ރޭގެ މުޒާހަރާގެ ތެރެއިން އަވަސް ނޫހުގެ ނޫސްވެރިޔާ ހައްޔަރު ކުރަނީ-- ފޮޓޯ/ ޕީޕީއެމް
ރޭގެ މުޒާހަރާގެ ތެރެއިން އަވަސް ނޫހުގެ ނޫސްވެރިޔާ ހައްޔަރު ކުރަނީ-- ފޮޓޯ/ ޕީޕީއެމް
ހަބަރު 17 Mar 2023 | 14:41

ނޫސްވެރިކަމުގެ ހައްގުތަކަށް އަރައިގަންނަ މައްސަލަތައް މި އަހަރުތެރޭގައި އިންތިހާއަށް އިތުރުވެއްޖެ: އެމްޖޭއޭ

ނޫސްވެރިކަމުގެ ހައްގުތަކަށް އަރައިގަންނަ މައްސަލަތައް މި އަހަރުތެރޭގައި އިންތިހާއަށް އިތުރުވެގެންގޮސްފައިވާ ކަމަށް ބުނެ ނޫސްވެރިންގެ ހައްގުގައި މަސައްކަތް ކުރާ ޖަމިއްޔާއެއް ކަމަށްވާ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) ކަންބޮޑުވުން ފާޅުކޮށްފި އެވެ.

ކުރީގެ ރައީސް އަދި އިދިކޮޅު ރިޔާސީ ކެންޑިޑޭޓް ރައީސް އަބްދުالله ޔާމީން އަބްދުލްގައްޔޫމް މިނިވަން ކުރުމަށް ގޮވާލައި އިދިކޮޅު ޕީޕީއެމް/ޕީއެންސީ ކޯލިޝަނުން ސިލްސިލާކޮށް މާލޭގެ މަގުމަތީގައި ކުރިއަށް ގެންދާ މުޒާހަރާ ކަވަރު ކުރަމުންދިޔަ "އަވަސް" ނޫހުގެ ނޫސްވެރިއެއް ކަމަށްވާ ހުސައިން ޖުމާން، ރޭ ފުލުހުން ވަނީ ހައްޔަރުކޮށްފަ އެވެ. ނޫސްވެރިއެއް ކަން އަންގައިދޭ ކާޑުވެސް އަޅައިގެން ހުރި އެ ނޫސްވެރިޔާ ހައްޔަރު ކުރުމުގެ ތެރޭގައި ފުލުހުން އޭނާގެ މޭމަތީގައި އަތް އަޅައި ކޮށްޕާވެސް ލާފައިވާ ކަމަށް އޭނާ އާއި ހަވާލާދީ އިދިކޮޅުން ވަނީ ބުނެފައެވެ.

މުޒާހަރާ ކަވަރު ކުރަމުންދާ ނޫސްވެރިންނަށް ފުލުހުންގެ ފަރާތުން ކުރިމަތިވާ ހުރަސް ތަކާއި އަނިޔާ އާއި މެދު ކަންބޮޑުވުން ފާޅުކޮށް އެމްޖޭއޭ އިން ކުރި ޓުވީޓެއްގައި ބުނީ، ފަހަކަށް އައިސް މުޒާހަރާ ކަވަރު ކުރަމުންދާ ނޫސްވެރިންނަށް ފުރައްސާރަ ކުރުމާއި އަނިޔާ ކުރުން އިންތިހާއަށް އިތުރުވެފައިވާ ކަމަށެވެ. އަދި އެ ޖަމިއްޔާ އިން ވަނީ އެކަން އެންމެ ހަރުކަށި އިބާރާތުން ކުށްވެރި ކޮށްފައެވެ.

މިއާއެކު އެމްޖޭއޭ އިން ވަނީ، މުޒާހަރާ ކަވަރު ކުރާ ނޫސްވެރިންނަށް ފުރިހަމަ ރައްކާތެރިކަން ކަށަވަރު ކޮށްދިނުމަށް ދިވެހި ފުލުހުންގެ ޚިދުމަތާއި ދިވެހި ސަރުކާރަށް ގޮވާލާފައެވެ.

"މި އަހަރުތެރޭގައި ނޫސްވެރިކަމުގެ ހައްގަށް އަރައިގަންނަ މައްސަލަތައް އިންތިހާއަށް އިތުރުވެގެން ގޮސްފައިވާ ކަމީ މި ޖަމިއްޔާ އިން އިންތިހާއަށް ކަންބޮޑުވާ ކަމެއް. މި އަހަރު ތޭރޭގައި އެފަދަ 8 މައްސަލައެއް ވަނީ ރިޕޯޓް ކޮށްފައި" އެމްޖޭއޭ އިން ބުނެފައި ވެއެވެ.

ނޫސްވެރިކަމުގެ މިނިވަންކަމަކީ މި ސަރުކާރު ވެރިކަމަށް އައުމުގެ ކުރިން އެންމެ ގަދައަށް ވަކާލާތުކުރި ކަމަށް ވާއިރު، ވެރިކަމަށް އައުމަށްފަހު ނޫސްވެރިންނަށް އެ މިނިވަންކަން ހޯދައި ނުދީ، ނޫސްވެރިންގެ ހައްގުތައް ހަނި ކުރުމަށް ސަރުކާރުން މަސައްކަތް ކުރާ ކަމަށް ބުނެ ނޫސްވެރިންގެ ހައްގުގައި ވަކާލާތުކުރާ ޖަމިއްޔާ ތަކުންނާއި ނޫސްވެރިން އަންނަނީ ކަންބޮޑުވުން ފާޅުކުރަމުންނެވެ.

ޚާއްސަކޮށް، ދާދިފަހުން ޗެނަލް 13 ގެ ނޫސްވެރިއަކަށް މުޒާހަރާ ތެރެއިން ސީރިއަސް އަނިޔާތަކެއްވެ، އެމެންޖެންސީ ގައި މާލޭގައި ފަރުވާ ދިނުމަށްފަހު ލަންކާއިންވެސް ފަރުވާ ހޯދަން ޖެހިފައިވާއިރު، އެނޫންވެސް ޗެނަލް 13 ގެ ނޫސްވެރިން ވަނީ ހައްޔަރު ކުރުމަށްފަހު ބަންދުގައި ބަހައްޓާފައެވެ. އެފަދަ މައްސަލަތަކާއި ގުޅިގެން ގިނަ ބައެއްގެ ނުރުހުން ވަނީ ސަރުކާރަށް އަމާޒުވެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟
22 Nov 2026 ހަބަރު

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟

"ފައިސަލް އެ އޮތީ ކުރިމަތިލައްވަން އިއުލާނު ކުރައްވާފައި. އަޅުގަނޑެއް ކުރިމަތިލާކަށް އިއުލާނެއް ނުކުރަން،" ރައީސް ސޯލިހް ފުރަތަމަ ވިދާޅުވި އެވެ.

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި
22 Nov 2026 ހަބަރު

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި

ޖެނޮސައިޑް ކޮންވެންޝަންގެ ބައިވެރިއެއްގެ ޙައިޞިއްޔަތުން މި މައްސަލައަށް ތަދައްޚުލުވާނެ ކަން އެންމެ ފުރަތަމަ އިޢުލާންކުރީ ދިވެހިރާއްޖެއިންނެވެ

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް
22 Nov 2026 ހަބަރު

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް

މި އިންތިހާބަކީ އެމްޑީޕީގެ ކޮންޓްރޯލް ހޯދުމާއި ރިޔާސީ ޓިކެޓް ކަށަވަރު ކުރުމަށް ދެ ފެކްޝަނަށްވެސް ވަރަށް މުހިންމު އިންތިހާބެކެވެ.

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި
22 Nov 2026 ހަބަރު

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި

މި މައްސަލައާ ގުޅިގެން ހައްޔަރުކުރި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޢަލީ ޢާމިރު 30 ދުވަހަށް އަދި އާދަމް ނިމާލް 15 ދުވަހަށް ބަންދުކުރުމަށް އަމުރުކޮށްފައިވެއެވެ.

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި
22 Nov 2026 ހަބަރު

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި

ފުލުހުން ބުނީ އެ މައްސަލައާ ގުޅިގެން 90 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.