އެޗްޑީސީން ހުޅުމާލެ ސާފުކުރުމުގެ ހަރާކާތް ބާއްވައިފި
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ހުޅުމާލެ ސާފުކުރުމުގެ ހަރަކާތް ބާއްވައިފިއެވެ.
"ވޯލްޑް ކްލީން އަޕް ޑޭ" އާއި ގުޅިގެން އެޗްޑީސީއިން ދުނިޔެ މަގޭ ކެމްޕޭނުގެ ނަމުގައި ހުޅުމާލެ ސާފުކުރުމުގެ ހަރަކާތެއް ވަނީ ގެންގޮސްފައެވެ.
މި ހަރަކާތް ކުރިއަށް ގެންގޮސްފައިވަނީ ހުޅުމާލެ ބީޗް ސަރަހައްދުގައި މިއަދު ހެނދުނު 7 އިން 9 އަށެވެ. މި ހަރަކާތުގައި ގިނަ އަދަދެއްގެ މުވައްސަސާތަކުގެ މުވައްޒަފުންނާއި ސުކޫލު ކުދިންވެސް ވަނީ ބައިވެރިވެފައެވެ.
ހުޅުމާލެ ސާފުކުރުމުގެ ހަރަކާތުގައި ނައިބު ރައީސް ފައިސަލް ނަސީމާއި މަޖިލީހުގެ ހުޅުމާލެ ދާއިރާގެ މެންބަރު އަލީ ނިޔާޒާއި އެޗްޑީސީގެ އެމްޑީ އަހުމަދު އާތިފް ވަނީ ބައިވެރިވެވަޑައިގެންފައެވެ.
އޭގެ އިތުރުން އެ ހަރަކާތުގައި ވެމްކޯއިންނާއި އާރްޑީސީއިން ވެސް ވަނީ ބައިވެރިވެފައެވެ.
ކޮންމެ އަހަރަކުވެސް "ވޯލްޑް ކްލީން އަޕް ޑޭ" އާއި ގުޅިގެން ސާފުކުރުމުގެ ހަރަކާތް ކުރިއަށް ގެންދިއުމަށް ހަމަޖެހިފައިވާއިރު އެޗްޑީސީއިން ބުނީ އެ ހަރަކާތަކީ މިއަހަރު މާލެ ސަރަހައްދުގައި ކުރިއަށްގެންދާ އެންމެ ބޮޑު ސާފުކުރުމުގެ ހަރަކާތް ކަމަށެވެ. މިއަހަރުގެ ހަރަކާތުގައި ހުޅުމާލެއިން 1،600 ޓަނުގެ ކުނި ނަގާފައިވާ ކަމަށް އެޗްޑީސީން މައުލޫމާތު ދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
