އިކްރާމް ފެނިއްޖެ؛ ހުރީ ހުޅުމާލޭގައި، ހާލު ރަނގަޅު
މާލެއިން ގެއްލިގެން ހޯދުމުގެ މަސައްކަތް ކުރަމުންދިޔަ މީހާ ފެނިފައިވާ ކަމަށް ފުލުހުން ބުނެފި އެވެ.
ގެއްލިގެން ހޯދީ ހއ. ދިއްދޫ، ޢާލިޔާ، އުމުރުން 32އަހަރުގެ އާދަމް އިކްރާމެވެ.
ފުލުހުން މަޢުލޫމާތު ދިން ގޮތުގައި އާދަމް އިކްރާމްގެ ޚަބަރެއް އާއިލާއަށް އެންމެ ފަހުން ވެފައިވަނީ މި ހިނގާ ނޮވެންބަރު މަހުގެ 11 ވަނަ ދުވަހުގެ ދަންވަރުގެ ވަގުތެއްގައެވެ.
ނަމަވެސް ފުލުހުން ދެންމެ ބުނީ ގެއްލިގެން ހޯދަމުންދިޔަ އާދަމް އިކްރާމް މީގެ އިރުކޮޅެއް ކުރިން ހުޅުމާލެއިން ވަނީ ފެނިފައި ކަމަށެވެ. އޭނާގެ ހާލު ރަނގަޅު ކަމަށްވެސް ބުންޏެވެ.
މި ހުރިހާ ވަގުތަކު އާއިލާއަށް ހަބަރެއް ނެތި އުޅުނީ ކޮންތާކު ކަމެެއް ސާފެއް ނުވެ އެވެ.
މިކަމާ ގުޅިގެން އިތުރަށް ބަލަންޖެހޭ ކަންކަން ފުލުހުން ދަނީ ބަލަމުން ކަމަށްވެސް ބުންޏެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
