އަނދުން ހުސައިން އެންމެ ފަހުން މައާފަށް އެދިއްޖެ
މާލޭގެ ރައްޔިތުން ދިރިއުޅެމުންދަނީ ފަލަސްތީނުގެ ރައްޔިތުންނާއި އެއް ހާލެއްގައި ކަމަށް ވިދާޅުވެ، ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސައިން) މައާފަށް އެދިވަޑައިގެންފިއެވެ.
އެ ވާހަކަތަކަށް ބޮޑެތި ފާޑުކިޔުންތަކެއް އަމާޒުވެފައި ވަނިކޮށް އެބޭފުޅާ މައާފަށް އެދިވަޑައިގެންނެވީ ކުރެއްވި ޓްވީޓެއްގައެވެ.
އަނދުން ހުސައިން ވިދާޅުވީ މާާލޭގެ ރައްޔިތުން ދިރިއުޅެމުންދާ ދަތި ހާލުގެ ވާހަކަ ދައްކަމުން އެ ރައްޔިތުން އުޅެމުންދަނީ ރެފިއުޖީންނާއި އެއްގޮތަށް ކަމަށާއި މާާލޭގައި މިހާރު އޮތީ ފަލަސްތީނާއި އެއްހާލަތެއްކަމަށް ދެންނެވީ މާލޭގެ ރައްޔިތުން އުޅެމުންދާ ނިކަމެތި ހާލު ސިފަކޮށްދިނުމަށްޓަކައި ކަމަށެވެ.
އަދި އެއްވެސް ގޮތެއްގައި އެވާާހަކަ ބުނެފައިވަނީ މާލޭގައި ދިރިއުޅޭ އެހެން ރަށްރަށުގެ ރައްޔިތުންނަށް ކުޑައިމީސް ކުރުމަށް ނޫންކަމަށް އެބޭފުޅާ ވިދާޅުވިއެވެ.
"ސީދާގޮތުންވެސް އަދި ނުސީދާ ގޮތުންވެސް އެ ރައްޔިތުންނަށް ކުޑައިމީސް ބަހެއް ބުނެފައެއް ނުވާނެއެވެ"، އަނދުން ހުސައިން ވިދާޅުވިއެވެ.
އަދި ދެއްކެވި ވާހަކަ އޮޅިވަޑައިގެންފައިވާ ފަރާތްތަކުގެ ކިބައިން މައާފަށް އެދޭކަމަށް އަނދުން ހުސައިން ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
