ޕީޕީއެމުން ޤާސިމް އާއިއެކު ބައްދަލުވުމެއް ބާއްވައިފި
ޕްރޮގްރެސިވް ކޮންގްރެސް ކޯލިޝަން އިން ރައްޔިތުން މަޖިލީހުގެ މާމިގިލި ދާއިރާގެ މެމްބަރު އަދި ޖުމްހޫރީ ޕާޓީ (ޖޭޕީ) ގެ ލީޑަރ ޤާސިމް އިބްރާހިމް އާއިއެކު މުހިންމު ބައްދަލުވުމެއް ބައްވައިފިއެވެ.
މިއަދު އޮތް މި ބައްދަލުވުމުގައި ޖޭޕީގެ ފަރާތުން ޤާސިމްގެ އިތުރުން އޭނާގެ ސްޕެޝަލް އެޑްވައިޒަރ އަހްމަދު ނިހާން ހަސަން މަނިކުވެސް ބައިވެރިވެ ވަޑައިގަތެވެ.
އިދކޮޅު ކޯލިޝަންގެ ފަރާތުން މި ބައްދަލުވުމުގައި ބައިވެރިވެފައިވަނީ އިދިކޮޅު ކޯލިޝަން ވަގުތީގޮތުން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުالله، ރައްޔިތުން މަޖިލީހުގެ ނައިފަރު ދާއިރާގެ މެމްބަރު އަދި ޕީޕީއެމްގެ ނައިބު ރައީސް އަހުމަދު ޝިޔާމް، މަހިބަދޫ ދާއިރާގެ މެންބަރު އަހުމަދު ޠާރިގު، އަދި ފަރެސްމާތޮޑާ ދާއިރާގެ މެމްބަރު ޙުސައިން މުހައްމަދު ލަޠީފްއެވެ.
މިކަމާއި ގުޅިގެން އަބްދުއްރަހީމް ކުރައްވާފައިވާ ޓްވީޓުގައި ބުނެފައިވަނީ މި ބައްދަލުވުމަކީ ގައުމުގައި ހުރި ބޮޑެތި މައްސަލަތަކާ ގުޅޭގޮތުން ކުރީގެ ރައީސް އަދި އިދިކޮޅު ކޯލިޝަންގެ ލީޑަރު ރައީސް އަބްދުالله ޔާމީން އަބްދުލްގައްޔޫމް ގެ ލަފާފުޅާ އިރުޝާދުގެ މަތިން ކުރިއަށް ގެންދެވުނު މުހިންމު ބައްދަލުވުމެއް ކަމަށެވެ.
އިދިކޮޅު ކޯލިޝަން އިން އަންނަނީ ޖުމްހޫރީ ޕާޓީގެ އިތުރުން އަލަށް އުފެދެނު ދަ ޑިމޮކްރެޓްސް އާއި އެމްއެންޕީ އާއި އެކުވެސް މަޝްވަރާ ބައްދަލުވުންތައް ބާއްވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
