ޓެކްސް ބޮޑުކުރަން ހުށައެޅީ ބައިނަލްއަގުވާމީ މާލީ އިދާރާތަކުގެ ލަފަޔާއި ދެކޮޅަށް: ސައީދު
ރައްޔިތުން އަތުން ނަގާ ޓެކްސް ބޮޑުކުރުމަށް ސަރުކާރުން ހުށައެޅި ހުށައެޅުމަކީ ބައިނަލްއަގުވާމީ މާލީ އިދާރާތަކުގެ އެންގުންތަކާއި ރިކޮމެންޑޭޝަންތަކާއި ދެކޮަޅަށް ހުށައެޅި ބިލެއްކަމަށް ރައްޔިތުންގެ މަޖިލީހުގެ މާވަށުދާއިރާގެ މެމްބަރު އަދި ކުރީގެ އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
ސައީދު މިފަދައިން ވިދާޅުވެފައިވަނީ މުދަލާއި ޚިދުމަތުގެ އަގުން ޓެކްސް ނެގުމުގެ ގާނޫނަށް ސަރުކާރުގެ ފަރާތުން ހުށައަޅާފައިވާ އިސްލާހަށް މަޖިލީހުގައި ބަހުސްކުރައްވަމުންނެވެ.
ސައީދުގެ ވާހަކަފުޅުފައްޓަަވަމުން ވިދާޅުވީ ޓެކްސް ނަގަން ސަރުކާރުން ރައްޔިތުންނާއި ހަމަޔަށްދާއިރު ބައިނަލްއަގުވާމީ އިދާރާތުން އުފައްދާ ސުވާލުތަކެއް ހުރިކަމަށެވެ. އެގޮތުން އިންޓަރނޭޝަނަލް މަނިޓަރީ ފަންޑުގެ ނަން ސައީދު ފާހަގަކުރެއްވިއެވެ. އަދި އެކަމާއި ގުޅޭގޮތުން އައި.އެމް.އިން ބުނެފައި ހުރި ވާހަކަތަކަށް ސައީދު ވަނީ ވަނީ އަލިއަޅުވާލައްވާފައެވެ.
" އައި.އެމް.އެފް ގެ އެންމެ ވަރުގަދަ ރިކޮމެންޑޭޝަންއަކީ ރައްޔިތުންގެ ޖީބުން ނުވަތަ ރައްޔިތުންގެ އާމްދަނީއިން، އިތުރު ޓެކްސްއެއް މިވަގުތު ނަގައިގެން ނުވާނެކަމަށް، ސަރުކާރުގެ ޚަރަދަށް ސަރުކާރު ޒިންމާ ނުވެ، ސަރުކާރުގެ ޚަރަދު ކުޑަ ނުކޮށް"
މާވަށު ދާއިރާގެ މެމްބަރު ސައީދު
އެކަން ފާހަގަކުރައްވާ ސައީދު ވިދާޅުވީ އެކަން އެފަދަ އިދާރާތަކުން ބަޔާންކުރި ނަމަވެސް ސަރުކާރުން މި ބިލު ހުށައަޅާފައިވާއިރު ސަބަބެއްކަމުގައި ބަޔާންކޮށްފައިވަނީ ދެކޮޅު ޖެހޭ ވާހަކައެއް ނޫންކަމަށެވެ. އަދި މި ކަމަކީ ދުނިޔޭގެ މާލީ އިދާރާތަކުގެ އެންގުންތަކާއި ސީދާ ދެކޮޅަށް ކުރާ ކަމެއްކަމަށް ސައީދު ވަނީ ވިދާޅުވެފައެވެ.
ސައީދުގެ ވާހަކައިގައި ވަނީ ސަރުކާރުން ޚަރަދަށް ޒިންމާ ވާނެ ކަމާމެދުވެސް ސުވާލު އުފައްދަވާފައެވެ. އެ މައުލޫގައި ސައީދު ވިދާޅުވީ ޚަރަދަށް ޒިންމާވުމުގެ ގާނޫނު އޮތީ ތަޅުލާފައިކަމަށެވެ. އަދި އެ ގާނޫނުގެ މުހިންމު 3 މާއްދާއެއް ސަސްޕެންޑުކޮށްފައި އޮންނަތާ ތިން އަހަރު ވެފައިވާކަމަށް ސައީދު ވަނީ ވިދާޅުވެފައެވެ.
"ފިނޭންސް މިނިސްޓަރުގެ ސިޓީއަކުން، ފިނޭންސް މިނިސްޓަރު މަޖިލީހުގެ ރައީސްއަށް ފޮނުވި ސިޓީއަކުން ގާނޫނެއް އެ އޮތީ ސަސްޕެންޑުކޮށްފައި، އެ ސިޓީ އައި ދުވަހުވެސް ރިޔާސަތުން އެންގި، ޚާއްސަ ހުއްދައެކޭ މި ދެނީ ކުޑަ ދުވަސްކޮޅަކަށް، އެކައުންޓަބަލް ވާ އުސޫލުން، އެހެން ނަމަވެސް 1 އަަހރު ދިޔައީ، 2 އަހަރު ދިޔައީ 3 ވަނަ އަހަރު ދަނީ ދައުލަތުގެ ޚަރަދަށް ޒިންމާވުމުގެ ގާނޫނު އެ އޮތީ ސަސްޕެންޑުކޮށްފައި"
މާވަށު ދާއިރާގެ މެމްބަރު ސައީދު
ރައްޔިތުން އަތުން ނަގާ ޓެކްސް ބޮޑުކުރުމަށް ހުށައެި ހުށައެޅުމަކީ ބައިނަލް އަގުވާމީ މާލީ އިދާރާތުގެ އެންގުމާއި ދެކޮޅަށް ހުށައަޅާފައިވާ އިސްލާހެއްކަން ތަކުރާރުކޮށް ފާހަގަކުރައްވާ ސައީދު ވަނީ ކަންބޮޑުވުން ފާޅުކުރައްވާފައެވެ.
އަދި ސަރުކާރުގެ ޚަރަދުތައް ކުޑަ ނުކޮށް، ސަރުކާރު ހިންގުމަށް ރައްޔިތުން އަތުން ނަގާ ޓެކްސް އިތުރު ކުރުމަކީ ތާއީދުކުރައްވާ ކަމެއް ނޫންކަމަށް ސައީދު ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
