ސަދާން އޭރިއާގެ އެހީތެރިކަމާއެކު ގދ. ތިނަދޫގައި ހުންނަ ހޮސްޕިޓަލްއަށް މިއަދު ހެނދުނު ގެންގޮސްދީފައިވާ ކަމަށެވެ.
ފީނުމުގައި ޑީކޯވުމުގެ މައްސަލައަކީ ރާއްޖޭގައި އާންމު ކަމެކެެވެ. އެ މައްސަލަ އިތުރުވާތީ ކާށިދޫ ދާއިރާގެ މެމްބަރު އަބްދުﷲ ޖާބިރު އެކަން ސަރުކާރުގެ ސަމާލުކަމަށް ގެނައުމަށް މިދިޔަ އަހަރުގެ ނޮވެމްބަރު މަހު މަޖިލީހަށް މައްސަލައެއް ހުށަހެޅި އެވެ.
މިއަހަރުގެ ރިޔާސީ ބަޔާން އިއްވަވަމުން ރައީސް ސޯލިހު ވިދާޅުވެފައިވަނީ ރާއްޖޭގައި އެން ހޯދުމަށް ފީނާ މީހުންގެ ތެރެއިން ޑީކޯ ވެގެން ފަރުވާ ދޭންޖެހޭއިރު، އެކަމަށް ގެއްލުން ކުޑަކުރުމުގެ ގޮތުން ރައްކާތެރިކަމާއެކު ފީނުމުގެ ތަމްރީނު ޕްރޮގްރާމުތަކެއް މިއަހަރުގެ ތެރޭގައި ކުރިޔަށް ގެންދާނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
