ކުޅުންތެރިން ދަނޑުމަތީގައި ނެށި ނެށުމާއި ގުޅިގެން މަޢާފަށް ނޭދޭނަން: ޓީޓޭ

މިހާރު ގަތަރުގައި ކުރިއަށްދާ ފީފީ ވޯލްޑްކަޕްފެ ދެ ވަނަ ބުރުގައި ބްރެޒިލް އާއި ސައުތު ކެރެއާ ބައްދަލުކުރި މެޗުގައި ސައުތު ކޮރެއާ ކޮޅަށް ގޯލި ޖެހި ކޮންމެ ފަހަރަކު އުފާ ފާޅުކުރުމުގެ ގޮތުން ބްރެޒިލްގެ ކުޅުންތެރިން "ސަމްބާ ޑާންސް" އަށް ނެށި ކަމަށްޓަކައި މަޢާފަށް ނޭދޭނެ ކަމަަށް ބްރެޒިލްގެ ކޯޗު އެޑެނޯ ލިއޮނާޑޯ ބަޗީ (ޓީޓޭ) ބުނެފިއެވެ.

ބްރެޒިލްގެ އެ މެޗުގައި ކޮންމެ ލަނޑެއް ޖެހުމާ އެކު ހެން، ކުޅުންތެރިން މި ނެށުމެއް ނަށާފައިވާއިރު، ރިޗާލިސަންގެ ލަނޑަށް ފަހު ބްރެޒިލްގެ ކޯޗު ޓިޓޭ ވެސް ވަނީ މި ނެށުމުގައި ބައިވެރިވެފަ އެވެ. މިކަމާއި ގުޅިގެން ގިނަ ބައެއްގެ ފާޑުކިޔުންތައް ވެސް އެ ޓީމަށް އަމާޒުވެފައިވާއިރު، އެއީ އިދިކޮޅު ޓީމަށް ކުރެވޭ މަލާމާތެއް ކަމަށް އެފަރާތްތަކުން އަންނަނީ ބުނަމުންނެވެ.

އަދި އޭގެ އިތުރުން، އެ މެޗުބަލަމުންދިޔަ އިނދެވުނީ ފުޓްބޯޅަ މެޗެއް ކަމެއް ނުވަތަ ނެށުމުގެ ޝޯއެއް ކަމެއް ހަނދާން ނެތުނު ކަމަށާ، މިއީ ބްރެޒިލް ފުޓްބޯޅައިގެ އާދަކާދަ ނަމަވެސް، އެފަދަ ކަންކަން ކުރާއިރު އިދިކޮޅު ޓީމާ މެދު ވިސްނަން ޖެހޭ ކަމަށް ވެސް ބައެއް ފުޓްބޯޅަ ކުޅުންތެރިންވެސް ވަނީ ބުނެފައެވެ.

އެކަމާއި ގުޅިގެން ވާހަކަ ދައްކަމުން ބްރެޒިލް ގެ ކޯޗު ޓީޓޭ ވަނީ، ބްރެޒިލް ގެ ތަރީޚާއި އާދަކާދަ ނޭނގޭ މީހުންގެ ކައިރިން އޭނާ މަޢާފަށް އެދެން ނުޖެހޭކަމަށެވެ.

"އަހަރެމެންގެ ޘަގާފަތަކީ ނަށައި މަޖާކުރުން ކަމަށްވާއިރު، އެކަމަށްޓަކައި އަހަރެން މަޢާފަށް ނޭދޭނަން. ޓީމުގެ ކުޅުންތެރިންނާއި ގުޅެން ކުރެވެން އޮތް ކަމަކީ ނެށުން ކަމުގައި ވާނަމަ އަހަރެން އެ މީހުންނާއި އެކު އަދިވެސް ނަށާނަން" އުމުރުން 61 އަހަރުގެ ޓީޓޭ ބުންޏެވެ.