ކުރިން ވިސާ ނެގުމަކާއި ނުލައި ސައުދީއަށް މިހާރު ދަތުރުކުރެވޭނެ!
ކުރިން ވިސާ ނެގުމަކާއި ނުލައި ދިވެހިންނަށް ސައުދީ އަރަބިއްޔާއަށް ދަތުރުކުރެވޭނެ ގޮތް ހަމަޖައްސައިފިއެވެ.
މިކަން ހާމަކުރެއްވީ މިއަދު ފޮރިން މިނިސްޓްރީގައި އޮތް ނޫސްވެރިންގެ ބައްދަލުވުމެއްގައި މިނިސްޓަރ އަބްދުﷲ ޝާހިދެވެ.
މިނިސްޓަރ ޝާހިދު ވިދާޅުވީ ވިސާގެ އުސޫލަށް ގެނެވުނު ބަދަލުތަކާއި އެކު އުމްރާއާއި ފަތުރުވެރިކަމުގެ ބޭނުންތަކުގައި ސައުދީ އަރަބިއްޔާއަށްދާ ދިވެހިންނަށް އޮން-އެރައިވަލް ވިސާ ލިބިގެންދާނެއެވެ. ނަމަވެސް ހައްޖުގެ އަޅުކަން އަދާާކުރުމަށްދާ ފަރާތްތަކުން އަބަދުވެސް އަމަލުކުރާ ފަދައިން ޚާއްސަ ވިސާއެއް ނަގަން ޖެހޭނެކަމަށް މިނިސްޓަރ ވިދާޅުވިއެވެ.
ޝާހިދު ވިދާޅުވީ ދިވެހިންނަށް ސައުދީއަށް ދަތުރުކުރުމުގައި ލުއިފަސޭހަތަކެއް ލިބިގެންދިޔައީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހާއި، އެގައުމުގެ ވަލީއަހުދު މުހައްމަދު ބިން ސަލްމާންއާއި ދެމެދުގައި އޮންނަ ގާތް ގުޅުމުގެ ސަބަބުން ކަމަށެވެ.
ރައީސް ޞާލިހުގެ ސަރުކާރުން ދަނީ ދިވެހިން ބޭރު ގައުމުތަކަށް ދަތުުރުކުރުމުގައި ގިނަ ލުއިފަސޭހަތަކެއް ހޯދުމަށް މަސައްކަތް ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
