ޖިންސީ ގޯނާއާއި ދެކޮޅަށް މާލޭގައި ކުރި މުޒާހަރާއެއްގެ ތެރެއިން --  
ފޮޓޯ: އެޓޯލްސްޓައިމްއެމްވީ
ޖިންސީ ގޯނާއާއި ދެކޮޅަށް މާލޭގައި ކުރި މުޒާހަރާއެއްގެ ތެރެއިން -- ފޮޓޯ: އެޓޯލްސްޓައިމްއެމްވީ
ހަބަރު 18 Oct 2026 | 20:01

ކުޑަކުއްޖަކަށް ޖިންސީ ގޯނާކުރިކަމަށް ތުހުމަތުވާ މީހާ ދޫކުރި ނިންމުން ހައިކޯޓު ބާޠިލުކޮށްފި

13 އަހަރުގެ ކުއްޖެއްގެ ހަށިގަނޑުގައި ޖިންސީ ނިޔަތުގައި އަތްލި ކަމުގެ ތުހުމަތުގައި ޝަރީޢަތް ނިމެންދެން ބަންދުކޮށްފައި ހުރި މީހަކު ޝަރުޠުތަކާއެކު ދޫކޮށްލުމަށް ދަށު ކޯޓަކުން ނިންމި ނިންމުން، ޕްރޮސިކިއުޓަރ ޖެނެރަލްގެ ފަރާތުން ކުރި އިސްތިއުނާފަކަށް ބަލައި ހައިކޯޓުން މިއަދު ބާޠިލުކޮށްފި އެވެ.

ތުހުމަތުވާ މީހާ ހައްޔަރުކުރީ 2024 ވަނަ އަހަރުގެ ފެބްރުއަރީ 14 ގައެވެ. ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނުގެ ދަށުން ދައުވާ އުފުލުމަށްފަހު، އެ އަހަރުގެ އެޕްރީލް 14 ގައި އޭނާ ޝަރީޢަތް ނިމެންދެން ބަންދުކުރުމަށް އަމުރުކުރިއެވެ. ނަމަވެސް ބަންދު މުރާޖަޢާކޮށްދިނުމަށް އޭނާ އެދުމުން، ދަށު ކޯޓުން ވަނީ ޝަރުޠުތަކާއެކު އޭނާ ދޫކޮށްލާފައެވެ.

އެ ނިންމުމަށް ދަށު ކޯޓުން ބަލާފައިވަނީ ހެކިންގެ ބަޔާން ނަގައި ނިމިފައިވުމާއި، އޭނާގެ ކުށުގެ ރެކޯޑެއް ނެތުމުން ކުށް ތަކުރާރުކުރާނެ ކަމަށް ނުބެލެވުމާއި، ގިނަ ދުވަހު ބަންދުގައި ހުރުމުން ހާލަތު ބަދަލުވެފައިވާ ކަމަށެވެ.

ސުޕްރީމް ކޯޓުގެ ނިންމުންތަކަށް ރިޢާޔަތްކޮށް ހައިކޯޓުން ކަނޑައަޅާފައިވަނީ، ހެކިބަސް ނަގައި ނިމުމަކުން ހެކިންނަށް ނުފޫޒު ފޯރުވުމުގެ ފުރުޞަތު ނެތިގެން ނުދާނެ ކަމަށެވެ. ތުހުމަތުވާ މީހާ ދިރިއުޅެނީ އަނިޔާ ލިބުނު ކުއްޖާގެ ގޭގެ ދޮރުމަތީގައި ކަމުން، އެފަދަ ފުރުޞަތު ބޮޑުކަން ވެސް ކޯޓުން ފާހަގަކޮށްފައިވެއެވެ. ކުށުގެ ރެކޯޑެއް ނެތުމަކީ ފުރަތަމަ ބަންދުކުރިއިރު ވެސް އޮތް ހާލަތަކަށްވާތީ، އެއީ ފަހުން ބަދަލުވި ހާލަތެއް ކަމަށް ނުބެލެވޭނެ ކަމަށް ވެސް ހުކުމުގައި ބުނެފައިވެއެވެ.

ސުޕްރީމް ކޯޓުގެ ޤަޟިއްޔާތަކާ ހަވާލާދީ ހައިކޯޓުން ބަޔާންކުރީ، މައްސަލަ ލަސްވެގެން ބަންދުގައި ދިގު މުއްދަތެއް ހޭދަވުމަކީ ޚާއްޞަ ޤާނޫނުގެ ދަށުން ދޫކޮށްލަންޖެހޭ ޤާނޫނީ ސަބަބެއް ނޫން ކަމަށެވެ. އެފަދަ ހާލަތުގައި ޙައްލަކީ މައްސަލަ އަވަހަށް ތާވަލުކޮށް ނިންމުން ކަމަށް ކޯޓުން ބުނެއެވެ. އަދި މުޖުތަމަޢުގެ ކުޑަކުދިން ރައްކާތެރިކުރެވޭނެ ހަރުދަނާ ޝަރުޠުތަކެއް ދަށު ކޯޓުގެ އަމުރުގައި ހިމަނާފައި ނުވާކަން ވެސް ހައިކޯޓުން ފާހަގަކޮށްފައިވެއެވެ.

ފަނޑިޔާރު ޙުސައިން މަޒީދު ރިޔާސަތު ބެލެހެއްޓެވި މި މައްސަލައިގެ ޙުކުމް ކުރެއްވީ، އެ ފަނޑިޔާރާއި ފަނޑިޔާރު ޙުޒައިފާ މުޙައްމަދާއި ފަނޑިޔާރު ޢަބްދުއްރައޫފު އިބްރާހީމްގެ އިއްތިފާޤުންނެވެ. ތުހުމަތުވާ މީހާ އަލުން ބަންދުކުރުމަށް އެދި ޕްރޮސިކިއުޓަރ ޖެނެރަލް ހަތް ދުވަހުގެ ތެރޭގައި ދަށު ކޯޓަށް ހުށަހަޅައިފިނަމަ، އެ ހުށަހެޅުމާމެދު ކުރު މުއްދަތެއްގެ ތެރޭގައި ގޮތެއް ނިންމުމަށް ވެސް ހައިކޯޓުން އަމުރުކޮށްފައިވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފުލުހެއްގެ ގައިގައި ސައިކަލުން ޖެއްސި މައްސަލާގައި ހައްޔަރުކުރި އެކަކު ފިޔަވައި އެންމެން ދޫކޮށްލައިފި
22 Nov 2026 ހަބަރު

ފުލުހެއްގެ ގައިގައި ސައިކަލުން ޖެއްސި މައްސަލާގައި ހައްޔަރުކުރި އެކަކު ފިޔަވައި އެންމެން ދޫކޮށްލައިފި

ސިނަމާލެ ބްރިޖު ހައިވޭގައި މަގުމަތީގެ ސަލާމަތާއި ރައްކާތެރިކަން ބެލެހެއްޓުމުގެ މަސައްކަތުގައި ހަރަކާތްތެރިވަމުން ދިޔަ ފުލުސް އޮފިސަރެއްގެ ގައިގައި ސައިކަލަކުން ޖައްސައި ބޮޑެތި އަނިޔާތަކެއް ދިން މައްސަލައިގައި ހައްޔަރުކުރި ހަތަރު މީހުންގެ ތެރެއިން އެކަކު ފިޔަވައި ދެން ތިބި އެންމެން ބަންދުން ދޫކޮށްލައިފިއެވެ.