ބުރިޖުގެ ޓެސްޓް ޕައިލްއެކޭ ކުރީޒަމާނު ނެރުބައްތިއެކޭ އެއްވެސް ތަފާތެއްނެތް: ސައީދު
ތިލަމާލެ ބްރިޖުގެ ފުރަތަމަ ޓެސްޓް ޕައިލް އާއި، ދިވެހިން އެންމެ ކުރީޒަމާނު ޖަހައި އުޅުނު ނެރުބައްތިއަކާ ތަފާތެއް ނެތްކަމަށް ވިދާޅުވެ ޕީއެންސީގެ ނައިބު ރައީސް އަދި މާވަށު ދާއިރާގެ މެންބަރު މުހައްމަދު ސައީދު ފާޑުވިދާޅުވެއްޖެއެވެ.
މާލެ، ވިލިމާލެ، ތިލަފުށި އަދި ގުޅިފަޅު ގުޅާލަން ހަދާ "ތިލަމާލެ ބްރިޖު"ގެ މަސައްކަތަށް ކަނޑުގައި ޖަހާ ފުރަތަމަ ތަނބުގެ މަސައްކަތް ފަށާފައިވާއިރު, ބްރިޖުގެ ދާއިމީ ތަނބުތައް ޖެހުމަށް ބޭނުންވާ ޓެސްޓް ތަނބުތަކުގެ ތެރެއިން ފުރަތަމަ މެރިން ޓެސްޓް ޕައިލް މިހާރު ވަނީ ފެނުން މައްޗަށް ނަގާފައެވެ.
ބްރިޖުގެ މަސައްކަތް ލަސްވުމާއި އަދި ޖެހުނު ފުރަތަަމަ ޓެސްޓު ޕައިލް ހުރި ގޮތުން އެ މަސައްކަތް ކުރާ އިންޑިއާގެ އެފްކޮންސް ކުންފުންޏަށް ވަރަށް ބޮޑަށް ފާޑުވިދާޅުވެ ސައީދު ކުރެއްވި ޓުވީޓެއްގައި ވިދާޅުވީ ބައި ބިލިއަން ރުފިޔާ "ކަނޑަށް އަޅާފައި" ދައްކާލި އެއްޗަކާއި، އެންމެ ކުރީޒަމާނު ދިވެހިން ޖަހާއުޅުނު ނެރުބައްތިއެކޭ އެއްވެސް ތަފާތެއްނެތް ކަމަށެވެ.
"ހައުސިންމިނިސްޓްރީން މީގެފޫހުރިގޮތެއް ބަލާލަންފެނޭ" ތިލަމާލެ ބްރިޖުގެ މަސައްކަތަށް ފާޑުވިދާޅުވެ ސައީދު ވިދާޅުވިއެވެ.
މީގެ އިތުރުންވެސް ބްރިޖު މަޝްރޫއު ކުރިއަށް ދަނިކޮށް ބްރިޖު ޕްލެޓްފޯމު ފަރަށް އެރުމުން އެފްކޮންސް 69 މިލިއަނުން ޖޫރިމަނާ ކުރުމާއި ގުޅިގެން ސައީދު ވިދާޅުވީ ފަރަށް އެ ލިބުނު ގެއްލުމުގެ ޖޫރިމަނާ ވެސް އެފްކޮންސް އިން ނުދައްކާނެ ކަމަށެވެ. އެ ޖޫރިމަނާ ދައްކާނީ ސައީދު ވިދާޅުވި ގޮތުގައި ޕްރެޖެކްޓް އަވަސްކުރުމުގެ ނަމުގައި އިންޑިޔާއިން ދިވެހިންގެ ބޮލުގައި އެޅުވި 100 މިލިއަން ޑޮލަރުގެ ކޮމިޝަން ލޯނުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
