އެންޒީން "ވަރަށް ފައްކާ" ޕްރޮމޯޝަން ފަށައިފި

ދިވެހިރާއްޖޭގައި ފުޅާ ދާއިރާއެއްގައި މަހުގެ އުފެއްދުންތައް ވިއްކަމުންދާާ ކުންފުންޏެއްކަމުގައިވާ އެންޒީގެ ފަރާތުން "ވަރަށް ފައްކާ" ނަމުގައި ޚާއްސަ ޕްރޮމޯޝަނެއް ފަށައިފިއެވެ.

މާލޭގެ ބުރުޒުމަގާއި ނިކަގަސްމަގާއި ގުޅޭ ކަންމަތީގައި ހުޅުވާފައިވާ އެކުންފުނީގެ އާ ފިހާރައިގައި އިއްޔެ ވަނީ މި ޕްރޮމޯޝަން ފެށުމަށް ޚާއްސަ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި ޝަރަފުވެރި މެހެމާނެއްގެ ހައިސިއްޔަތުން ބައިވެރިވެފައިވަނީ ރަންމެޑަލް ހޯދާފައިވާ މަޝްހޫރު ދުވުންތެރިޔާ ހަސަން ސާއިދެވެ.

15 ފެބްރުއަރީން ފެށިގެން ޖުލައިމަހުގެ 31ވަނަ ދުވަހާާއި ހަމައަށް ކުރިއަށްދާ މި ޕްރޮމޯޝަންގައި ބައިވެރިވުމަށް އެންޒީގެ މަސްދަޅެއް ގަތުމަށްފަހު، އޭގެ ދަށުގައިވާ ސީރިއަލް ނަންބަރު ދިރާގު އަދި އުރީދޫގެ ކަސްޓަމަރުންވެސް 5040އަށް މެސެޖް ކުރެވިދާނެއެވެ. މި ޕްރޮމޯޝަންގައި ކޮންމެ މަހަކު ގުރުއަތުން ހޮވޭ އެއް ފަރާާތަކަށް 10000 ރުފިޔާ، ދެވަނައަށްދާ ފަރާތަކަށް 5000ރުފިޔާ އަދި ތިންވަނައަށްދާ ފަރާތަކަށް 1000ރުފިޔާ ލިބޭނެއެވެ.

މީގެ އިތުރުން މުޅި މި ޕްރޮމޯޝަންގެ އެއްވަނައަށްދާ ފަރާތަކަށް 100،000ރުފިޔާ، ދެވަނައަށް 50،000 ރުފިޔާ އަދި ތިންވަަނައަށް ހޮވޭ ފަރާތަކަށް 30،000ރުފިޔާ ދިނުމަށްވެސް ވަނީ ހަމަޖެހިފައެވެ.

އެ ކުންފުނިން މައުލޫމާތުދޭ ގޮތުގައި ލޭބަލްގެ ފަހަތުގައިވާ ދެ މަސްދަޅު އައިކޮން ދިމާވެއްޖެނަމަ ލޭބަލް ހިފައިގެން އެންޒީގެ ފިހާރައަކަށް ދިއުމުން ދެ މަސްދަޅު ހިލޭ ލިބޭނެއެވެ. މި ޕްރޮމޯޝަންގެ އިތުރު މައުލޫމާތު ކުންފުނީގެ ފޭސްބުކް ޕޭޖުން ލިބޭނެއެވެ.