އޭވިއޭޝަން ކޮމާންޑްގެ މިދިޔަ އަހަރުގެ ހަރަދުތައް ކުރީ ރަނގަޅަށް: އޮޑިޓް
ލިޔުންތެރިޔާ
އަބްދުﷲ ހުސައިން
އޭވިއޭޝަން ކޮމާންޑްގެ ނިމިގެންދިޔަ 2024 ވަނަ އަހަރުގެ ހަރަދުކޮށް ކޮށްފައިވަނީ މާލިއްޔަތު ޤަވާއިދުގެ ތެރެއިންކަމަށް އޮޑިޓަރ ޖެނެރަލް ނެރުއްވި ރިޕޯޓުގައި ބުނެފިއެވެ.
އޮޑިތަރ ޖެނެރަލްގެ އޮފީހުން ނެރުނު އޭވިއޭޝަން ކޮމާންޑްގެ 2024 ވަނަ އަހަރުގެ ކޮމްޕްލަޔަންސް އޮޑިޓް ރިޕޯޓްގައި ބުނެފައިވަނީ، އޭވިއޭޝަން ކޮމާންޑުން 2024 ވަނަ އަހަރުގެ ފާސްކުރެވުނު ބަޖެޓުން ހޭދަކުރެވުނު ގޮތުގެ ބަޔާނުގައި ހިމަނާފައިވާ އަދަދުތަކާއި ޕަބްލިކް އެކައުންޓިން ސިސްޓަމުގައި ހުރި ރިކޯޑްތަކުން ދައްކާ އަދަދުތައްކަމަށެވެ.
އޮޑިޓަރ ޖެނެރަލްގެ ރިޕޯޓްގައި ބުނެފައިވަނީ، އޭވިއޭޝަން ކޮމާންޑުން އެ އަހަރުގެ ބަޖެޓުން ހަރަދުކޮށްފައިވަނީ، އެ އިދާރާއަށް ފާސްކޮށްދިން ބަޖެޓްގައި ކަނޑައަޅާފައިވާ ކަންތައްތަކަށް، ބަޖެޓްގައި ކަނޑައަޅާފައިވާ މިންވަރަށް ދައުލަތުެގ މާލިއްޔަތު ޤާނޫނާއި ޤަވާއިދުތަކާ އެއްގޮތަށް ކަމަށެވެ.
އޭވިއޭޝަން ކޮމާންޑަށް މިދިޔަ އަހަރު 163.9 މިލިއަން ރުފިޔާގެ ބަޖެޓެއް ކަނޑައެޅިއިރު، މި މުއްދަތުގެ ތެރޭގައި ހިނގި ޖުމްލަ ހަރަދު އުޅެނީ 163,389,049 މިލިއަން ރުފިޔާގައެވެ. ބަޖެޓުން ހޭދަކުރުމަށްފަހު ބާކީވެފައިވަނީ، 146,719 ރުފިޔާއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
