މޮޅަދޫ ކައުންސިލްގެ ސެޕްޓެމްބަރު މަހުގެ އާމްދަނީގެ 91 އިންސައްތަ ލިބިފައިވަނީ ހިލޭ އެހީން

ތިލަދުންމަތީ އުތުރުބުރީ މޮޅަދޫ ކައުންސިލަށް މިދިޔަ މަހު ޖުމްލަ 109،683 ރުފިޔާގެ އާމްދަނީއެއް ލިބުނުއިރު އޭގެ ތެރެއިން 100،000 ރުފިޔާ އަކީ ހިލޭ އެހީގެ ގޮތުގައި ލިބުނު ފައިސާކަން އެ ކައުންސިލުން މިއަދު ހާމަކޮށްފިއެވެ.

އެ ކައުންސިލުން މިއަދު އާންމުކުރި އާމްދަނީ ރިޕޯޓުން ދައްކާ ގޮތުގައި ސެޕްޓެމްބަރު މަހުގެ ޖުމްލަ އާމްދަނީގެ ގާތްގަނޑަކަށް 91 އިންސައްތައަކީ ހިލޭ އެހީގެ ގޮތުގައި ލިބުނު ފައިސާއެވެ.

ހިލޭ އެހީގެ އިތުރުން، އެ ކައުންސިލަށް އާމްދަނީ ލިބިފައިވާ ދެވަނައަށް އެންމެ ބޮޑު ދާއިރާއަކީ ވިޔަފާރި ކުރުމަށް ދޫކޮށްފައިވާ ބިންތަކުން ލިބުނު ފައިސާއެވެ. އެ ބިންތަކުން އެ ކައުންސިލަށް 4،950 ރުފިޔާ ލިބިފައިވެއެވެ.

މީގެ އިތުރުން، މޮޓޯރ ވެހިކަލް ލައިސެންސް ފީގެ ގޮތުގައި އެ ކައުންސިލަށް 4،132 ރުފިޔާ ލިބިފައިވެއެވެ.

މޮޓޯރ ވެހިކަލް ލައިސެންސް ފީގެ އިތުރުން، ސިނާއީ މަސައްކަތަށް ދޫކޮށްފައިވާ ބިންތަކުގެ ކުލީގެ ގޮތުގައި އެ ކައުންސިލަށް 591 ރުފިޔާ ލިބިފައިވެއެވެ. މިއީ އެ މަހުގެ އާމްދަނީގެ އެންމެ ކުޑަ މިންވަރެވެ.

އެ ރިޕޯޓުން ހާމަވާ ގޮތުގައި ހިލޭ އެހީ ނުލައި އެ ކައުންސިލަށް އަމިއްލަ ވަސީލަތްތަކުން ލިބިފައިވަނީ ޖުމްލަ 9،683 ރުފިޔާގެ އާމްދަނީއެކެވެ.