މިވަގުތު ދުރުގައި ހުއްޓަސް އަޅުގަނޑުގެ ހިތް އޮތީ ޕީޕީއެމްއާއެކު: ނާޒިމް
ރިޔާސީ އިންތިހާބުގެ ދެވަނަ ބުރުގައި އެމްއެންޕީން ނުކުމެ މިތިބީ ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުއަށް އިންތިހާބު ކާމިޔާބު ކޮށްދިނުމަށްޓަކައި ޖާނާއި މާލުން ގުރުބާންވުމަށް އަތުކުރި އޮޅާލައިގެން ކަމުގައްޔާއި ދުރުގައި ހުއްޓަސް އެމަނިކުފާނުގެ ހިތް އޮތީ ޕީޕީއެމް އާއެކު ކަމުގައި އެމްއެންޕީގެ ލީޑަރ ކާނަލް ރިޓަޔަރޑް މުހައްމަދު ނާޒިމު ވިދާޅުވެެއްޖެއެވެ.
މިހާރު ކުރިއަށްދާ ޕީޕީއެމް/ޕީއެންސީ އަދި އެމްއެންޕީ ގެ ޖޮއިންޓް ޕްރެސްގައި ވާހަކަ ދައްކަވަމުން ނާޒިމް ވިދާޅުވީ، ރިޔާސީ އިންތިހާބުގެ ފުރަތަމަ ބުރުގައި ރައްޔިތުން އެންމެ އިތުބާރުކުރައްވާ ދެ ކެންޑިޑޭޓުންވަނީ ރައްޔިތުންގެ ވޯޓުން ކަނޑައަޅައިފައިކަމުގައެވެ.
އެގޮތުން ރިޔާސީ އިންތިހާބުގައި ޕީޕީއެމް ޕީއެންސީއާއެކި ކުރިއަށް ދިއުމަށް އެ ޕާޓީން ނިންމީ މުހިއްމު ގައުމީ ކަމެއްގެ ގޮތުގައި ދެމުންގެން ކަމުގައިކަން ހާމަކޮށް ނާޒިމް ވިދާޅުވީ، އެމަނިކުފާނުގެ އަރިހުގައި މަސައްކަތްކުރައްވާ ގިނަ ބޭފުޅުންނަކީ ޕީޕީއެމް ޕީއެންސީގެ ފިކުރުގެ ބޭފުޅުން ކަމުގައެވެ.
ހަގީގަތުގައި އަޅުގަނޑުގެ ސިޔާސީ ހަޔާތް ފެށުނީ ޕީޕީއެމްއިން، އެހެންވީމަ އަޅުގަނޑު ވަރަށް އިހްތިރާމްކުރާ ޕާޓީއެއް ވަރަށް ލޯބިވާ ޕާޓީއެއް ޕީޕީއެމްއަކީ، މި ވަގުތު ދުރުގައި އޮތަސް އަޅުގަނޑުގެ ހިތް އޮތީ ޕީޕީއެމްއާއެކު
ކާނަލް ނާޒިމް
މީގެ އިތުރުން ނާޒިމް ވިދާޅުވެފައިވަނީ ޕީޕީއެމްއާއެކި މަސައްކަތް ކުރުމަށް ނިންމި އެންމެ މުހިއްމު ސަބަބަކީ ޕީޕީއެމް އަކީވެސް އަދި އެމްއެންޕީއަކީވެސް ދިވެހި ގައުމަށްޓަަކައި ހެވާއި ލާބަޔަށް މަސައްކަތްކުރާ، މި ގައުމު އިސްކުރާ ބައެއްގެ ގޮތުގައި ތިބި ދެ ޕާޓީއަށް ވުން ކަމަށާއި، އެހެންކަމުން ދެ ޕާޓީން އެކުގައި މަސައްކަތް ކުރުމަކީ ނުހަނު ފަސޭހަކަމަކަށް ވުން ކަމުގައި ވާތީކަމަށެވެ.
ހަމަ އެޔާއެކު ޕީޕީއެމް ޕީއެންސީއާއެކު މަސައްކަތް ކުރުމަށް ނިންމި ސަބަބަކުގެ ތެރޭގައި އެ ޕާޓީގެ މެނިފެސްޓޯއާއި ފަލްސަފާތަކުގައި އެމްއެންޕީން ގަބޫލުކުރާ އުސޫލުތަކާއި ހަމަތައް ގިނަވުންވެސް ހިމެނޭކަން ނާޒިމް ވަނީ ފަާހަގަކުރައްވާފައެވެ.
ރިޔާސީ އިންތިހާބުގެ ދެވަނަބުރުގެ ވޯޓުލުން މިމަހުގެ 30 ވަނަ ދުވަހު ބޭއްވުމަށް ހަމަޖެހިފައިވާއިރު ދެވަނަ ބުރުގައި ވާދަކުރާ ޕީޕީއެމް/ޕީއެންސީ އަދި އެމްޑީޕީއާއި ކޯލިޝަން ހެދުމުގެ މަޝްވަރާތައް ސިޔާސީ ޕާޓީތަކުން މިހާރު ކުރަމުން އަންނަ އިރު، އިބްތިހާބުގެ ފުރަތަމަ ދެވަނަ ބުރުގައި ކޯލިޝަން ހެދުމަށް ނިންމި ފުރަތަމަ ޕާޓީއަކީ އެމްއެންޕީއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
