ރިޔާސީ އިންތިޚާބުގައި ރާއްޖެ އާއި ރާއްޖޭން ބޭރުގައި 604 ވޯޓުފޮށި ބަހައްޓަން އީސީއިން ނިންމައިފި

މި އަހަރުގެ ސެޕްޓެމްބަރ މަހުގެ 9 ވަނަ ދުވަހު ބާއްވާ ރިޔާސީ އިންތިޚާބުގައި، ރާއްޖެ އާއި ރާއްޖޭން ބޭރުގައި ޖުމްލަ 604 ވޯޓުފޮށި ބަހައްޓާގޮތަށް އިލެކްޝަންސް ކޮމިޝަން (އީސީ) އިން މިއަދު ނިންމައިފިއެވެ.

މިކަން އިއުލާން ކުރައްވާފައިވަނީ އީސީގެ ނައިބު ރައީސް އިސްމާއިލް ހަބީބު ކުރެއްވި ޓްވީޓެއްގައެވެ.

އެގޮތުން ވޯޓް ފޮށިތައް ބެހެއްޓިގެން ދާނެ ތަންތަނާއި އަދަދު:

-މާލެ ސިޓީ ރައްޔިތުންނަށް: 61

-މާލޭސިޓީ އަތޮޅުތަކުގެ ރައްޔިތުންނަށް: 77

-ހުޅުމާލެ ފޭސް 1 މާލެސިޓީ ރައްޔިތުންނަށް: 6

-ހުޅުމާލެ ފޭސް 1 އަތޮޅުތަކުގެ ރައްޔިތުންނަށް: 16

-ހުޅުމާލެ ފޭސް 2 މާލެސިޓީ ރައްޔިތުންނަށް: 1

-ހުޅުމާލެ ފޭސް 2 އަތޮޅުތަކުގެ ރައްޔިތުންނަށް: 16

-ވިލިމާލެ، މާލޭސިޓީ ރައްޔިތުންނަށް: 6

-ވިލިމާލެ، އަތޮޅުތަކުގެ ރައްޔިތުންނަށް: 4

-އަތޮޅުތަކުގައި: 319

-ރިސޯޓުތަކުގައި: 78

-މާފުށީ ޖަލުގައި: 2

-އައްސޭރި ޖަލުގައި: 1

-ހުޅުމާލެ ޖަލުގައި: 1

-ދޫނިދޫގައި: 1

-ހުޅުލޭގައި: 1

-ތިލަފުށީގައި: 1

-އިންޑިޔާގެ ޓްރިވެންޑްރަމްގައި: 1

-އިންޑިޔާގެ ނިއުދެއްލީގައި: 1

-މެލޭޝިޔާ ކުއަލަލަމްޕޫރުގައި: 2

-ސިންގަޕޫރުގައި: 1

-ސްރީލަންކާ ކޮލަމްބޯ ގައި: 4

-އިނގިރޭސި ވިލާތް ލަންޑަން ގައި: 1

-ތައިލެންޑް ބެންކޮކް ގައި: 1

-އެކުވެރި ޢަރަބި ޢިމާރާތް އަބޫދާބީގައި: 1

-ޖަޕާން ޓޯކިޔޯ ގައި: 1

ހަބީބު ވަނީ ރީ-ރަޖިސްޓްރޭޝަނަށް ފަހު، ވޯޓުފޮށިތަކުގެ ޢަދަދަށް ބަދަލު އައުމަކީ އެކަށީގެންވާ ކަމެއް ކަމަށް ފާހަގަކުރައްވާފައެވެ.

މިއާއިއެކު ވޯޓުފޮށީގެ ނަންބަރާއި، ވޯޓުފޮށީގެ ކޯޑު، ވޯޓުފޮށީގެ ނަމާއި، ވޯޓުލާ ސަރަޙައްދު އަދި ވޯޓުފޮށި ބަހައްޓާ ރަށާއި، ތަންތަނުގެ ތަފްސީލް މިރޭ އީސީ އިން އިޢުލާން ކުރާނެ ކަމަށްވެސް ހަބީބު ވަނީ ފާހަގަކުރައްވާފައެވެ.