"ބޮޑުފިޔާ ޕޮލިޓިކްސް"ގެ ތެރޭގައި ތާށިވެފަ އޮންނަންޖެހޭ ބައެއްނޫން އަޅުގަނޑުމެންނަކީ: ޢަލީ ޙުސެއިން

ދިވެހިރާއްޖެއަކީ "ބޮޑުފިޔާ ޕޮލޮޓިކްސް"ގެ ތެރޭގައި ތާށިވެފަ އޮންނަންޖެހޭ ބައެއްނޫން ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު ޢަލީ ހުސެއިން ވިދާޅުވެއްޖެއެވެ.

ޢަލީ ހުސެއިން މިހެން ވިދާޅުވީ ރޭ ޖުމްހޫރީ ޕާޓީ އިން ބޭއްވި ކެމްޕެއިން ޖަލްސާގައި ވާހަކަ ދައްކަވަމުންނެވެ.

އެގޮތުން އަކީ ހުސައިން ވަނީ, ރާއްޖޭ އާއި އިންޑިއާ އާއި ދެމެދު އޮންނަ ގުޅުމަށް އިދިކޮޅުން ކިޔަމުންދާ ފާޑުކިޔުންތަކަށް ސަރުކާރުން ދެމުންދާ ރައްދު ތަކަށް ފާޑުވިދާޅުވެފައެވެ. އެގޮތުން، ރާއްޖެއަށް ބިހާއި ފިޔާ އެތެރެ ކުރަނީވެސް އިންޑިއާއިން ކަމަށްވާއިރު، އިންޑިއާ ސިފައިން ރާއްޖެއިން ބޭލުމަށް އިދިކޮޅުން ކުރިއަށް ގެންދާ "އިންޑިއާ އައުޓް" ހަރަކާތުގެ ސަބަބުން އެކަންކަމަށް ހުރަސް އެޅޭނެކަމަށް ސަރުކާރުން ބުނާ ބުނުމަށް އޭނާ ވަނީ ފާޑުވިދާޅުވެފަ އެވެ.

""މިއަދު އަޅުގަނޑުމެންނަށް މިފެންނަނީ ބޮޑުފިޔާ ބަސްތާއެއްގެ މެދުތެރޭގައި އަޅުގަނޑުމެން ވަނީ ތާށިވެފަ، ބޮޑުފިޔާ ޕޮލިޓިކްސްގެ ތެރޭގައި ތާށިވެފަ އޮންނަންޖެހޭ ބައެއްނޫން އަޅުގަނޑުމެންނަކީ، ހަޤީޤަތުގައި ދުނިޔޭގެ ބަޔަކަށް ލިބިފައިވާ އެންމެ ބޮޑު ނިޢުމަތް ލިބިފައިވާ އެއް ބައެެއް ދިވެހިންނަކީ, ދިވެހިރާއްޖެއަށް ލިބިފައިވާ އިސްލާމް ދީނުގެ ފަހުގެ ދިވެހިރާއްޖެއަށް ލިބިފައިވާ އެންމެ ބޮޑު ނިއުމަތަކީ ހުސްނުވާ ރީތިކަން. މިތާކު ތެލެއް ނެތޭ، ވަރަށް ނިކަމެއްޗޭ ބޮޑު ފިޔާ ކޮޅެއް ނެތޭ ކާޑެއްވެސް ނުލިބެއޭ، ކޮން ވާހަކައެއް ތި ވިދާޅުވަނީ. ނުވަންޏާ ފައިބާ ވަޑައިގަންނަވާ."

ޢަލީ ހުސެއިން

މީގެ އިތުރުން ޢަލީ ވިދާޅުވީ ކޮންމެ ޤައުމެއްގެވެސް އިން ކަނޑައަޅާނީ އެޤައުމެއްގެ ރައްޔިތުން ކަމަށެވެ. އަދި ޖެހިގެން އޮންނަ ޤައުމަކުން އަދި ދުނިޔޭގެ އެހެނަ އެއްވެސް ޤައުމަކުން ނޫން ކަމަށާއި، ހެޔޮ ކަމުން، ހެޔޮ ވާތީ ނުވަތަ ދީލަތިކަމާއި އެކީގައި ދޭނެ އެއްވެސް ޖާގައެއް ނޯންނާނެ ކަމަށް ޢަލީ ވިދާޅުވިއެވެ.

"އެޤައުމެއްގެ އިން ކަނޑަ އަޅާނީ އެޤައުމެއްގެ ރައްޔިތުން، އެއިން ކަނޑައެޅުމަށްފަހު އެއިން ބެލެހެއްޓުމަކީ އެ ޤައުމެއްގެ ރައްޔިތުންގެ ވާޖިބެއް، އެއިން ކަށަވަރުކުރުމަށްޓަކައި އަޅުގަނޑުމެންނަށް މި ފެންނަނީ ލެެެއިން އަގުދައްކައިގެން އިން ހިފަހައްޓާފައި ވާ މަންޒަރު، ހަޤީޤަތުގައި ދިވެހިރާއްޖެއަކީ އަޅުގަނޑުމެންގެ އެތައް ޝަހީދެއްގެ ލެއިން ދިވެހި ދަރިންގެ ހިންމަތާ މިންނަތުން މިނިވަންކަން ފޯރިކޮށްދީފައިވާ ޤައުމެއް" ޢަލީ ހުސެއިން ވިދާޅުވިއެވެ.

ޢަލީ ވިދާޅުވީ ދިވެހި ރާއްޖޭގެ މިނިވަންކަމާއި ސިޔާދަތު ޖުމްހޫރީ ޕާޓީގެ ވެރިކަމެއްގައި ހިފަހައްޓައި ދެެއްވާނެކަމަށް ޤާސިމް ވިދާޅުވެފައިވާކަމަށެވެ.

ރޭގެ ޖަލްސާގައި ޢަލީ ވިދާޅުވީ ރާއްޖެއަށް ލިބިފައި އޮތް އެންމެ ބޮޑު ނިއުމަތަކީ އިސްލާމް ދީން ކަމަށެވެ. އަދި ޤާސިމް އިސްލާމްދީން ނޫން ދީނަކަށް ފުރުސަތުނުދެއްވާނެކަމަށް ވަޢުދު ވެ ވަޑައިގެންފައިވާ ކަަމަށް ޢަލީ ހުސެއިން ވިދާޅުވިއެވެ.

ޢަލީގެ ރޭގެ ވާހަކަގައި ސަރުކާރުގެ ކަންކަމަށް ވަރަށް ބޮޑަށް ފާޑު ވިދާޅުވެފައިވެއެވެ.