ތިނަދޫ އައިސް ޕްލާންޓަށް ދިމާވި މައްސަލަ ހައްލު ކުރެވިއްޖެ: ޝިޔާމް
ގދ.ތިނަދޫ އައިސް ޕްލާންޓަށް ދިމާވި މައްސަލަ މިފްކޯއިން ހައްލުކޮށްފައިވާ ކަމަށް މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް، އަހްމަދު ޝިޔާމް ވިދާޅުވެއްޖެއެވެ.
ޝިޔާމް މިފަދައިން ވިދާޅުވީ މިއަދު ކުރެއްވި ޓްވީޓެއްގައެވެ.
"ގދ. ތިނަދޫ އައިސް ޕްލާންޓަށް ދިމާވި ޓެކްނިކަލް މައްސަލަ މިފްކޯއިން ހައްލުކޮށްފި. ޖެނެރޭޓާ ޑައިނަމޯ ސާވިސްކޮށް ރިޕެއާ ކުރުމަށްފަހު މިއަދު އިރުއޮއްސޭހާއިރު އައިސް ޕްލާންޓުން އައިސް ހެދުމަށް ވެސް ރަން ކުރެވިއްޖެ."
ޝިޔާމް ވިދާޅުވިއެވެ.
މަސްވެރިކަމާއި އެ ސިނާއަތާއި ގުޅުންހުރި އެކި ދާއިރާތަކަށް ދިމާވާ ގޮންޖެހުންތަކަށް ދާއިމީ ޖުމްލަ ޙައްލެއް ގެނެސްދިނުމަށް މަސައްކަތް ކުރައްވާނެކަމަށް މީގެކުރިން މިނިސްޓަރު ޝިޔާމް ވަނީ ވިދާޅުވެފައެވެ.
މީގެއިތުރުން މަސްވެރިކަމުގެ ސިނާއަތަށް ކުރިއެރުން ގެނައުމަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ރިޔާސީ ވައުދުފުޅެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
