ކެންޑިޑޭޓުންގެ ނަންތައް ތަރުތީބުކޮށްފި، އާޒިމާއަށް ކެނޑިޑޭޓް ނަންބަރު ތިނެއް!

މާލެ ސިޓީ މޭޔަރު ކަމަށް ވާދަކުރައްވާ ކެނޑިޑޭޓުންގެ ނަންތައް ރަސްމީކޮށް އިއުލާނުކޮށް ،ކެނޑިޑޭޓުންގެ ނަންތައް ތަރުތީބުކޮށްފިއެވެ.

ނަންތައް ތަރުތީބުކޮށް، އިއުލާންކޮށްފައި ވަނީ މިއަދު ދަރުބާރު ގޭގައި ބޭއްވި ރަސްމިއްޔާތެއްގައެވެ.

މާލޭ މޭޔަރުކަމަށް ވާދަކުރައްވާ ކެންޑިޑޭޓުންގެ ނަންތައް ތަރުތީބުން:

1. ޝުޢައިބު ޢަލީ (އަމިއްލަ ގޮތުން)

2. ޙުސައިން ވަހީދު (އަމިއްލަ ގޮތުން)

3. ޢާއިޝަތު ޢާޒިމާ ޝަކޫރު (ޕީއެންސީ)

4. އާދަމް ޢާޒިމް (އެމްޑީޕީ)

5. ސައިފް ފާތިހު (ދަ ޑިމޮކްރެޓްސް)

މި ރަސްމިއްޔާތުގައި މާލެ ސިޓީ ކައުންސިލުން ހުސްވެފައިވާ ހެންވޭރު ދެކުނާއި، މާފަންނު ދެކުނުގެ އިތުރުން މެދު ހެންވޭރު ގޮނޑިއަށް ވާދަކުރައްވާ ކެންޑިޑޭޓުންގެ ނަންތައް ރަސްމީކޮށް އިޢުލާނުކޮށް، ކެންޑިޑޭޓު ނަންބަރު ކަނޑައެޅުމަށް ގުރުއަތުލާފައެވެ.

މާލޭ ސިޓީގެ ހުސްވެފައިވާ މޭޔަރުގެ މަޤާމާއި ހުސްވެފައިވާ ބައެއް ގޮނޑިތަކަށް މެންބަރުން ހޮވުމަށް ބައި އިލެކްޝަން ބޭއްވުމަށް ހަމަޖެހިފައިވަނީ އަންނަ އަހަރުގެ ޖެނުއަރީ މަހުގެ 13 ވަނަ ދުވަހުއެވެ.