އަލިފާނުގެ ހާދިސާ ހިނގި ގޭގެ ތެރެއިން މީހެއްގެ ފައިތިލަ ފެނިއްޖެ!
ނޮވެމްބަރު 10 ވަނަ ދުވަހުގެ ރޭ ދަންވަރު އަލިފާނުގެ ހާދިސާ ހިނގި މ. ނިރުފެހިގެއިން މީހެއްގެ ފައިތިލަ ފެނިއްޖެ އެވެ.
ނިރުފެހި ގޭގައި ހިނގި އަލިފާނުގެ ހާދިސާގައި ޖުމުލަ 10 މީހުން ނިޔާވެފައިވާއިރު އޭގެ ތެރެއިން ބައެއް މީހުން ވަރަށް ބޮޑަށް ފިހިފައިވާ ކަމަށް ފުލުހުން ބުނެފައިވެއެވެ. އަދި އެމީހުންނާއި ބެހޭ މައުލޫމާތު ހޯދައި ކޮންބައެއްކަން ދެނެގަންނަން އުނދަގޫ ވީ ވެސް އެމީހުން ވަރަށް ބޮޑަށް ފިހިފައިވާތީ ކަމަށް މީގެ ކުރިން ފުލުހުން ބުނެފައިވެއެވެ.
އެގޮތުން، އެރޭގެ ހާދިސާގައި ނިޔާވި ދިހަ ވަނަ މީހާގެ ގޮތްވެސް ދެނެ ގަނެވިފައިވާ ކަން ފުލުހުން ހާމަކުރީ މިމަހު 13 ވަނަ ދުވަހުއެވެ.
އެއަށްފަހު އެތަން ސާފުކޮށް ކުނިތައް ނެގުމުގެ މަސައްކަތް މިހާރު ފަށާފައިވާއިރު, އެ މަސައްކަތުގެ ތެރެއިން މިއަދު އެގެއިން މީހެއްގެ ފައިތިލަ ފެނިފައިވާ ކަމަށް ފުލުހުން ބުނެފައިވެއެވެ.
ނިރުފެހިގޭ ހިނގި އަލިފާނުގެ ހާދިސާގައި ނިޔާވި 10 މީހުންގެ ތެރޭގައި އިންޑިއާއަށް ނިސްބަތްވާ 3 އަންހެނުންނާއި 5 ފިރިހެނުން ހިމެނެއެވެ. އަދި ބަންގްލަދޭޝް އަށް ނިސްބަތްވާ 1 އަންހެނަކާއި 1 ފިރިހެނެއް ހިމެނޭ ކަމަށްވެސް ފުލުހުން ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
