ކުނި ކަހާ މަސައްކަތަށް ނަގާ މުވައްޒަފުންނަށް މުސާރައަށް 9،600ރ ލިބޭނެ: މުޢިއްޒު
މާލެ އާއި ވިލިމާލޭގެ އާއްމު ތަންތަނުގައި ކުނި ކެހުމަށް، މާލެ ސިޓީ ކައުންސިލުން ނަގާ މުވައްޒަފުންނަށް މުސާރަ އަކަށް 9,600 ލިބޭނެ ކަމަށް މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
ލާމަރުކަޒީ ގާނޫނުގެ ދަށުން މަގުތަކާއި އާންމު ތަންތަން ސާފު ކުރުމަކީ ކައުންސިލުގެ ޒިންމާއެއް ކަމަށް ވާއިރު، އެ މަސައްކަތް މިހާރު ކުރަނީ ވެމްކޯއަށް އައުޓްސޯސް ކޮށްގެންނެވެ.
ނަމަވެސް، ސިޓީ ކައުންސިލުން ވެމްކޯއާއެކު މާލެ އާއި ވިލިމާލޭގެ ކުނި ކެހުމާއި، އެ ކުނި ނެގުމާއި އުކާލުމަށް ވެފައިވާ އެއްބަސްވުމުގެ މުއްދަތު މި ޑިސެމްބަރު މަހުގެ 26 ވަނަ ދުވަހު ހަމަވުމުން އެއްބަސްވުން އާ ނުކުރަން ސިޓީ ކައުންސިލުން ވަނީ ނިންމާފަ އެވެ.
އެއާއެކު, މާލެ އާއި ވިލިމާލޭ މަގުތަކާއި ޕާކުތަކާއި ފަޅުތެރެއާއި އާންމު ސަރަހައްދުތަކުން ކުނި ނަގައި ސާފު ކުރުމުގެ މަސައްކަތް ކުރާނީ އެ ކައުންސިލުންނެވެ.
ކައުންސިލްގެ އެ ނިންމުމާއި ގުޅިގެން، ވެމްކޯގެ މުވައްޒިފުންގެ ގޮތުގައި މަގު ކުނިކަހާ އެއްވެސް މީހެއްގެ ވަޒީފާ ގެއްލިއްޖެނަމަ ސިޓީ ކައުންސިލުން ކުރާ މަސައްކަތްތަކަށް އެ މުވައްޒިފަށް ފުރުސަތު ދޭނެކަމަށް މީގެ ކުރިން މޭޔަރ ވަނީ ވިދާޅުވެފައެވެ. އަދި އެގޮތުން ސިޓީ ކައުންސިލުން ކުނި ކަހަން ނަގާ ކޮންމެ މުވައްޒަފަކަށް މުސާރަ އެއްގެ ގޮތުގައި 9,600 ދޭނެ ކަމަށްވެސް މޭޔަރ ވަނީ މިއަދު ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
