ޝައިޚް އިލްޔާސް ޖަމާލް އެމްޑީއޭ އަށް ސޮއިކުރައްވައިފި
އިސްލާމިކް މިނިސްޓްރީގެ ސްޓޭޓް މިނިސްޓަރ ޝައިޚް އިލްޔާސް ޖަމާލް މޯލްޑިވްސް ޑިވެލޮޕްމެންޓް އެލައަންސް އަށް ސޮއިކުރައްވައިފިއެވެ.
ޝެއިޚް އިލްޔާސް ޖަމާލް އެމްޑީއޭއާއި ގުޅިވަޑައިގެންނެވިކަން އެޕާޓީގެ ލީޑަރު އަހުމަދު ސިޔާމު މުހައްމަދު ވަނީ ޓުވިޓާގައި ވިދާޅުވެފައެވެ.
ސިޔާމް ކުރެއްވި ޓުވީޓެއްގައި ވިދާޅުވެފައި ވަނީ އެމްޑީއޭގެ އިސްލާމިކް ކައުންސިލްގެ ޚިދްމަތްތައް ފުޅާދާއިރާއެއްގައި ރައްޔިތުންނަށް ފޯރުކޮށްދެއްވުމަށްޓަކައި ޕާޓީގެ ދީނީ ކައުންސިލާ ޙަވާލުވުމަށް ދެއްވި ދައުވަތު ޤަބޫލުފުޅު ކުރައްވާ އިސްލާމިކް މިނިސްޓްރީގެ ސްޓޭޓް މިނިސްޓަރު ޝެއިޙް އިލްޔާސް ޖަމާލް އެޕާޓީއާއި ގުޅިވަޑައިގަތުމުން އުފާކުރައްވާ ކަމަށެވެ.
ޝެއިހް އިލްޔާސް ޖަމާލް ކުރިން ހުންނެވީ ޢަދާލަތު ޕާޓީގައެވެ. އޭނާ ޢަދާލަތު ޕާޓީ ދޫކުރައްވައި އެމްޑީއޭ އަށް ސޮއިކުރެއްވި އިރު ޢަދާލަތު ޕާޓީ އާއި އެމްޑީއޭ މިވަގުތު އޮތީ އެއް ކޯލިޝަނެއްގައެވެ.
ރިޔާސީ އިންތިޚާބުގައި ޢަދާލަތު ޕާޓީ އާއި އެމްޑީއޭ އިން ވަނީ އެމްޑީޕީގެ ރިޔާސީ ކެނޑިޑޭޓު ރައީސް އިބްރާހިމް މުޙައްމަދު ޞާލިޙަށް ތާއީދު ކުރުމަށް ނިންމައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
