މިވަރު ސަރުކާރަކާއި ކީރިތި ރަސޫލާ އާއި އަޅާ ކިޔުން ބަލައެއް ނުގަނެވޭ: ޝިދާތާ
މިވަރު ސަރުކާރަކާއި ކީރިތި ރަސޫލާ އާއި އަޅާ ކިޔުން ބަލައެއް ނުގަނެވޭ ކަމަށް މިސަރުކާރުގެ ފުރަތަމަ ޖެންޑާ މިނިސްޓަރ ޝިދާތާ ޝަރީފް ވިދާޅުވެއްޖެއެވެ.
ޝިދާތާ މިހެން ވިދާޅުވެފައިވަނީ އަދާލަތު ޕާޓީގެ ރައީސް އަދި ހޯމް މިނިސްޓަރ އިމްރާން އަބްދުﷲ ގެ ވާހަކައަށް ރައްދު ދެއްވަމުންނެވެ.
މަރުކަޒީ އުސޫލުން އިދާރީ ދާއިރާތައް ހިންގުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން ދެކުނުގެ ހަތް އަތޮޅުގެ ކައުންސިލަރުންނާއި ސަރުކާރުގެ ވެރިން ބައިވެރިވާ 'ވިއަވަތި ރާއްޖެ' ކޮންފަރެންސްގައި ވާހަކަދައްކަވަމުން ހޯމް މިނިސްޓަރ އިމްރާން އަބްދުﷲ ވިދާޅުވެފައިވަނީ ގުރުއާނުގައިވާ ހެޔޮ ވެރިކަމުގެ ސިފަތައް މި ސަރުކާރުގައި އެބަ ހުރި ކަމަށެވެ.
އިމްރާން މިހެން ވިދާޅުވުމުން ރައްދުގައި ޝިދާތާ ވިދާޅުވެފައިވަނީ މި ސަރުކާރުން ދައުލަތް ހިންގުމުގެ ކޮންމެ ދިމާލަކަށް ބަލާލިޔަސް ކޮރަޕްޝަނާއި ފަސާދަ އަދި ބަދުއަޚުލާޤީ އެތައް ކަމެއް ސަރުކާރުގެ އިހުމާލުން ނުބެލި އޮތްކަމަށެވެ.
"މިވަރު ސަރުކާރަކާއި ކީރިތި ރަސޫލާ ﷺ އާއި އަޅާ ކިޔުން ބަލައެއް ނުގަނެވޭ" ޝިދާތާ ވިދާޅުވެފައިވެއެވެ.
ފާހަގަ ކޮށްލެވޭ ގޮތުގައި މި ސަރުކާރުގެ ޖެންޑާ މިނިސްޓަރުކަން ކުރެއްވި ޝިދާތާ އަކީ ކުރިން އަދާލަތު ޕާޓީގެ އިސް ސަފުން ފެނިގެން ގޮސްފައިވާ ބޭފުޅެކެވެ. ނަމަވެސް މިދިޔަ އަހަރުގެ އޮގަސްޓު މަހު ޝިދާތާ ވަނީ އަދާލަތު ޕާޓީ ދޫކޮށް މޯލްޑިވްސް ނެޝަނަލް ޕާޓީ (އެމްއެންޕީ)އާ ގުޅިވަޑައިގެންފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
