ރަޝިއާއަށް މިސައިލް ސަޕްލައި ކުރުމުން ހުޅަނގުން އަޅާފައިވާ ދަތިކުރުމުގެ ފިޔަވަޅުތަކަށް ރައްދު ދޭނަން: އީރާން
ލިޔުންތެރިޔާ
ފާޠިމަތު އިނާ ސަވާދު
ޔޫކްރެއިންއާ ދެކޮޅަށް ބޭނުންކުރުމަށް ރަޝިޔާއަށް ކުރު ރާސްތާގެ މިސައިލް ފޯރުކޮށްދީފައިވާ ކަމަށް ހުޅަނގުގެ ގައުމުތަކުން ކުރާ ތުހުމަތުތައް އީރާނުން ކުށްވެރިކޮށް، ޔޫރަޕްގެ ތިން ގައުމަކުން އިރާނަށް އަޅާފައިވާ ދަތިކުރުމުގެ ފިޔަވަޅުތަކަށް ރައްދު ދޭނެ ކަމަށް އީރާނުން ބުނެފި އެވެ.
ތެހެރާންގެ ޚާރިޖީ ވަޒީރު އައްބާސް އަރަގްޗީ ވިދާޅުވީ އީރާނުން ރަޝިޔާއަށް ބެލިސްޓިކް މިސައިލް ފޯރުކޮށްދީފައި ނުވާ ކަމަށާއި އެމެރިކާ އާއި އެގައުމުގެ ބައިވެރިން އަމަލުކުރަނީ "ގޯސް އިންޓެލިޖެންސްގެ މައްޗަށް" ކަމަށެވެ.
އިރާނުގެ ފޮރިން މިނިސްޓްރީގެ ތަރުޖަމާނު ނާސިރު ކަނާނީ ވަނީ އިނގިރޭސިވިލާތާއި ފްރާންސް އަދި ޖަރުމަނުން އިއުލާނުކޮށްފައިވާ ދަތިކުރުމުގެ ފިޔަވަޅުތަކަކީ އީރާނުގެ ރައްޔިތުންނާ ދެކޮޅަށް "އިގްތިސާދީ ޓެރަރިޒަމް"ގެ އަމަލެއް ކަމަށް ސިފަކުރައްވައި، ޔޫރަޕްގެ ތިން ގައުމަށް އެކަށީގެންވާ ފިޔަވަޅު ތަކެއް އަޅާނެ ކަމަށް ވިދާޅުވެފަ އެވެ.
ފަރަންސް، ޖަރުމަނު އަދި އިނގިރޭސިވިލާތުން ދަތިކުރުމުގެ ފިޔަވަޅުއަޅާކަން އިއުލާނުކުރީ އީރާނުން މޮސްކޯއަށް ހަތިޔާރު ފޯރުކޮށްދޭ ކަމަށް އެމެރިކާއިން ތުހުމަތުކޮށްފައި ވަނިކޮށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
