ކެޔޮދޫ ރައްޔިތުންގެ އިހްސާސްތަކާ އެކު ހުސައިން ރަޝީދު މަޖިލީހަށް
މިއަަހަރުގެ ރައްޔިތުންގެ މަޖިލީހުގެ މަޖިލީހުގެ ކެޔޮދޫ ދާއިރާގެ ޕީޕީއެމް ޕީއެންސީގެ ޕްރައިމަރީގައި ވާދަކުރުމަށް ނިންމައި ހުސައިން ރަޝީދު އެކަން އިއުލާންކުރައްވައިފިއެވެ.
ވޮއިސްއަށް މައުލޫމާތު ދެއްވަމުން ހުސައިން ރަޝީދު (އުދަރެސް) ވިދާޅުވީ، މިއަހަރުގެ ރައްޔިތުންގެ މަޖިލީހުގެ އިންތިހާބުގައި ކެޔޮދޫ ދާއިރާގެ ގޮނޑިއަށް ވާދަކުރައްވަން ނިންމެވީ، އެ ދާއިރާގެ ރައްޔިތުންގެ އިހްސާސްތަކާއި އަޑު އެންމެ ފުރިހަމައަށް ސަރުކާރާއި ހަމައަށް ގެނައުމަށް ކަމަށެވެ.
ކެޔޮދޫ ދާއިރާގެ ޕީޕީއެމްގެ ރައީސްކަން ވެސް ކުރައްވަމުން ގެންދަވާ ހުސައިން ރަޝީދު ވިދާޅުވީ އެ ދާއިރާގެ މަޖިލިސް ގޮނޑި އަބަދުވެސް ފެންނަމުން އަންނަނީ ދޯހަޅިކޮށް ކަމަށާއި އެކަން ބަދަލުކޮށް އެ ގޮނޑިއަކީ ބާރުވެރި ޒިންމާދާރު ގޮނޑިއަކަށް ހެއްދެވުމުގެ އަޒުމުގައި އެ ދާއިރާއަށް ނިކުންނެވުމަށް ނިންމެވީ ކަމުގައެވެ.
މި ފާއިތުވި ރިޔާސީ އިންތިހާބުގެ ކެމްޕެއިންގައިވެސް ހުސައިން ރަޝީދު ފާހަގަވެގެން ގޮސްފައިވަނީ އެ ދާއިރާގެ މަސައްކަތްތަކުގައި އެންމެ އިސްކޮށް ހަރާކާތްތަރިވި އިސް ބޭފުޅެއްގެ ގޮތުގައެވެ.
އެހެންކަމުން ކެޔޮދޫ ދާއިރާގެ ގޮނޑި ހުސައިން ރަޝީދަށް ކާމިޔާބު ކޮށްދެއްވުމަށްޓަކައި ދާއިރާގެ އެންމެހައި ރައްޔިތުން އެ ބޭފުޅާއަށް ތާއީދުކޮށްދެއްވުމަށް ހުސައިން ރަޝީދު ވަނީ އެދިލައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
