މީޑީއާނެޓްގެ އިންޒާރު ދިވެހިންނަށް: ވޯލްޑް ކަޕްގެ މެޗުތައް ބޮޑު ސްކްރީންގައި ދައްކާނަމަ ފިޔަވަޅު އަޅާނަން

މި އަހަރު ގަތަރުގައި ބޭއްވުމަށް ހަމަޖެހިފައިވާ "ފީފާ ވޯލްޑް ކަޕް 2022" ގެ މެޗުތައް ބޮޑު ސްކްރީނުގައި ދެއްކުން މީޑިއާ ނެޓުން މަނާކޮށްފިއެވެ.

ރާއްޖޭގައި ފޯރިއާއެކު ގިނަ ބަޔަކު ބޮޑު ސްރީންގައި ބަލަމުން އަންނަ ކުޅިވަރުގެ މި ބޮޑު ހަރަކާތް ބޮޑު ސްރީންގައި ރާއްޖޭގައި ބެލުން ހުއްޓުވި މިއީ ފުރަތަމަ ފަހަރުކަން ފާހަގަކޮށްލަންޖެހެއެވެ.

މޑީއާނެޓުން އަންނަނީ ބޮޑު ސްރީން ބަހައްޓަން މަސައްކަތް ކުރާ ފަރާތްތަކަށް އިންޒާރުގެ ސިޓީ ފޮނުވަމުންނެވެ. އެގޮތުން އެފަދަ ސިޓީއެއްގެ ކޮޕީ ވަނީ ވޮއިސް އަށް ލިބިފައެވެ.

މީޑީއާނެޓުން ފޮނުވާފައިވާ އިންޒާރުގެ ސިޓީގައި ޕީޕާ ވޯލްޑް ކަޕްގެ މެޗުތައް ރާއްޖޭގެ ސަރަހައްދުގައި ދެއްކުމަށް ބޭނުންވާ "މީޑިއާ ރައިޓްސް ލައިސެންސް" ފީފާގެ ފަރާތުން ލިބިފައިވަނީ މީޑިއާ ނެޓަށް ކަމަށެވެ. އަދި ފީފާގެ ހުއްދަ އާއި އެކު މީޑިއާނެޓުން ފީފާ ވޯލްޑް ކަޕްގެ މެޗުތައް ރާއްޖޭގެ ސަރަހައްދުގައި ދެއްކުމުގެ ސަބްލައިސެންސް ދީފައިވަނީ ރާއްޖެ ޓީވީ އާއި، ޕީއެސްއެމް އާއި އައިސް ޓީވީއަށް ކަމަށް ބުނެފައިވެއެވެ.

އަދި ސިޓީ ހޯޓާ، ރެސްޓޯރަންޓު ފަދަ ވިޔަފާރިތަކުން މުބާރާތުގެ މެޗުތައް ދެއްކުމަށް ބޭނުންވާ ކޮމާޝަލް ހުއްދަ އެކަމަށް އެދޭ ފަރާތްތަކަށް މީޑިއާނެޓުގް ފަރާތުން ދޫކުރުމަށް ހަމަޖެހިފައިވާ ކަމަށްވެސް އެ ލިޔުމުގައި ވެއެވެ.

އެހެންނަމަވެސް، ސްޓްރީމިންގ ނުވަތަ ފްރީ-ޓު-އެއާރގެ ގޮތުގައި ފީފާ ވޯލްޑް ކަޕްގެ އެއްވެސްް މެޗެއް ލައިވްކޮށް ބްރޯޑްކާސްޓް ކުރުމަކީ ސަބްލައިސެންސް ދީފައިވާ ފަރާތްތަކަށްވެސް ހުއްދަ ކަމެއް ނޫން ކަމަށް މީޑިއާނެޓުން ބުނެފައިވެއެވެ.

"އަދި މުބާރާތުގެ އެއްވެސް މެޗެއް ސޯޝަލްމީޑިއާގެ އެއްވެސް ވަސީލަތަކުން ނުވަތަ އިންޓަނެޓް ގެ ޒަރީޢާއިން ބޭނުންކުރެވޭ އެއްވެސް ވަސީލަތަކުން ވަގުތުން ދެއްކުމަކީވެސް މަނާކަމެކެވެ. އަދި ސަބްލައިސެންސް ދައްކާފައިވާ ފަރާތްތަކުގެ ފީޑް ބޭނުން ކޮށްގެން ޕަބްލިކް ސްކްރީނެއްގައި ޢާއްމުންނަށް ހުޅުވާލައިގެން ފީފާ ވޯލްޑް ކަޕް ގެ މެޗުތައް މީޑިއާނެޓްގެ ހުއްދަނެތި ލައިވްކޮށް ބްރޯޑްކާސްޓް ކުރުމަކީ ވެސް މަނާކަމެކެވެ." މީޑިއާނެޓުން ނެރެފައިވާ ލިޔުމުގައި ވެއެވެ.

ވުމާއެކު މީޑިއާނެޓް ގެ ހުއްދަނެތި އެއްވެސް މީޑިއަމެއް ބޭނުން ކޮށްގެން ފީފާ ވޯލްޑް ކަޕްގެ މެޗުތައް ލައިވް ކުރުމަކީ މަނާ ކަމެއް ކަމަށާ، އަދި އެއީ ފީފާގެ ގަވާއިދުތަކާއި، ބައިނަލްއަގުވާމީ ގާނޫނުތަކާއި، ރާއްޖެއިން ބައިވެރިވެފައިވާ މުއާހަދާ ތަކާއި ޚިލާފް ކަމަކަށް ވުމުގެ އިތުރުން އެއީ ރާއްޖޭގެ ގާނޫނު ތަކާއިވެސް ޚިލާފް ކަމެއް ކަމަށް މީޑިއާނެޓުން ހާމަކޮށްފައިވެއެވެ.

އަދި އެފަދައިން އެއްވެސް ފަރާތަކުން އަމަލުކޮށްފިނަމަ އެފަރާތްތަކާއި މެދު ގާނޫނާއި އެއްގޮތަށް ފިޔަވަޅު އަޅާނެ ކަމަށް މީޑީއާނެޓުން އިންޒާރު ދީފައިވެއެވެ.

މިފަދައިން މީޑީއާނެޓުން އިންޒާރު ދީފައިވީނަމަވެސް، ރާއްޖޭގައި ގިނަ ސަރަހައްދު ތަކެއްގައި އަންނަނީ ބޮޑު ސްރީން ބަހައްޓައި ވޯލްޑްކަޕްގެ

ޤަތަރ ވޯލްޑްކަޕް 2022 ބޯމަތިވެފައިވަނިކޮށް މިދިޔަ ސެޕްޓެންބަރ މަހު 19 ވަނަ ދުވަހު, ބްރޯޑްކާސްޓަރުންނާއި, ރީ ބްރޯޑްކާސްޓަރުންގެ ބެލެނިވެރި މުއައްސަސާ, ބްރޯޑްކާސްޓިން ކޮމިޝަނުން ވަނީ ޤަވައިދަށް ކުއްލި ބަދަލެއް ގެނެސް ވޯލްޑްކަޕް ދިވެހިންނަށް "ހިލޭ" ބެލޭނެ މަގު ބަންދުކޮށްލާފައެވެ.

ސެޕްޓެންބަރު މަހު 19 ވަނަ ދުވަހު ކޮމިޝަނުން ބްރޯޑްކާސްޓިން އައު ގަވައިދުގެ ދަށުން ލިސްޓުކޮށްފައިވާ ލިސްޓުގައި އޮތީ ވޯލްޑް ކަޕް މުބާރާތް ފަށާ މެޗާއި ފައިނަލް މެޗު އެކަންޏެވެ. މިފައިން ގަވައިދު އެކުލަވާލާފައި ވީނަމަވެސް ގަވައިދުގައި އޮންނަ ގޮތުން ފެށުމަށް 12 މަސް ދުވަހަށް ވުރެ ކުރު މުއްދަތެއް އޮތް އިވެންޓެއް ލިސްޓެޑް އިވެންޓްގައި ހިމަނައިގެން ނުވާނެ ކަމަށެވެ. އެހެންވެ ލިސްޓެޑް އިވެންޓް ކަނޑައެޅި ގޮތް ވެސް މިވަނި ގަވައިދާ ހިލާފުވެފައެވެ.

ގަވައިދަށް މިހާރު ގެނައި ބަދަލާ އެކު ޕީއެސްއެމް އަށް ވޯލްޑް ކަޕް ރައިޓްސް ހިލޭ ލިބުމުގެ ފުރުސަތެއް ނެތެވެ. ކުރިން އޮތް ގޮތަށް ގަވައިދު އޮތް ނަމަ، ޕީއެސްއެމަށް އޭގެ ރައިޓްސް ހިލޭ ދޭން މީޑިއާ ނެޓަށް މަޖުބޫރުވާނެ އެވެ.

އެހެންކަމުން މިފަހަރުގެ ވޯލްޑްކަޕް ބެލުމަށް މީޑީއާނެޓުގެ ޕެކޭޖު ނެގުމަށް މިވަނީ މަޖުބޫކުރުވެފައެވެ.