އައިހަމްގެ ހެޓްރިކާއި އެކު އިނގުރައިދޫއަށް ފަސޭހަ މޮޅެއް!

ސޮނީ ސްޕޯޓްސް ގޯލްޑަން ފުޓްސަލް ޗެލެންޖް 2023 ގައި އިނގުރައިދޫ ކުޅުނު ދެވަނަ މެޗުގައި ރ.އަތޮޅު މީދޫ އާއި ވާދަކޮށް 7-1 ތަފާތު ބޮޑު ނަތީއްޖާއަކުން މޮޅުވެއްޖެއެވެ.

މުބާރާތުގެ ފުރަތަމަ މެޗުގައި އިންނަމާދޫ އަތުން ފަސޭހަ ކަމާއިއެކު 8-0 ގެ ތަފާތުބޮޑު ނަތީއްޖާއަކުން އެޓީމު މޮލުވެފައި އޮތުމުން ރޭގެ މެޗުގައި އެޓީމު ފެށީވެސް އިރުބާރާއެކުގައެވެ. މި ގޮތުން ފުުރަތަމަ ހާފުގައި އެޓީމުން ތިން ލަނޑު ކާމިޔާބުކުރި އިރު ދެވަނަ ހާފުގައި އެޓީމުން އިތުރު ހަތަރަު ލަނޑު ކާމިޔާބުކުރިއެވެ.

ރޭގެ މެޗުގައި އިނގުރައިދޫ ޓީމުގެ އަހުމަދު އައިހަމް ތިން ލަނޑު ކާމިޔާބުކޮށް ހެޓްރިކު ހެދިއިރު އިންނަމާދޫ އާއި ދެކޮޅަށް ކުޅުނު މެޗުގައިވެސް އައިހަމް ވަނީ ހެޓްރިކް ހަދާފައެވެ. އެޓީމުގެ އިތުރު ލަނޑުތައް ކާމިޔާބުކުރީ މުހައްމަދު ޖުމާން ދެ ލަނޑު ކާމިޔާބުކޮށްދިން އިރު މުހައްމަދު މަމްދޫހު އަދި އިބްރާހިމް ޝަފްރާޒް މިއިން ކޮންމެ ކުޅުންތެރިއަކުވަނީ އެއް ލަނޑު ކާމިޔާބުކޮށްފައެވެ. މީދޫ ޓީމުގެ ހަމައެކަނި ލަނޑު ދެވަނަ ހާފުގައި ކާމިޔާބުކޮށްދިނީ ރަޝާދު އަބްދުލް މަތީން އެވެ.

މިގުރޫޕްގައި ރޭ ކުޅެވުނު އަނެއް މެޗުގައި އަލިފުށި ވަނީ 5-1 ގެ ނަތީއްޖާއަކުން އިންނަމާދޫ ބަލިކޮށްފައެވެ. މި އަހަރުގެ މުބާރާތުގައި އަތޮޅު ބުރުގައި ރ. އަތޮޅުން ވަނީ ފަސް ޓީމު ބައިވެރިވެފައެވެ. އެއީ އިގުރައިދޫގެ އިތުރުން ދުވާފަރު، އަލިފުށި، މީދޫ އަދި އިންނަމާދޫ އެވެ

މިގުރޫޕްގައި ކުޅުނު ދެ މެޗުން މޮޅުވެ 6 ޕޮއިންޓާއި އެކު އިނގުރައިދޫ އެއްވަނާގައި އޮތްއިރު، ގުރޫޕް ތިން ވަނަ މެޗުގައި ފެބުރުއަރީ 15 ވަނަ ދުވަހު އެޓީމު ނުކުންނާނީ އަލިފުށީ ފުޓްސަލް ޓީމާއި ދެކޮޅަށެވެ. އަދި ގުރޫޕް ސްޓޭޖްގެ ފަހު މެޗުގައި ދުވާފަރު ފުޓްސަލް ޓީމާއި ދެކޮޅަށް އިގުރައިދޫ ނުކުންނާނީ ފެބުރުއަރީ މަހުގެ 25 ވަނަ ދުވަހުގައެވެ.