ބިސްބުރު ޕާކު މަރާމާތު ކުރުމުގެ މަސައްކަތް ސިޓީ ކައުންސިލުން ފަށައިފި
މުއިވެޔޮދޮށު މައިޒާން (ބިސްބުރު ޕާކު) މަރާމާތު ކުރުމުގެ މަސައްކަތް ސިޓީ ކައުންސިލުން ފަށައިފިއެވެ.
މީގެ ކުރިންވެސް ޕާކެއްގެ ގޮތުގައި އޮތް އެތަން އެންމެ ފުރަތަމަ ހުޅުވީ 2015 ވަނަ އަހަރުގެ ނޮވެމްބަރު މަހުގެ ތެރޭގައެވެ. ސްޓެލްކޯއިން ތަރައްގީކޮށް، އޭރުގެ ހައުސިން މިނިސްޓަރު ޑރ. މުހައްމަދު މުއިއްޒު އާއި އޭރުގެ ސްޓޭލްކޯގެ މެނޭޖިން ޑިރެކްޓަރު އަބްދުލް ޝަކޫރުއެވެ.
ބިސްބުރު ޕާކު ފުރަތަމަ ހުޅުވިއިރު ޖުމްހޫރީ ބިނާވެސް އެތަނަށް ބަދަލު ކުރިއެވެ. އެ ޕާކު ތަރައްގީ ކުރުމަށް ދެ މިލިއަން ރުފިޔާ ހަރަދުވެފައި ވާނެ ކަމަށް އޭރު މުއިއްޒު ވިދާޅުވިއެވެ.
އެއީ 45 ދުވަހުގެ ތެރޭގައި ތަރައްގީ ކޮށްފައިވާ ޕާކެކެވެ.
އަލުން ތަރައްގީކުރާއިރު ލައިޓްތައް ހިމެނޭގޮތަށް ކުޑަކުދިން ކުޅޭ އާ ސާމާނު ހިމަނާނެ ކަމަށް ސިޓީ ކައުންސިލުން ބުންޏެވެ. ނަމަވެސް މަރާމާތަށް ފަހު އަލުން ޕާކު ހުޅުވޭނެ ތާރީހެއް އެ ކައުންސިލުން ހާމައެއް ނުކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
