އަވައްޓެރި ބަންގްލަދޭޝްގައި ހޫނުގަދަވެ އިސްތިސްޤާ ނަމާދުކޮށްފި
އަވައްޓެރި ބަންގްލަދޭޝްގައި ހޫނުގަދަވެ އިސްތިސްޤާ ނަމާދު ކޮށްފިއެވެ.
ހޯމަ ދުވަހު ބަންގްލަދޭޝްގެ ޑާކާގެ އަފްތަބްނަގަރް ކުޅިވަރު ބިމުގައި 500 އަށްވުރެ ގިނަ މުސްލިމުން އެއްވެ މަޝްހޫރު ދާއީއެއްކަމަށްވާ ޝައިޚް އަޙްމަދުﷲގެ ފަހަތުގައި އިސްތިސްޤާ ނަމާދުކޮށްފައިވަނީ، ހޫނު ގަދަވެ މުޅި ޤައުމުގައި ހަނަފަސްކަން ފެތުރެން ފެށުމާއި އެކުއެވެ.
އޭއެފްޕީ ނޫސް އެޖެންސީއާ ވާހަކަދައްކަވަމުން ޑާކާ ފުލުހުންގެ އިސްވެރިޔާ އަބްދުލް ކަލާމް އާޒާދު ވިދާޅުވެފައިވަނީ އެ ޖަމާއަތުގައި ބައިވެރިވި މީހުން ދުއާކުރީ ވާރޭ ވެއްސެވުމަށާއި، ހޫނުމިން ދަށްވެ ގަދަ ހޫނުން ސަލާމަތްކުރެއްވުމަށް ކަމަށެވެ.
އެންމެ ހޫނު ގަދަ ކަމަށް ރިކޯޑް ކުރެވިފައިވަނީ ޕަބްނާ ޑިސްޓްރިކް ގައެވެ. އެއީ 43 ސެލްސިއަސް ޑިގްރީ އަށެވެ. ހޫނު ގަދަވުމުގެ ސަބަބުން ފެންމަދުވުމާއި، ލޭގެ ޕްރެޝަރ ދައްވުމާއި، ލޮލަށް ފެންނަ ފެނުން ނުސާފުވުމާއި ހޭނެތުން ފަދަ މައްސަލަތައް ކުރިމަތިވެދާނެ ކަމަށް ބަންގްލަދޭޝްގެ ޕަބްލިކް ހެލްތް އޮފިސަރަކު ވަނީ ބުނެފައެވެ.
ހޫނު ގަދަވުމުގެ ސަބަބުން މަސައްކަތައް ނުނިކުމެވި ތިބި ކަން ބަންގަލަދޭޝްގެ ޕްރޮފެސަރުންނާއި ކުދި ވިޔަފާރި ތަކާއި އަމިއްލަ މަސައްކަތް ތައް ކުރާ ފަރާތްތަކުން ވަނީ ހާމަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
