ރައީސް އޮފީހުގެ ތަރުޖަމާނު މިއުވާން މުހައްމަދު- ފޮޓޯ/ ރައީސް އޮފީސް
ރައީސް އޮފީހުގެ ތަރުޖަމާނު މިއުވާން މުހައްމަދު- ފޮޓޯ/ ރައީސް އޮފީސް
ހަބަރު 11 May 2023 | 16:19

ކިތަންމެ ވަރަކަށް ކަނޑުން ބައެއް ގެއްލުނޭ ވިދާޅުވިޔަސް ގެއްލުނު ކަމަކަށް ނުވާނެ: މިއުވާން

ޗާގޯސްގެ ކަނޑުގެ ފުށުއަރާ ސަރަހައްދުގެ އިން ވަކި ކުރި މައްސަލާގައި، އިޓްލޮސް އިން ކުރި ހުކުމުގެ ސަބަބުން ރާއްޖޭގެ ކަނޑުން ބައެއް ގެއްލިގެން ގޮސްފައިވާކަމަށް އިދިކޮޅު ފަރާތްތަކުން ވިދާޅުވި ނަމަވެސް، ކަނޑުން ބައެއް ގެއްލުނު ކަމަށް ނުވާނެ ކަމަށް ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވެއްޖެއެވެ.

ފޯޅަވަހީގެ މައްސަލާގައި އިދިކޮޅު މަޖިލިސް މެންބަރުން މިއަދު ބޭއްވި ނޫސްވެރިންގެ ބައްދަލުވުމުގައި އިޓްލޮސްގެ ނިންމުމާއި އެކު ރާއްޖޭގެ ކަނޑުގެ، ސަރަހައްދުން ބައެއް ގެއްލިގެން ގޮސްފައިވާކަމަށް އެފަރާތްތަކުން ވަނީ ވިދާޅުވެފައެވެ.

ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި އިދިކޮޅުގެ އެވާހަކަ ތަކަށް ރައްދުދެއްވައި މިއުވާން ވަނީ ރާއްޖޭގެ ކަނޑުގެ ސަރަހައްދުން ބައެއް ނުގެއްލޭ ކަމަށް ތަކުރާރުކޮށް ވިދާޅުވެފަ އެވެ. އަދި އޭގެ ބަދަލުގައި، ފުށުއަރާ ސަރަހައްދުން ރާއްޖޭގެ ބައި ކަށަވަރުވީ ކަމަށްވެސް އޭނާ ވިދާޅުވި އެވެ.

ރާއްޖޭގެ ކަނޑުގެ ބައެއް ގެއްލިގެން ނޫޅޭ. ރާއްޖެއާ އެހެން ގައުމަކާއި މީގެ ކުރީގައި ފުށުއަރާފައި އޮތް ސަރަހައްދުން ރާއްޖޭގެ ބައި ކަށަވަރުވެގެން މި ދިޔައީ. ރައްޔިތުންނަށް އޮޅުވާލުމަށް ރާއްޖޭގެ ކަނޑުގެ ބައެއް ގެއްލިގެން އުޅެނީއޭ ތަކުރާރުކޮށް އެބޭފުޅުން ވިދާޅުވިޔަސް އެކަން ހަގީގަތަކަށް ނުވާނެ.

މިއުވާން މުހައްމަދު

މީގެ އިތުރުންވެސް މިއަދުގެ ނޫސްވެރިންގެ ބައްދަލުވުމުގައި މިއުވާން ވަނީ ޗާގޯސް މައްސަލާގައި އިދިކޮޅު ފަރާތްތަކަށް އެއްގަލަކަށް އެއްގޮތަކަށްވެސް ނޭރޭ ކަމަށް ވިދާޅުވެ ވަރަށް ބޮޑަށް ފާޑުވިދާޅުވެފައެވެ.

އެގޮތުން ވިދާޅުވީ، ޗާގޯސް މައްސަލާގައިވެސް، އެހެން ވެސް މައްސަލާގައި އިދިކޮޅަށް އެއް ގަލަކަށްނޭރޭ ކަމަށާ، އެ ފަރާތްތަކަށް އެނގޭ ހަމަ އެކަނި އެއްޗަކީ ވެރިކަން ކުރަން ބޭނުންވާ ކަން ކަމަށެވެ. އެހެންނަމަވެސް، ވެރިކަން ކުރާނީ ކާކުތޯއާއި ކިހިނެއްތޯ ވެސް ކަނޑަނޭޅޭ ކަމަށް އޭނާ ވިދާޅުވިއެވެ.

އަޅުގަނޑަށް ހިޔެއް ނުވޭ ޗާގޯސް މައްސަލާގައިވެސް އަދި އެހެން މައްސަލައެއްގައިވެސް އެ ބޭފުޅުންނަށް އެއްގަލަކަަށް އަރައި އެއް ވާހަކަ ތަކެއް ދެއްކޭ ހެނެއް. ބައެއް ބޭފުޅުން ޗާގޯސް އަކީ ރާއްޖޭގެ ބައެއް ކަމަށް ވިދާޅުވޭ. އަނެއްބައި ބޭފުޅުން ވިދާޅުވޭ ރާއްޖޭގެ ތަނެއް ނޫނޭ. ރާއްޖޭގެ ތަނެއް ނޫނިއްޔާ ކިހިނެއްތޯ ރާއްޖޭގެ ކަނޑުގެ ސަރަހައްދަކީ ރާއްޖޭހެ ސަރަހައްދަކަށް ވަނީ.

އެބޭފުޅުން އެއްބަސްވާ އެންމެ ކަމެއް މި އޮންނަނީ. ވެރިކަން ކުރަން ހުރިހާ ބޭފުޅުންވެސް ބޭނުންވާ ކަން އެއްބަސްވެވޭ. އެހެން ނަމަވެސް ވެރިކަން ކުރާނީ ކިހިނެއް ކަމެއް. އެއްކޮށްތޯ ވަކިވަކިންތޯ އެބޭފުޅުންނަށް އެއްބަސްވުމަކަށް ނާދެވޭ. އެހެންވީމާ ސަރުކާރާއި ދެކޮޅަށް ރައްޔިތުންގެ ހިތުގައި ނަފްރަތު އުފައްދަވަން އެބޭފުޅުން އެއްގަލަކަށް އަރައިގެން އެ ވާހަކަ ދައްކަވަނީ

މިއުވާން މުހައްމަދު

ފޯޅަވަހީގެ ކަނޑުގެ ފުށުއަރާ ސަރަހައްދު ބައި ކުރުމުގެ މައްސަލާގައި ކޯޓުގައި ވަކާލާތު ކުރަމުން ދިޔައިރު ދިވެހިރާއްޖޭގެ މަސްލަހަތު ހިމާޔަތްކުރުމަށް ރާއްޖެ ތަމްސީލުކުރި ގާނޫނީ ޓީމުން އެއްވެސް އެއްޗެއް ވިދާޅުވެފައި ނުވާކަމަށް ކުރީގެ ބަންޑާރަ ނައިބު ޑރ މުހައްމަދު މުނައްވަރު އަދި އާޒިމާ ޝުކޫރުވެސް ވަނީ ވިދާޅުވެފަ އެވެ. އަދި އިޓްލޮސްގައި ދިވެހި ސަރުކާރުގެ ފަރާތުން ނަގާފައިވާ ޕޮސިޝަނަކީ ވެސް ޤާނޫނާއި ޚިލާފު ޕޮސިޝަނެއްކަމަށް އެ ފަރާތްތައް ފާހަގަކުރައްވަ އެވެ.

އެގޮތުން ހަމަޔަށް ބައި ނުކޮށް، ރާއްޖެއަށް މަންފާވާ ގޮތަށް ބަހަން ދިވެހި ދައުލަތުގެ ފަރާތުން ހުށައަޅާފައި ނުވުމަކީވެސް ޤާނޫނީ ބޭފުޅުން އެންމެ ބޮޑަށް ކަންބޮޑުވުން ފާޅުކުރަމުން އަންނަ ނުކުތާއެވެ.

އެގޮތުން ޗާގޯސް އަކީ މިނިވަން ދައުލަތެއް ނޫން ކަމަށާއި، ފުށުއަރާ ސަރަހައްދެއް ހަމައަށް ބައިކުރަން ޖެހޭނީ ގައުމުތަކުގައި މެދުގައި ކަމަށާއި، އެ ސަރަހައްދަކީ ދިވެހިން މަސްވެރިކަން ކުރަމުން އަންނަ ސަރަހައްދަކަށް ވެފައި، މޮރިޝަސްއަކީ މަސްވެރި ގައުމަކަށް ނުވާއިރު، ދާ އަޅަން ލައިސެންސް ދޫކުރާ ގައުމަކަށް ވުމުން، އެތަން އެމީހުންނަށް ލިބިއްޖެނަމަ ރާއްޖޭގެ އިގްތިސާދަށް ކުރާނެ ނޭދެވޭ އަސަރުތަކުގެ ވާހަކައަކީ ދިވެހި ދައުލަތުން ކޯޓުގައި ދައްކަން ޖެހޭނެ ވާހަކަތަކެއް ކަމަށް އިދިކޮޅުން އަންނަނީ ބުނަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފޯޅަވަހި މައްސަލާގައި ރާއްޖެއިން ޢަމަލުކުރި ގޮތް ތަޙުޤީޤުކުރަން ރައީސުލްޖުމްހޫރިއްޔާ ޚާއްޞަ ކޮމިޝަނެއް އުފައްދައިފި
01 Nov 2026 ހަބަރު

ފޯޅަވަހި މައްސަލާގައި ރާއްޖެއިން ޢަމަލުކުރި ގޮތް ތަޙުޤީޤުކުރަން ރައީސުލްޖުމްހޫރިއްޔާ ޚާއްޞަ ކޮމިޝަނެއް އުފައްދައިފި

ދިވެހިރާއްޖެއާ ފޯޅަވައްސާ ދެމެދު ކަނޑުގެ ސަރަޙައްދު އަދި ކޮންޓިނެންޓަލް ޝެލްފްގެ އިންތައް ކަނޑައެޅުމަށް މޮރިޝަސްއިން އިންޓަރނޭޝަނަލް ޓްރައިބިއުނަލް ފޮރ ދަ ލޯ އޮފް ދަ ސީ (އިޓްލޮސް) އަށް ހުށަހެޅި މައްސަލައިގައި ރާއްޖެއިން ޢަމަލުކުރި ގޮތް ތަޙުޤީޤުކުރުމަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޚާއްޞަ ކޮމިޝަނެއް މިއަދު އުފައްދަވައިފިއެވެ.