ތަފާތުކުރުމެއް ނެތި 4 އަހަރު ރައްޔިތުންނަށް ޚިދުމަތް ކުރެވިއްޖެ: ރައީސް ސޯލިހު
ތަފާތުކުރެމެއްނެތި ރައްޔިތުންނަށް ޚިދުމަތް ކުރުމަށް ވީ ވައުދާއި އެއްގޮތަށް 4 އަހަރު ވެރިކަން ކުރެވިއްޖެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު މިފަދައިން ވިދާޅުވެފައިވާނީ މިއަހަރުގެ ޖުމްހޫރީ ދުވަހުގެ މުނާސަބާއާއި ގުޅިގެން ބޭއްވި ޚާއްސަ ޖަލްސާއެއްގައި ވާހަކަދައްކަވަމުންނެވެ.
އެމަނިކުފާނު ވިދާޅުވީ ރައްޔިތުންގެ މެދުގައި ތަފާތުކުރުމެއްނެތި ޚިދުމަތްކުރުމަކީ އެމަނިކުފާނުގެ ވެރިކަމުގެ އަމާޒުކަމަށެވެ. އަދި ފާއިތުވި 4 އަހަރަކީ އެ އުސޫލުގެ މަތިން ވެރިކަން ކުރެވުނު 4 އަހަރުކަމަށް ގަބޫލުފުޅުކުރައްވާކަމަށް ރައީސް ސޯލިހު ވިދާޅުވިއެވެ.
"މީގެ 4 އަހަރު ކުރިން އަޅުގަނޑު ދިވެހި ރައްޔިތުންނަށް އެރުވި ޔަގީންކަމެއް ވާނެ. އެއީ ދިވެހިރައްޔިތުންގެ އުންމީދުތައް ހާސިލްކޮށް ދިނުމުގައި އެއްވެސް ރައްޔިތަކު ތަފާތު ނުކުރާނެކަމުގެ ޔަގީންކަން. ތަފާތެއްނެތި ހަމަހަމަ ކަމާއެކު ރައްޔިތުންނަށް ޚިދުމަތް ކުރުމުގައި އަޅުގަނޑު ދެމިހުންނާނެކަމުގެ ޔަގީންކަން. މިއަދުމީ އޭގެ 4 އަހަރު ފަސް. އެދުވަހު އެ ވީ ވައުދުން ކަސިޔާރު ނުވެ ދިވެހިރައްޔިތުންނަށް ހަމަހަމަ 4 އަހަރުކަމުގައި ފާއިތުވި 4 އަހަރު ވެގެން ހިނގައްޖެ"
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު
ރައީސް ސޯލިހު އިތުރަށް ވިދާޅުވީ، އެމަނިކުފާނު ދިވެހިރާއްޖޭގެ ވެރިކަމާއި ހަވާލުވިއިރު، މީގެ 4 އަހަރުކުރިން އޮތީ ވަރަށް ބިރުވެރި ދުވަސްތަކެއްކަމަށެވެ.
އެހެން ނަމަވެސް އޭރު އޮތް ބޭއިންސާފާއި ބިރުވެރިކަން މިހާރު ނައްތާލެވިއްޖެކަމަށް އެމަނިކުފާނު ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
