ރައީސް ޞާލިހް ގާސިމާއި ބައްދަލުކުރެއްވުން ސަން އައިލެންޑްގައި
ރައީސް ޞާލިހް ގާސިމާއި ބައްދަލުކުރެއްވުން ސަން އައިލެންޑްގައި
ހަބަރު 15 Sep 2023 | 14:03

ރައީސް ސާލިހް ފްރެޝަރ ބޮޑުކުރަމުން ގޮސް ޤާސިމް އިބްރާހީމް މުޅިން ވަރުބަލިކޮށްލައްވައިފި

ސަން އައިލެންޑްގެ ސޯސްތައް ބުނާގޮތުން ރައީސް އިބްރާހީމް މުހައްމަދު ސާލިހް ޖުމްހޫރީ ޕާޓީގެ ލީޑަރ ޤާސިމް އިބްރާހީމް މުޅިން ވަރުބަލިކޮށްލައްވައިފިއެވެ.

އެމްޑީޕީއާއި ކޯލިޝަން ހެދުމަށް ޤާސިމް އިބްރާހީމަށް ޕްރެޝަރ ކުރެއްވުމަށްޓަކައި ބުދަ ދުވަހު ރައީސް ސޯލިހް ސަންއައިލެންޑަށް ވަޑައިގެންނެވިގޮތަށް އެރަށުން ފައިބައިވަޑައިނުގެން ޤާސިމް އިބްރާހީމަށް ގެންދަވަނީ އެކިއެކި ހުށަހެޅުންތައް ހުށަހަޅުއްވަމުންނެވެ. ޚާރިޖީ ވަޒީރު ޝާހިދު ބައިވެރިވެވަޑައިގެން ލަފާކުރެވޭގޮތުން ސޯލިހާއި ޝާހިދު ޤާސިމް އިބްރާހީމްގެ ސިކުނޑިފުޅަށް ވެއްދެވޭތޯ އުޅުއްވަނީ އިންޑިއާއާއެކު ސަރުކާރުން ހަދާފައިވާ އެއްބަސްވުންތަކުގައި ނުރައްކަލެއް ނެތްކަމެވެ.

ޤާސިމް އިބްރާހީމް އެމަނިކުފާނުގެ ޓީމުން ރަނިންމޭޓް އަމީނާއި ޚާރިޖީ ދާއިރާގެ އިލްމީ ބޭފުޅެއްކަމަށްވާ އިރުތިޝާމް އާދަމާއި ގާނޫނީވަކީލެއްކަމުގައިވާ ކެންދޫ ދާއިރާގެ މެންބަރ އަލީ ހުސައިން ގެންދަވައިގެން ޔަގީންކުރައްވަން މަސައްކަތްޕުޅު ކުރައްވަނީ މިކަންކަމަށް ލަފާކުރެވެއެވެ.

މިއެއްބަސްވުންތަކުގައި ގޯހެއް ނެތްކަން ދެއްކުމަށް އިންޑިއާއިން ވެސް ޤާސިމަށް އިންތިހާއަށް ބާރުއަޅާނެކަން ގާތްގަޑަކަށް ކަށަވަރެވެ. އެހެންނަމަވެސް ދެދުވަސްވެގެން ދިޔައިރުވެސް ހުއްޓުމެއްނެތި ކުރިއަށްގެންދާ މިމަޝްވަރާތަކާބެހޭ މާކަބޮޑު ތަފްސީލެއް އަދި ނުލިބެއެވެ.

ރައީސް ޞާލިހް ގާސިމާއި ބައްދަލުކުރެއްވުން--

މަޝްވަރާގެތެރޭގައި ޑޮކްޓަރ މުއިއްޒު ވެރިކަމަށް ވަޑައިގެންފިނަ ޖަލުގައި ހުންނެވި ރައީސް ޔާމީން ކޯޓް މަރްހަލާގެތެރެއިން މިނިވަންވެވަޑައިގެން ސޯލިހާއި ޤާސިމަށް ކުރިމަތިކޮށްފާނެ ބިރުވެތިކަމެއްގެ ވާހަކަވެސް ނަގާނެކަން ގާތްގަޑަކަށް ކަށަވަރެވެ. ޤާސިމްގެ ހާލަތު ދެނެވަޑައިގަންނަވާ ސަންއައިލެންޑުގެ ސޯސްތައް ބުނާގޮތުން ޔަގީނުންވެސް އެގޭކަމަކީ ގާސިމް ވަރުބަލިފުޅުވެއްޖެކަމެވެ.

އެކަމަކު އެބޭފުޅުން އޭނާ ދޫކޮށެއް ނުލައްވައެވެ. މިއަދު ހެނދުނު ރައީސް ސާލިހް މާލެވަޑައިގަންނަވަން ހަމަޖެހިފައިވެއެވެ. އެހެންނަމަވެސް ޝާހިދާއި އެމްޑީޕީގެ އެހެންބޭފުޅުން ސަންއައިލެންޑުގައި މަޑުކުރައްވައެވެ.

ސަރުކާރުން ހުއްޓުމެއްނެތި ކުރިމަތި ކުރަމުންދާ ޕްރެޝަރާއެކުވެސް ޤާސިމް އަދި އެމްޑީޕީއަށް ބައިއަތު ހިފަން އެއްބަސްވެވަޑައިނުގަންނަވައެވެ. ފެހި ސިހްނަލެއްވެސް ނުދެއްވައެވެ.

ޖުމްހޫރީ ޕާޓީގެ ބައެއް އޮފިޝަލުން ބުނާގޮތުގައި ޕްރެޝަރ ބިލްޑުވެ ޤާސިމްގެ ކުރިފުޅުމަތީގައި ހަތަރު އުދަރެސް ފެނުޖެހި އެމްޑީޕީއަށް ތާއީދު ކުރައްވަން ނިންމެވިނަމަވެސް ޤާސިމަށް ތާއީދު ކުރި ގިނަ މީހުންތިބީ ރައީސް އިބްރާހީމް މުހައްމަދު ސާލިހަށް ތާއީދު ކުރާގޮތަކަށް ނޫނެވެ.

ޤާސިމަށް ކުރިމަތިވެވަޑައިގެންފައިވަނީ ވަރަށް ބޮޑު އިމްތިހާނެކެވެ. ރިޔާސީ އިންތިޚާބުގެ ކެމްޕޭންތެރޭގައި އެމްޑީޕީން ހަދާފައިވާ އެއްބަސްވުންތަކުގެ ސަބަބުން ދިވެހި ގައުމުގެ މިނިވަންކަމާ ސިޔާދަތަށް ބުރޫއަރާފައިވާކަމަށް ވަރަށް ގިނަ ފަހަރު ވިދާޅުވެ ސަރުކާރަށް ވަރަށް ބޮޑަށް ފާޑުވިދާޅުވެފައިވެއެވެ. އިންތިޚާބަށް ނުކުމެވަޑައިގެންނެވީ ގައުމަށް ކުރިމަތިވެފައިވާ މިނުރައްކާތެރިކަން ރައްޔިތުންނަށް ވިސްނައިދެއްވަންކަމަށްވެސް ވިދާޅުވަމުން ގޮސްފައިވެއެވެ.

ރާއްޖޭގެ ސިޔާސީ އެހެންލީޑަރުންނާ ތަފާތުކޮށް ރައީސް ކަމަށް އޭނާއަށް ރައްޔިތުން ވޯޓްނުދިން ނަމަވެސް ގާސިމް އިބްރާހީމަކީ ވަރަށް ވަތަނީ އަދި އިސްލާމް ދީނާއި ދިވެހި ގައުމުގެ މިނިވަންކަން ދިފާއުކުރުމުގެ އައްޑަނައެއްކަމަށް ގިނަ ދިވެހިރައްޔިތުން ބަލާ ސިޔާސީ ލީޑަރެވެ. ރާއްޖޭގެ މައި އިންޓަރނޭޝަނަލް އެއަރޕޯޓުން އިންޑިއާގެ ޖީއެމްއާރް ބޭރުކުރުމަށް އެންމެ ފުރަތަމަ އިސްނެންގެވި ލީޑަރަކީވެސް އޭނާއެވެ. އެފަހަރުވެސް އެކަން ދޫކޮށްލެއްވުމަށް އެކިގޮތްގޮތުން އޭނާއަށް ވަރަށް މަތީ ދަރަޖައަކަށް ޕްރެޝަރ ކުރިމަތި ކުރެވުނެވެ.

ސެޕްޓެމްބަރ ނުވަ ވަނަ ދުވަހު ބޭއްވި ރިޔާސީ އިންތިޚާބުގެ ފުރަތަމަ ބުރުން މުޅި ރާއްޖޭގެ ދެ އަތޮޅެއް ފިޔަވައި އެހެން ހުރިހައި އަތޮޅަކުން މެޖޯރިޓީ ރައްޔިތުން ތާއީދުދީފައިވަނީ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑޮކްޓަރ މުހައްމަދު މުއިއްޒަށެވެ. މުއިއްޒުވަނީ ޤާސިމް އިބްރާހީމާ ފޯނުން ގުޅުއްވައި ދެވަނަ ބުރުގައި އޭނާއަށް ތާއީދުކޮށްދެއްވުމަށް އެދިވަޑައިގެންފައެވެ. އޭގެފަހުން ޕީޕީއެމް/ޕީއެންސީގެ އިސް ލީޑަރުންގެ ޓީމެއްވެސް ސަންއައިލެންޑަށްގޮސް ޤާސިމާއި ބައްދަލުކޮށް މަޝްވަރާކޮށްފައި ވެއެވެ.

ޤާސިމްގެ ކުރިފުޅުމަތީގައި އޮތީ އުދަގޫ ދަތިގޮތެކެވެ. އެމްޑީޕީން ކުރިމަތިކުރަމުންދާ ފިއްތުންތަކަށް ބޯލަނބާލައި ސޯލިހަށް ތާއީދުކުރުމަށް ނިންމާފައިވަނިކޮށް ދިވެހި ރައްޔިތުން ފުރަތަމަ ބުރުގައި ދެއްކި ނަތީޖާ ތަކުރާރުކޮށް އެއަށްވުރެ ބޮޑު އަޣްލަބިއްޔަތަކުން މުއިއްޒު ހޮވައިފިނަމަ އެއީ ޤާސިމަށް ކުރިމަތިލައްވަންޖެހިވަޑައިގަންނަވާނެ ވަރަށް ބޮޑު ލަދުވެތިކަމަކަށް ވާނެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އަދާލަތާއި އެމްޑީއޭއިން އެތައްހާސް މެންބަރުން ވަކިވެއްޖެ، މެންބަރުންގެ އަދަދު 5،000އަށް
18 Nov 2026 ހަބަރު

އަދާލަތާއި އެމްޑީއޭއިން އެތައްހާސް މެންބަރުން ވަކިވެއްޖެ، މެންބަރުންގެ އަދަދު 5،000އަށް

އިލެކްޝަން ކޮމިޝަންގެ ދަފްތަރުގައިވާ ގޮތުން އަދާލަތު ޕާޓީގައި މިހާރު ތިބީ 5،608 މެންބަރުންނެވެ. އެމްޑީއޭ ގައި ތިބީ 5،848 މެންބަރުންނެވެ.