ރައީސް ޔާމީން ހއ އަށް ވަޑައިގަތުން: އިހަވަންދޫއިން ހޫނު މަރުހަބާއެއް، މިރޭ ބޮޑު ޖަލްސާ ބާއްވަނީ!
ވާދަވެރި ސިޔާސީ ލީޑަރު އަދި 2023 ވަނަ އަހަރުގެ ރިޔާސީ އިންތިޚާބުގައި ޕީޕީއެމްގެ ރިޔާސީ ކެންޑިޑޭޓް ރައީސް އަބްދުﷲ ޔާމިން އަބްދުލްގައްޔޫމު ބޮޑު ތިލަދުންމައްޗަށް ކުރައްވާ ދަތުރުފުޅުގައި މިއަދު ހަވީރު ހއ އިހަވަންދޫއަށް ވަޑައިގަތުމުން ހޫނު މަރުހަބާއެއް ދަންނަވައިފިއެވެ.
މިއަދު ހަވީރު އިހަވަންދޫއަށް ވަޑައިގެންނެވުމާއެކު، އެމަނުފާނަށް އެރަށުން ވަނީ ހޫނު މަރުހަބާއެއް ދަންނަވާފައެވެ. އެމަނިކިފާނުގެ އިސްތިގުބާލުގައި ގިނަ އަދަދެއްގެ ބަޔަކު ތިބިކަން ފާހަގަކުރެވެެއެވެ. ރައީސް ޔާމީން ވަނީ އެމަނިކުފާނު ވަޑައިގެންނެވިއިރު، އިސްތިގުބާލުގައި ތިބި ހުރިހާ އެންމެންނާއި ސަލާމް ކުރައްވާފައެވެ. އަދި އެ ފަރާތްތަކާއެކު ވަގުތުކޮޅެއްވެސް ހޭދަކުރައްވާފައެވެ.
އެމަނިކުފާނުގެ އިސްތިގުބާލަށް އިހަވަންދޫ ބަދަނރު ސަރަހައްދު ވަރަށް ބޮޑަށް ޒީނަތްތެރިކޮށްފައިވާކަން ފާހަގަކުރެވެއެވެ.
އެމަނިކުފާނުގެ މި ދަތުރުފުޅަކީ ޕީޕީއެމްގެ ރިޔާސީ ޓިކެޓު ލިބިވަޑައިގަތުމަށްފަހު އަތޮޅުތެރެއަށް ކުރައްވާ ދެވަނަ ދަތުރުފުޅެވެ. މި ފަތުރުފުޅުގައި ހއ ގެ ފަސް ރަށަކަށް ވަޑައިގަތުމަށް ވަނީ ހަމަޖެހިފައެވެ.
މިއަދު ރައީސް ޔާމީން އިހަވަންދޫއަށް ވަޑައިގެންފައިވާއިރު، މިރޭ ރައީސް ޔާމިން ބައިވެރިވެވަޑައިގަންނަވާ ބޮޑު ޖަލްސާއެއް އިހަވަންދޫގައި ބޭއްވުމަށް ވަނީ ހަމަޖެހިފައެވެ. މި ޖަލްސާގައި ރައީސް ޔާމީން ވާހަކަފުޅުދައްކަވާނެއެވެ.
ރައީސް ޔާމީން ހއ އަށް ކުރައްވާ މި ދަތުރުފުޅުގައި އިހަވަންދޫގެ އިތުރުން ކެލާ, ބާރަށް, ދިއްދޫ އަދި ތުރާކުނަށް ވަޑައިގެންނެވުމަށްވެސް ވަނީ ހަމަޖެހިފައެވެ.
ހއ އަތޮޅަށް ރައީސް ޔާމީން ކުރައްވާ މި ދަތުރުފުޅުގެ މަގްސަދުތަކުގެ ތެރޭގައި، 2023 ވަނަ އަހަރުގެ ޕީޕީއެމްގެ ރިޔާސީ މެނިފެސްޓޯއަށް މަޢުލޫމާތުތައް އެއްކުރެއްވުމާއި ރައްޔިތުންނަށް ބޭނުންޖެހިފައިވާ ކަންކަމާއި ގުޅޭގޮތުން މަޝްވަރާ ކުރެއްވުން ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
