މިދިޔަ އަހަރު ސިވިލް ސާވިސްއިން 18000 އަށްވުރެ ގިނަ މުވައްޒަފުން ތަމްރީނުކުރި

މިދިޔަ އަހަރު އެކަނިވެސް ސިވިލް ސަރވިސް އިން 18،000 އަށްވުރެ ގިނަ މުވައްޒަފުން ތަމްރީނުކޮށްފައިވާ ކަމަށް އެކޮމިޝަނުން ހާމަކޮށްފިއެވެ.

މިއަދު ސޯޝަލް މީޑިއާގައި ސިވިލް ސަރވިސް ކޮމިޝަނުން އާންމުކޮށްފައިވާ ތަފާސްހިސާބުތަކުން ދައްކާ ގޮތުން، 2025 ވަނަ އަހަރު 251 ތަމްރީނު ޕްރޮގްރާމް ކުރިއަށް ގެންގޮސް، 18،409 މުވައްޒަފުން ތަމްރީނު ކޮށްފައިވެއެވެ.

މީގެ އިތުރުން މިދިޔަ އަހަރުގެ ތެރެގައި ސިވިލް ސާވިސްއަށް 4،823 މުވައްޒަފުން އައްޔަންކޮށްފައިވާ ކަމަށާއި، ސީއެސްވިއުގަ މެދުވެރިކޮށް، 15509 ރިކުއެސްޓެއް ނިންމާ، "ވެޔޮ" މެދުވެރިކޮށް 15022 ކޭސް ނިންމާފައިވާކަމަށް ތަފާސްހިސާބުތަކުން ދައްކައެވެ.

ގޮތުން، ސިވިލް ސަރވިސް ކޮމިޝަނުން 2025 ވަނަ އަހަރު 118 އޮނިގަނޑު ފާސްކޮށްފައިވެއެވެ. އަދި ކޮމިޝަނަށް ހުށަހެޅުނު ޝަކުވާތަކުގެ ތެރެއިން 205 ޝަކުވާއެއް ހައްލުކޮށްފައިވެއެވެ.

21،422 އަންހެން މުވައްޒަފުންނާއި، 10،153 ފިރިހެން މުވައްޒަފުން ހިމެނޭނެހެން ދިވެހި ސިވިލް ސަރވިސްގައި ޖުމުލަ 31،575 މުވައްޒަފުން ވަޒީފާ އަދާކުރެއެވެ. މިއީ ރާއްޖޭގައި އެންމެ ގިނަ މީހުން ވަޒީފާ އަދާކުރާ އެއް ދާއިރާއެވެ.