އަލިފާނުގެ ހާދިސާގައި ގެއްލުންވި މީހުންނަށް އެހީވުމަށް ފަންޑެއް ހުޅުވައިފި!
މ. ނިރުފެހިގޭގައި ހިނގި އަލިފާނުގެ ހާދިސާގައި ހާލުގައި ޖެހުނު ފަރާތްތަކަށް އެހީތެރިކަން ފޯރުކޮށްދިނުމަށްޓަކައި މިޝަން ފޯ މައިގްރަންޓް ވަރކަރޒް މޯލްޑިވްސް (އެމް.އެމް.ޑަބްލިއު.އެމް) ގެ ފަރާތުން ފަންޑެއް ހުޅުވައިފިއެވެ.
އެމް.އެމް.ޑަބްލިއު.އެމް އިން ބުނީ، މި ފަންޑަކީ އެ ހާދިސާގައި ހާލުގައި ޖެހުނު ފަރާތްތަކަށް މި ދަނޑިވަޅުގައި ޒަރޫރީ ބޭނުންތައް ފުއްދުމަށްޓަކައި ބޭނުންވާ ތަކެތި ފޯރުކޮށްދިނުމަށްޓަކައި ހުޅުވާލެވިފައިވާ ފަންޑެއް ކަމަށެވެ.
48 ގަޑިއިރަށް ހުޅުވިފައި ހުންނަ މި ފަންޑުގެ ތެރެއިން މި ހާދިސާގައި ބޯހިޔާވަހިކަން ގެއްލުނު 14 ބިދޭސީންނާއި، ނިޔާވި 10 ބިދޭސީންގެ އާއިލާތަކަށްވެސް އެހީތެރިކަން ފޯރުކޮށްދިނުމަށް ހަމަޖެހިފައިވާކަމަށް އެމް.އެމް.ޑަބްލިއު.އެމްއިން ފާހަގަކުރެއެވެ.
ފައިސާ ޖަމާކުރާ އެކައުންޓްގެ މަޢުލޫމާތު:
މިޝަން ފޯ މައިގްރަންޓް ވަރކަރޒް މޯލްޑިވްސް
ދިވެހި ރުފިޔާ: 7730000378559
ޔޫއެސް ޑޮލަރ: 7730000378560
ވައިބަރ/ވަޓްސްއެޕް: 7384994
މި ފަންޑުގެ ތެރެއިން، ފަހުގެ ތާރީޚެއްގައި ދިވެހިރާއްޖެ ދުށް އެންމެ ނުރައްކާތެރި އަލިފާނުގެ ހާދިސާގައި ހާލުގައި ޖެހުނު ފަރާތްތަކަށް އެކަށީގެންވާ އެހީތެރިކަމެއް ފޯރުކޮށްދެވުމަކީ އެ ޖަމްޢިއްޔާގެ އެންމެ އިސް އަމާޒެވެ. އެހެންކަމުން މި ފަންޑަށް ވީހާވެސް ގިނަ ބޭފުޅުންގެ ދީލަތި އެހީ ލިބިގެން ދިޔުމަކީ އެ ޖަމްޢިއްޔާގެ ވަރަށް ބޮޑު އެދުމެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
