އއ. އުކުޅަސް-- ފޮޓޯ/ޕީއެސްއެމް
އއ. އުކުޅަސް-- ފޮޓޯ/ޕީއެސްއެމް
ހަބަރު 13 Apr 2023 | 19:34

އުކުޅަހުގައި ރޯދަމަހު ދުވާލު ވަގުތުގައިވެސް، ފާޅުކަންބޮޑުކޮށް ކެއިންބުއިމުގެ ޚިދުމަތް

މި ބަރަކާތްތެރި ރަމަޟާން މަހުގެ ދުވާލުގެ ވަގުތުގައިވެސް އއ. އުކުޅަހުގައި ރެސްޓޯރެންޓް ތަކާއި ޓޭކްއަވޭ ކެފޭތަކުން ކެއިން ބުއިމުގެ ޚިދުމަތް ފާޅުކަން ބޮޑުގޮތެއްގައި ކުރިއަށް ގެންދާތީ ރައްޔިތުން ކަންބޮޑުވުން ފާޅުކޮށްފި އެވެ.

ރަމަޟާން މަހުގެ ދުވާލުގެ ވަގުތުގައި، އެންމެހައި މުސްލިމުން ރޯދައަށް ތިބޭ ގަޑި ތަކުގައި، ރާއްޖޭގެ މީހުން ދިރިއުޅޭ ރަށްރަށުގައި އާއްމު ތަންތަނުގައި، ބިދޭސީންނާއި، ފަތުރުވެރިންވެސް ކައިބޮއި ހެދުމަކީ "ދީނީ އެއްބައިވަންތަކަން ހިމާޔަތްކުރުމުގެ ގާނޫނު" ދަށުން ހުއްދަ ކަމެއް ނޫނެވެ.

އަދި އެއާއި ޚިލާފަށް ބައެއް ރަށްރަށުގައި ފަތުރުވެރިން ކައިބޮއި އުޅޭކަމުގެ ޝަކުވާ އިސްލާމިކް މިނިސްޓްރީ ހުށަހެޅޭތީ އެ މިނިސްޓްރީން ވަނީ އެކަމާއި ގުޅޭގޮތުން މީހުން ދިރިއުޅޭ ހުރިހާ ރަށެއްގެ ކައުންސިލް ތަކަށް ވެސް ސާކިއުލާއެއް ފޮނުވައި، ފަތުރުވެރިން ގެންނަ ފަރާތްތައްވެސް އެކަމަށް ސަމާލު ކުރުވުމަށް ކައުންސިލް ތަކަށް އަންގާފައެވެ.

އާއްމު ތަންތަނުގައި ކެއިން ބުއިމާއި ގުޅޭގޮތުން ކައުންސިލް ތަކަށް މިނިސްޓްރީން ފޮނުވި ސާކިއުލާ--

މިނިސްޓްރީ އިން މިފަދަ އެންގުމެއް އަންގާފައިވީ ނަމަވެސް، އުކުޅަހުގައި ރެސްޓޯރެންޓް ތަކާއި ޓޭކްއަވޭ ކެފޭތަކުން އަންނަނީ ދުވާލުގެ ވަގުތުގައިވެސް ޢާއްމުންނަށް ފެންނަހެން، ވަރަށް ހާމަކަން ބޮޑުގޮތެއްގައި ކެއިން ބުއިމުގެ ޚިދުމަތް ފަތުރުވެރިންނަށް ދެމުންނެވެ.

ރޯދަ މަހު ދުވާލުގެ ވަގުތުގައި އުކުޅަހު ރެސްޓޯރެންޓެއްގައި ފަތުރުވެރިންތަކެއް ކަނީ

އެކަމާއި ގުޅިގެން "ވޮއިސް" އަށް މައުލޫމާތު ދެމުން އުކުޅަހުގެ ރައްޔިތަކު ބުނީ، ފާއިތު ރަމަޟާން މަހުގައިވެސް އެރަށުގައި އާއްމު ތަންތަނުގައި ފަތުރުވެރިން ކައިބޮއި އުޅޭ މައްސަލަ ފެންމަތިވެފައިވާ ކަމަށެވެ. އަދި މިއަހަރުވެސް އެ ރަށުގެ ރެސްޓޯރެންޓް ތަކާއި، ޓޭކްއަވޭ ކެފޭތަކުން ވެސް، ހާމަކަން ބޮޑުކޮށް ފަތުރުވެރިންނަށް ކެއިންބުއިމުގެ ޚިދުމަތް ދެމުން އަންނަ ކަމަށާ، އެފަދައިން ކަން ކުރަމުން އަންނަކަން ރަށުގެ އެންމެނަށްވެސް އެނގޭ ކަމަށެވެ.

އަދި އެފަދައިން ފަތުރުވެރިން ކައިބޮއި ހަދާއިރު، އެ ރެސްޓޯރަންޓް ތަކާއި މަގުތީގައިވެސް، އެމީހުން އުޅެމުންދަނީ ނިވާކަން ކުޑަ ހެދުން ލައިގެން ކަން އެފަރާތުން ވަނީ ފާހަގަކޮށްފަ އެވެ. އެ ރަށަކީ ޢާއްމުކޮށް ވެސް، އާއްމު ތަންތަނުގައި ފަތުރުވެރިން ނިވާކަން ކުޑަކޮށް އުޅޭ ރަށަކަށް ވާއިރު، ބަރަކާތްތެރި ރަމަޟާން މަހުވެސް އެފަދަ މަންޒަރުތައް އެންމެނަށް ފެންނަމުންދާތީ އެ ފަރާތުން ވަނީ ކަންބޮޑުވުން ފާޅުކޮށްފަ އެވެ.

ރޯދަ މަހު ދުވާލުގެ ވަގުތުގައި އުކުޅަހު ރެސްޓޯރެންޓެއްގައި ފަތުރުވެރިންތަކެއް ކަނީ

"ރެސްޓޯރެންޓް ތަކުގައި ވަރަށް ހާމަކަން ބޮޑުކޮށް އެތަނުގެ ކައިރިން ހިނގާ އެންމެނަށްވެސް ފެންނަ ގޮތަށް އެ ތިބެނީ ކާން. އަދި ތިބެނީ ނިވާކަން ކުޑަ ހެދުން އަޅައިގެން. ބައެއް މީހުން އެއްޗެއް ލައިގެން ތިބި ނަމަވެސް، ތުނި ކަމުން ގައި އެއްކޮށް އެބަ ފެނޭ. އެ ހާލުގައި ތިބެގެން ރަށުގެ އެކި ތަންތަނުގައި އެމީހުން (ފަތުރުވެރިން) ކައިބޮއި އެ ހަދަނީ."

މި މައްސަލަ އާއި ގުޅިގެން "ވޮއިސް" އަަށް މަޢުލޫމާތު ދެއްވަމުން އުކުޅަހު ކައުންސިލްގެ ނާއިބު ރައީސް ހުސައިން ރިޔާޒު ވިދާޅުވީ، އެރަށު ރެސްޓޯރެންޓް ތަކާއި އާއްމު ތަންތަނުގައި ފަތުރުވެރިން ކައިބޮއި ހަދާ މައްސަލަ އެ ކައުންސިލަށް ހުށަހަޅާފައިވާ ކަމަށާ، އެކަމާއި ގުޅިގެން މީގެ ދެތިން ދުވަސް ކުރިން ކަމާއި ބެހޭ ފަރާތްތަކާއި ވާހަކަދެކެވިފައިވާ ކަމަށެވެ. އަދި އޭގެ ފަހުން އެފަދަ މައްސަލަ އެއް ކައުންސިލަށް ރިޕޯޓް ކޮށްފައި ނުވާ ކަމަށްވެސް އޭނާ ވިދާޅުވި އެވެ.

ކައުންސިލްގެ ނާއިބު މިފަދައިން ވިދާޅުވި ނަމަވެސް، އިއްޔެގެ  މެންދުރުގެ ވަގުތުގައިވެސް އެރަށުގެ ކެފޭ ރެސްޓޯރަންޓް ތަކުގައި ފަތުރުވެރިންނަށް ހާމަކަން ބޮޑުކޮށް ކެއިން ބުއިމުގެ ޚިދުމަތް ދީފައިވާކަމަށް އެރަށުގެ ރައްޔިތަކު ވޮއިސް އަށް ވަނީ މައުލޫމާތު ދީފަ އެވެ.

"އިއްޔެގެ މެންދުރު ވަގުތު ގައިވެސް ބަނދަރުގައި ހުންނަ ތަން ފުރާލާ ފަތުރުވެރިން ކައިބޮއި ހަދަން ތިބި. އެތަނުން ހިނގާ އެންމެނަށްވެސް ފެންނާނެ. ލައިގެން ތިބެނީވެސް ނިވާކަން ކުޑަ ހެދުން."

ލޯކަލް ޓޫރިޒަމް ފައްކާވެފައިވާ އުކުޅަހުގައި ރޯދަމަހުގައި އާއްމު ތަންތަނުގައި ފަތުރުވެރިން ކައިބޮއި ހެދުމުގެ އިތުރުން ނިވާކަން ކުޑަ ހެދުން ލައިގެން އުޅުމަކީވެސް މިހާރު ޢާއްމު ކަމެކެވެ. އެ ގޮތުން އެރަށު ސިއްހީ މަރުކަޒަށް ވެސް އެފަދަ ހާލުގައި ތިބެ ފަތުރުވެރިން ދާ މައްސަލަ ފާއިތުވި އަހަރު ތެރޭގައިވެސް ބޮޑުވެ، އެފަދައިން ދާ ނަމަ ޚިދުމަތް ނުދޭނެ ކަމަށްވެސް ހޮސްޕިޓަލުން އަންގައި އިއުލާނުވެސް ކުރިއެވެެ.

ސަރުކާރުގެ ޚިދުމަތްދޭ ތަންތަނުގެ އިތުރުން ރަށުގެ މަގުތަކާއި އާއްމުން އެއްވެ އުޅޭ ތަންތަނުގައި ފަތުރުވެރިން ނިވާކަން ކުޑަކޮށް ހެދުން އަޅައިގެން އުޅޭ މައްސަލަ އިންތިހާއަށް ބޮޑުވެފައިވާއިރު އެކަމުގެ ޒިންމާ އެ ރަށު ކައުންސިލާއި، ގެސްޓްހައުސް ތަކުން ނުނަގާތީ އާއްމުން އިންތިހާއަށް ޝަކުވާ ކުރެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟
22 Nov 2026 ހަބަރު

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟

"ފައިސަލް އެ އޮތީ ކުރިމަތިލައްވަން އިއުލާނު ކުރައްވާފައި. އަޅުގަނޑެއް ކުރިމަތިލާކަށް އިއުލާނެއް ނުކުރަން،" ރައީސް ސޯލިހް ފުރަތަމަ ވިދާޅުވި އެވެ.

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި
22 Nov 2026 ހަބަރު

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި

ޖެނޮސައިޑް ކޮންވެންޝަންގެ ބައިވެރިއެއްގެ ޙައިޞިއްޔަތުން މި މައްސަލައަށް ތަދައްޚުލުވާނެ ކަން އެންމެ ފުރަތަމަ އިޢުލާންކުރީ ދިވެހިރާއްޖެއިންނެވެ

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް
22 Nov 2026 ހަބަރު

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް

މި އިންތިހާބަކީ އެމްޑީޕީގެ ކޮންޓްރޯލް ހޯދުމާއި ރިޔާސީ ޓިކެޓް ކަށަވަރު ކުރުމަށް ދެ ފެކްޝަނަށްވެސް ވަރަށް މުހިންމު އިންތިހާބެކެވެ.

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި
22 Nov 2026 ހަބަރު

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި

މި މައްސަލައާ ގުޅިގެން ހައްޔަރުކުރި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޢަލީ ޢާމިރު 30 ދުވަހަށް އަދި އާދަމް ނިމާލް 15 ދުވަހަށް ބަންދުކުރުމަށް އަމުރުކޮށްފައިވެއެވެ.

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި
22 Nov 2026 ހަބަރު

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި

ފުލުހުން ބުނީ އެ މައްސަލައާ ގުޅިގެން 90 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.