ތުރުކިޔޭ އަދި ސީރިޔާ އަށް 1 މިލިއަން މަސްދަޅު ހަދިޔާ ކުރަން ރައީސް ޞާލިހު ނިންމަވައިފި
ތުރުކިޔޭ އަދި ސީރިޔާ އަށް 1 މިލިއަން މަސްދަޅު ހަދިޔާ ކުރަން ރައީސް އިބްރާހިމް މުހައްމަދު ޞާލިހު ނިންމަވައިފިއެވެ.
ރައީސް އޮފީހުގެ ތަރުޖަމާނު މިއުވާން ކުރެއްވި ޓްވީޓެއްގައި ވިދާޅުވީ ތުރުކިޔޭ އަދި ސީރިޔާ އަށް ބިންހެލުމުގައި އެތައް ބަޔަކު ނިޔާވެ ހާލުގައި ޖެހުމުގެ ސަބަބުން އެ ދެ ގައުމުގެ ލީޑަރަށް ވެސް ރައީސް ޞާލިހް ތައުޒިޔާ ދަންނަވައިފައިވާ ކަމަށެވެ.
އަދި މީގެ އިތުރުން، ބިންހެލުމުގެ ކާރިސާއިން އަރައިގަތުމަށް ތުރުކިޔޭ އަދި ސީރިޔާއިން ކުރަމުންދާ މަސައްކަތަށް އެހީވުމުގެ ގޮތުން އެދެ ގައުމަށް 1،000,000 (1 މިލިއަން) މަސްދަޅު ( ކޮންމެ ގައުމަކަށް 500,000) ހަދިޔާ ކުރެއްވުމަށްވެސް ރައީސް ޞާލިހު ނިންމަވާފައިވާ ކަމަށް މިއުވާން ވިދާޅުވިއެވެ.
ތުރުކިޔޭ އާއި ސީރިޔާ އަށް ސިލްސިލާކޮށް އައި ބާރުގަދަ ބިންހެލުން ތަކުގެ ސަބަބުން ނިޔާވި މީހުންގެ ޢަދަދު ވަނީ 16000 އަށް އަރާފައެވެ. މީގެތެރެއިން 12873 މީހުންނަކީ ތުރްކިޔޭ އިން ނިޔާވި މީހުންނެވެ. އަނެއް 3,127 މީހުންނަކީ ސީރިޔާ މީހުންނެވެ.
ބިންހެލުމުގައި ފުރާނަ ސަލާމަތްވި ނަމަވެސް، ބޯހިޔަލެއް، ފެނެއް، ކަރަންޓެއް، ތެލެއް، ކާނެ އެއްޗެއް ނުލިބި ހާލުގައިޖެހުމުގެ ސަބަބުން އެތައް ބަޔަކު މަރުވެދާނެ ކަމުގެ އިންޒާރު ޑަބްލިޔުއެޗްއޯ އިން ވަނީ ދީފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
