"ޓައިގާ ޝާކް ޕޮއިންޓް" އަށް އެރި އުޅުނު މީހަކަށް މިޔަރެއް ހަމަލާދީފި!
ޏ. ފުވައްމުލަކު "ޓައިގާ ޝާކު ޕޮއިންޓަށް" އެރި އުޅުނު މީހަކަށް މިޔަރެއް ހަމަލާދީ ޒަޚަމްކޮށްލައިފި އެވެ.
މަޢުލޫމާތު ލިބިފައިވާ ގޮތުގައި މިޔަރު ހަމަލާ ދިނީ އިއްޔެ ހަވީރު ފުވައްމުލަކު ސިޓީގެ ބަނދަރު ސަރަހައްދުގައި އޮންނަ މަޝްހޫރު "ޝާކް ޕޮއިންޓަ"ށް ފަތުރުވެރިންތަކެއް ގޮވައިގެން އެރި އުޅުނު އިންސްޓްރަކްޓަރ ގެ އަތުގައެވެ.
އަދި އޭނާއަށް ހަމަލާ ދިނީ ފެމުނު މިޔަރެއް ކަމަށް މަޢޫލޫމާތު ލިބޭއިރު، އެ މިޔަރު ހަމަލާ ދިނުމުގެ ސަބަބުން އެމީހާގެ އަތުގެ އިނގިއްޔެއް ވަނީ ޒަޚަމްވެފައެވެ.
އަދި މިޔަރު ހަމަލާ ދިނުމުގެ ސަބަބުން އޭނާގެ އަތުގެ އިނގިއްޔެއް ވަނީ ވަރަށް ބޮޑަށް ޒަޚަމްވެފައެވެ.
ފުވައްމުލަކު ޝާކް ޕޮއިންޓަކީ ވަރަށް ގިނަ ދިވެހިންނާއި ފަތުރުވެރިން ވެސް ގޮސް އުޅޭ މަގުބޫލު ސަރަހައްދެކެވެ.
އެ ސަރަހައްދުގައި މިފަދަ ނުރައްކާތެރި ހާދިސާއެއް ހިނގާފައިވާއިރު، މިފަހަކަށް އައިސް މިޔަރު ހަމަލާދޭ އެފަދަ ހާދިސާތައް އަންނަނީ އިތުރު ވަމުންނެވެ.
އެގޮތުން، އެފަދަ ހާދިސާ ތަކުގައި މި އަހަރު އެކަނިވެސް ތިން މީހަކު ވަނީ ޒަހަމްވެފައެވެ. އޭގެ ތެރެއިންވެސް ފަތުރުވެރިއަކަށް ވަރަށް ބޮޑެތި ސީރިއަސް ޒަޚަމްތަކެއް ލިބި އެމީހާއަށް މާލެއިންވެސް ފަރުވާ ދީފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
