ހަސަނު ބުނާ ބަސް އަހާތި
އަހަރެމެންގެ ހަޔާތުގެ ދަތުރަކީ އަހަރެމެންނަށް ލިބިފައިވާ އެންމެ ބޮޑު ނިއުމަތެވެ. އަހަރެމެންގެ ޖިސްމާއި ހަށިގަނޑާއި ހިއްސުތަކާއި ވަށައިގެންވާ މާހައުލެވެ. އަހަރެމެންގެ ވިސްނުމާއި ހުނަރާއި ގާބިލިއްޔަތުކަމެވެ.
މި ހުރިހާ ކަމެއްގެ ބޭނުން ހިފައިގެން އަހަރެމެންގެ މަގްސަދަކަށް ވާންޖެހޭނީ އަބަދު ވެސް ދިރިއުޅުމައިގެން ކުރިއަށް ދިއުމަށެވެ. އަހަރެމެން ހާސިލުކުރަން ބޭނުންވާ ލަނޑުދަނޑިތައް ހާސިލުކުރުމަށެވެ. އަދި އުފާވެރި ހަޔާތެއް ވޭތުކުރުމަށެވެ.
މި މަގްސަދުތައް ހާސިލުކުރެވެން އޮތީ ދިރިއުޅުމުގެ އެކިއެކި އަޑިގުޑަންތައް ގިރާކޮށްގެންނެވެ. އަދި ކުރިމަތިވާ ގޮންޖެހުންތަކުން އަރައިގަނެ، އާ ހިތްވަރެއް ލައިގެން ފަސް ނުޖެހި ކުރިއަށް ގޮސްގެންނެވެ.
މީގެ އިތުރުން ވެސް ކުރެވިދާނެ ވަރަށް މުހިންމު ކަމެއް އޮވެއެވެ. އެއީ ކުރިމަތިވެދާނެ އަޑިގުޑަންގަނޑަކަށް ގޮންޖެހުމަކަށް ކުރިއާލައި ތައްޔާރުވެގެން ހުރުމެވެ. އެޅެން ހުރި ފިޔަވަޅުތައް އަޅާ، ހަޔާތުގެ ދަތުރުގެ ކުރިއަށް އޮތް ބަޔަކީ އަމާން ދުވަސްވަރަކަށް ހެދުމެވެ.
އެލައިޑުގެ އެކުވެރި ހަސަނާ ދިމާވެއްޖެ ހެއްޔެވެ؟ ހަސަނަކީ މި ބުނާ މަގު ދައްކައިދޭނެ، އެންމެންގެ ވެސް އެކުވެރިއެކެވެ. ހިކުމަތްތެރި މާލިމީއެކެވެ.
ސެލްމިން އެނިމޭޝަން ސްޓޫޑިއޯއިން އުފައްދައިދިން މި ކެރެކްޓަރ "ހަސަން"އަކީ ނޫކުލައިގެ ދޫންޏެކެވެ. އޭނާ އަޅައިގެން ހުންނަ ތޮތްޕާއި އައިނުގެ އިތުރުން އޭނާގެ މަޑުމައިތިރި މިޒާޖުން ވެސް އޭނާގެ ހިކުމަތްތެރިކަން ހާމަވާނެއެވެ.
އެލައިޑުގެ އެކި އިޝްތިހާރުތަކުން ކުރިއަށް އޮތްތަނުގައި ފެންނަމުން ދާނެ މި ހިކުމަތްތެރި ހަސަން ވެގެން ދާނީ އެންމެންގެ ވެސް ދިރިއުޅުމުގައި ދިމާވާ ގޮންޖެހުންތަކުން އަރައިގަތުމަށް އެހީތެރިވާނެ އެކުވެރިއަކަށެވެ. ދިރިއުޅުމާއި ވިޔަފާރިއާއި އެހެނިހެން ކަންކަމުގައި ވެސް ކުރިމަތިވެދާނެ ނުރައްކާތަކާއި އެ ފަދަ ނުރައްކަލެއް ދިމާވާ ދުވަހަކަށް ތައްޔާރުވެވޭނެ ގޮތްތައް ހަސަން ކިޔައިދެމުން ދާނެއެވެ.
މުސްތަގުބަލުގައި ދިމާވެދާނެ އުނދަގޫ ކަމަކަށް ތައްޔާރުވެވޭނެ އެންމެ ބުއްދިވެރި އެއް ގޮތަކީ އިންޝުއަރަންސެވެ. ތިމާގެ ގެދޮރާއި މުދަލާއި ވިޔަފާރިއާއި އަދި ޖިސްމު ވެސް އިންޝުއަރަންސް މެދުވެރިކޮށް ރައްކާ ކުރެވިދާނެއެވެ. އަދި ތިމާއަށް ލިބޭ ގެއްލުމަކުން އާއިލާ ހާލުގައި ޖެހެން ނުޖެހޭނެ ފަދަ ހައްލުތަކާއި ނުވަތަ ކަމެއް ދިމާވެގެން ވިޔަފާރި ހުއްޓިއްޖެ ހާލަތެއްގައި ލިބެން އޮތް ވިޔަފާރީގެ ފައިދާ ވެސް އެކަމަށް ހާއްސަ އިންޝުއަރަންސް ޕްލޭނެއް މެދުވެރިކޮށް ހޯދޭނެ މަގު އޮވެއެވެ.
އެލައިޑްގެ ހަސަންގެ މަގްސަދަކީ މިފަދައިން ހުރި އެކިއެކި ރައްކާތެރިކަމުގެ ފުރުސަތުތައް އާންމުންނަށް ކިޔައިދިނުމެވެ. ހަސަންގެ ހަޔާތުގެ އެކިއެކި ވާހަކަތަކުގެ ޒަރިއްޔާއިންނެވެ. "ޕްރެކްޓިސް ވަޓް ޔޫ ޕްރީޗް"އޭ ބުނާ ފަދައިން ހަސަން ވެސް ހުރީ އޭނާއާއި އޭނާގެ އާއިލާ އެލައިޑްގެ އެކިއެކި ޕްލޭންތައް މެދުވެރިކޮށް ރައްކާތެރިކޮށްގެންނެވެ.
ދެން އޮތީ އަހަރެމެންނެވެ. ހަސަން ބުނާ ގޮތް ހަދައިގެން އަހަރެމެން ވެސް އާއިލާއާއި މުދާ ރައްކާތެރިކުރަމާ ހެއްޔެވެ؟
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
