އެމްޕީއެލްއިން އާ ބަސް ރޫޓެއް ތައާރަފްކޮށްފި
މާލެއާއި ހުޅުމާލެއާއި ދެމެދު ބަހުގެ ޚިދުމަތް ފޯރުކޮށްދޭ މޯލްޑިވްސް ޕޯޓްސް ލިމިޓެޑުން އާ ބަސް ރޫޓެއް ތައާރަފްކޮށްފިއެވެ.
މި ބަސް ރޫޓް ރަސްމީގޮތުން ތައާރަފްކޮށްފައިވަނީ އިއްޔެ ކާނިވާ ސަރަހައްދުގައި ބޭއްވި ޚާއްސަ ރަސްމިއްޔާތެއްގައެވެ.
އެމްޕީއެލްއިން މައުލޫމާތުދޭ ގޮތުގައި މި އާ ބަސް ރޫޓް ދަތުރުކުރުމަށް ހަމަޖެހިފައިވަނީ މާލޭގެ ހެންވޭރު ކާނިވާ ސަރަހައްދުން ފެށިގެން ހުޅުމާލެއާއި ހަމައަށެވެ. މި ދަތުރުގައި ބަސް މަޑުކުރާނެ ތަންތަނަކީ ކާނިވާ ބަސް ސްޓޮޕް ހެންވޭރު ވޮލީކޯޓު ކުރިމަތި، ރެޑްވޭވް ކުރިމަތި (އަސުރުމާ ހިނގުން، ހުޅުމާލެ) އަދި ސެންޓްރޯ މޯލް ކުރިމަތި (ހުވަނދުމާ ހިނގުން، ހުޅުމާލެ)އެވެ.
މި ރޫޓްގެ ބަސް ދަތުރު ފެށުމުން ސަރުކާރުގެ ގިނަ މުވައްޒަފުންނަށާއި ސްކޫލް ދަރިވަރުންނަށް ފަސޭހަވެގެން ދާާނެކަމަށް އެމްޕީއެލްއިން އުންމީދުކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
