އީޕީއޭއަކީ މިނިވަން ތަނަކަށް ހެދުމަށް ރައީސް ކުރި ވައުދަށް ވީގޮތެއް ހުދު އެމަނިކުފާނަށްވެސް ނޭނގޭ: އުޝާމް
އެންވަޔަރަމެންޓަލް ޕްރޮޓެކްޝަން އޭޖެންސީ (އީޕީއޭ) އަކީ މިނިވަން ތަނަކަށް ހެދުމަކީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކުރެއްވި ރިޔާސީ ވައުދެއް ނަމަވެސް އެ ވައުދަށް ވީގޮތެއް ހުދު އެމަނިކުފާނަށްވެސް ނޭނގޭ ކަމަށް ރައްޔިތުން މަޖިލީހުގެ ވިލިމާލެ ދާއިރާގެ މެމްބަރު އަހްމަދު އުޝާމް ވިދާޅުވެއްޖެއެވެ.
އުޝާމް މިފަދައިން ވިދާޅުވެފައިވަނީ ފުވައްމުލަކުގެ ގިރަމުންދާ ސަރަހައްދުގައި ތޮށިލުމަށް ހިލަވެލި ހިފައިގެން ދިޔަ އެމްއެމް އެކްސްޕޯޓު ކުންފުނީގެ ބާޖެއް މިދިިޔަ ހުކުރު ދުވަހު ފަރަށް އެރުމަށްފަހު އީޕީއޭއިން އެ މައްސަލަ ތަހްގީގު ކުރުމުގެ ކުރިން އުޅަނދު ފުންކޮށްގެން ރާއްޖެއިން ފުރައިގެން ދިޔުމާއި ގުޅިގެންނެވެ.
އެގޮތުން އުޝާމް ކުރެއްވި ޓްވީޓުގައި ވިދާޅުވީ އީޕީއޭއަކީ ފުރިހަމަ އިހްތިޔާރާއި ބާރު ލިބިގެންވާ މިނިވަން ތަނަކަށް ހެދުން އެއީ ރައީސް ސޯލިހް 2018 ވަނަ އަހަރު ވެފައިވާ ރިޔާސީ ވައުދެއް ކަމަށެވެ.
އެހެންނަމަވެސް ވެރިކަމުގެ 5 އަހަރު ނިމެމުންދާއިރު އެވައުދަށް ވީގޮތެއް ހުދު އެމަނިކުފާނަށްވެސް މިއަދު އެނގޭ ކަމަކަށް ނުވި ކަމަށް އުޝާމް ވިދާޅުވިއެވެ.
އެހެންކަމުން ބޭރުގެ މިފަދަ ކުންފުނިތައް މިއަދު މިގައުމުގެ މުއައްސަސާތަކަށް ވުރެ ބާރު ގަދަވުމަކީ ދިވެހިން މިއަދު ވިސްނާލަންޖެހޭ ކަމެއްގެ ގޮތުގައި އުޝާމް ވަނީ ފާހަގަކުރައްވާފައެވެ.
މިއާއިއެކު މިއީ މިސަރުކާރަށް ކުރިއަށް އޮތް އިންތިހާބުގަ ނޫނެކޭ ބުނަންޖެހޭ އިތުރު އެއް ސަބަބު ކަމަށްވެސް އުޝާމް ވިދާޅުވިއެވެ.
ބާޖު ފުރުމުގެ ސަބަބުން އީޕީއޭއިން ވަނީ މިހާރު އެ މައްސަލަ ތަހްގީގު ކުރުމަށް ފުލުހުންނަށް ހުށަހަޅާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
