ރާއްޖެއިން ޙައްޖަށް މީހުން ގެންދިޔުމަށް 11 އަމިއްލަ ކުންފުނިން ބިޑް ހުށަހަޅައިފި
މިއަހަރު ރާއްޖެއިން ޙައްޖަށްް މީހުން ގެންދިއުމަށް އަމިއްލަ ކުންފުނިތަކުން ބިޑް ހުށަހަޅާފިއެވެ.
އެގޮތުން އިސްލާމިކް މިނިސްޓްރީއިން ބުނެފައިވަނީ 11 ކުންފުންޏަކުން ބިޑް ހުށަހަޅާފައިވާއިރު މީގެ ތެރެއިން ހުއްދަދެވޭނީ އެންމެ މަތިން ޕޮއިންޓް ލިބޭ 3 ކުންފުންޏަކަށް ކަމަށެވެ.
މިއާއިއެކު ދިވެހިރާއްޖެއަށް ލިބޭ ރަސްމީ ކޯޓާ ދޫކުރެވޭނީ މި 3 ކުންފުނީގެ އިތުރުން ޙައްޖު ކޯޕަރޭޝަންއަށް ކަމަށް ވެސް މިނިސްޓްރީއިން ބުނެފައިވެއެވެ.
ސަޢޫދީ ސަރުކާރުން ދިވެހިރާއްޖެއިން މީހުން ޙައްޖަށް ގެންދިއުމަށްޓަކައި ރަސްމީ ކޯޓާގެ ގޮތުގައި ދެއްވާ 1000 ކޯޓާ މިއަހަރު ރާއްޖެއަށް ލިބިފައިވާއިރު، މީގެ ތެރެއިން ހުއްދަދެވޭ 3 ކުންފުނީގެ ތެރެއިން ކޮންމެ ކުންފުންޏަކަށް 90 ކޯޓާ ދޫކުރެވޭނެއެވެ.
މި 1000 ކޯޓާގެ އިތުރުން ކޯޓާ ހޯއްދެއްވުމުގެ މަސައްކަތް މިނިސްޓަރ އޮފް އިސްލާމިކް އެފެއާޒް އަހުމަދު ޒާހިރު ޢަލީ ކުރައްވަމުން ގެންދަވާ ކަމަށް ކުރިން ވިދާޅުވެފައިވެއެވެ.
މިދިޔަ އަހަރު ރާއްޖެއަށް ރާއްޖެއަށް ލިބިފައިވަނީ 453 ކޯޓާއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
