ބަޖެޓައް އިތުރު 160 މިލިއަން އިތުރުކޮށް، ކޮމިޓީން މަޖިލިސް ތަޅުމަށް ފޮނުވައިފި
އަންނަ އަހަރަށް ލަފާކޮށް ސަރުކާރުން ހުށަހަޅާފައިވާ 42.68 ބިލިއަން ފުރިޔާގެ ބަޖެޓަށް 160 މިލިއަން ރުފިޔާ އިތުރުކޮށް 2023 ވަނަ އަހަރުގެ ބަޖެޓު ރައްޔިތުންގެ މަޖިލީހުގެ ކޮމިޓީން ފާސް ކޮށްފިއެވެ.
އިއްޔެ ކުރިއަށް ދިޔަ ބަޖެޓް ކޮމިޓީއަށް ދާންދޫ ދާއިރާގެ މެންބަރު ޔައުގޫބް ވަނީ ޖުމްލަ 14 އޮފީހެއްގެ ބަޖެޓް އިތުރުކުރުމަށާއި އަދި އުމްރާނީ ތަރައްގީ ނުވަތަ ޕީއެސްއައިޕީ މަޝްރޫއުތަކެއް ބަޖެޓުން އުނިކޮށް، އާ ބައެއް ކަންކަން ޕީއެސްއައިޕީގައި ހިމެނުމަށް ހުށަހަޅުއްވައިފައެވެ.
އެގޮތުން ކޮމެޓީގެ އަޣްލިބިއްޔަތުން ވަނީ އެ އިސްލާހުތަކާއެކު ޖުމުލަ 42.8 ބިލިއަން ރުފިޔާގެ ބަޖެޓު ފާސް ކޮށްފައެވެ.
އިތުރު ހުށަހެޅުންތަކާއި، ރިކޮމެންޑޭޝަންތަކާއެކު ކޮމިޓީން ބަޖެޓު ފާސްކުރުމުން، ދެން ބަޖެޓު ދާނީ މަޖިލީހުގެ ތަޅުމަށެވެ. އެގޮތުން އަންނަ އަހަރުގެ ބަޖެޓަށް ކޮމިޓީން ޖުމްލަ ތިން އިސްލާހެއް ގެންނަން ހުށަހަޅާފައިވެއެވެ.
ބަޖެޓު ކޮމިޓީގައި ވަނީ 2022 ވަނަ އަހަރުގެ ސަޕްލިމެންޓު ވެސް ފާސްކޮށްފައެވެ. އެގޮތުން މި އަހަރުގެ ބަޖެޓުގައި އިތުރު 5.84 ބިލިއަން ރުފިޔާ ހިމެނުމަށް ކޮމިޓީގައި ފާސްކޮށްފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
