އަނެއްކާވެސް މާލެއިން ޒުވާނަކު ގެއްލިގެން ހޯދަން ފަށައިފި!
އަނެއްކާވެސް މާލެއިން ޒުވާނަކު ގެއްލިގެން ހޯދަން ފަށައިފިއެވެ.
ފުލުހުން ކޮށްފައިވާ ޓުވީޓެއްގައި ބުނީ، ގެއްލިގެން ހޯދަމުންދަނީ ހދ. މަކުނުދޫ / ސިތާރާމަންޒިލް، ނާޠިފް ޢަބްދުއްސަލާމް (28އ) އެވެ.
އޭނާ އާއިލާއަށް ޚަބަރެއްނުވެ ގެއްލިފައިވާ ކަމަށް ފުލުހުންނަށް ރިޕޯޓް ކޮށްފައިވަނީ ސެޕްޓެމްބަރ 17 ވަނަ ދުވަހު ކަމަށް ފުލުހުން މައުލޫމާތުދެ އެވެ.
މީގެ އިތުރުން ފުލުހުން ބުނީ، ނާޠިފު މިހާރު ދިރިއުޅެނީ މާލޭގައި ކަމާއި އޭނާ އެންމެ ފަހުން ފެނިފައިވަނީ ސެޕްޓެމްބަރ 15 ވަނަ ދުވަހުކަމާއި އޭރުލައިގެންހުރީ ރުއްތަކެއް ޖަހާފައިހުރި ގަމީހަކާއި ސޯޓެއްކަމަށް އޭނާގެ އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
އެހެންކަމުން ނާޠިފް ޢަބްދުއްސަލާމްގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351 އަށް ގުޅުއްވައި ހިއްސާކުރެއްވުމަށް ފުލުހުން އެދިފައިވެއެވެ.
މި އާދިއްތަ ދުވަހުވެސް ޒުވާނަކު ގެއްލިގެން ފުލުހުން އޭނާ ހޯދަމުންދާކަމަށް އިއުލާން ވަނީ ބުނެފައެވެ. އެގޮތުން ފުލުހުން ހޯދާ ކަމަށް ބުނެފައިވަނީ އއ. މާޅޮސް / ހުސްނޫވިލާ، ޢަލީ ރިޝާން (21އ) ކަމަށްވާއިރު އޭނާ ގެއްލުނުތާ 2 ހަފްތާ ވެފައިވާ ކަމަށް މައުލޫމާތު ދީފައިވެއެވެ. އޭނާ މިހާރު ވަނީ ފެށިފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
