ރައްޔިތުންގެ މަޖިލީހުގެ ރައީސް އަސްލަމް
ރައްޔިތުންގެ މަޖިލީހުގެ ރައީސް އަސްލަމް
ހަބަރު 20 Feb 2024 | 10:09

ރައްޔިތުންގެ މަޖިލީހުން ސުޕްރީމް ކޯޓުގެ ހުރުމަތް ކެނޑީތަ؟

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވެރިކަމުން އަޒުލުކުރުމަށްޓަކައި ރައްޔިތުންގެ މަޖިލީހުގެ މެންބަރުން ގުނާ އަދަދު ބަދަލުކުރަން މަޖިލީހުގެ މެޖޯރިޓީ އޮތް އިދިކޮޅު ޕާޓީ، އެމްޑީޕީން ރައްޔިތުންގެ މަޖިލީހަށް ހުށަހަޅައިގެން ފާސްކުރަން އުޅުނު ހުށަހެޅުމުގައި ދުސްތޫރީ މައްސަލަތަކެއް ފާހަގަކޮށް އެކަން ހުއްޓުވައިދޭން ބަންޑާރަ ނާއިބް ސުޕްރީމްކޯޓަށް ހުށަހެޅި މައްސަލާގައި ކޯޓުން ވަކިގޮތަކަށް އަމުރު ނެރެފައިވަނިކޮށް އަމުރަށް ތަބާނުވާނެކަން ރައްޔިތުންގެ މަޖިލީހުގެ ރައީސް މުހައްމަދު އަސްލަމް މަޖިލީހުގައި އިއުލާންކޮށް އަދި ސުޕްރީމް ކޯޓުގެ އަމުރާއި ޚިލާފަށް މަޖިލީހުން ނިންމުމެއް ނިންމުމުން އެއީ މިއަދު ބަހުސްކުރަންޖެހޭ ކަމަކަށް ވެގެންގޮސްފިއެވެ.

ދުސްތޫރީ މައްސަލަތަކުގައި އެންމެ ފަހުބަސް ބުނުމުގެ އިޚްތިޔާރު ގާނޫން އަސާސީ މުތުލަގުކޮށް ދީފައިވަނީ ސުޕްރީމްކޯޓަށެވެ.

ގާނޫން އަސާސީއަށް ބަދަލުނުގެނެސް އެބާރަކާއި ރައްޔިތުންގެ މަޖިލީހަކަސް އަދި ވެރިކަން ހިންގުމުގެ ބާރުކަމުގައިވިޔަސް ނުކުޅެވޭނެއެވެ. މިފަދަ މައްސަލަތަކުގައި ސުޕްރީމްކޯޓްގެ ނިންމުމަށް ފާޅުގައި ގޮންޖަހައި ދެކޮޅު ހަދައިފިއްޔާ އޮތީ ކޮންގޮތެއްތޯއެވެ.

ގާނޫން އަސާސީގައި ރައްޔިތުންގެ މަޖިލީހަށް ބާރުތަކެއް ދީފައިވެއެވެ. މަޖިލީހުގެތެރޭގައި ހިނގާ ކަމެއްގައި އިސްލާމްދީނުގެ އަސްލަކާއި ޚިލާފުނުވާގޮތަށް ވާހަކަދައްކައި އުޅުމުގެ ދުސްތޫރީ މިނިވަންކަމެއް ދެވިފައި އޮވެއެވެ. އެކަމަކު ކޯޓުގައި ފަނޑިޔާރުކަން ކުރައްވައި ރިޓެޔަރކުރައްވާފައިވާ ގާނޫނީދާއިރާގެ ތަޖުރިބާކާރު ބޭފުޅަކު ވޮއިސްއާއި ވާހަކަ ދައްކަވަމުން ވިދާޅުވީ މިއީ ރައްޔިތުންގެ މަޖިލީހަށްވިޔަސް ހިތަކަށް ދީފައި އޮންނަ ބާރުތަކެއް ނޫނެވެ. އެގޮތަށް ދެކޭކަމަށްވާނަމަ ދައުލަތް ހިންގުމުގެ ނިޒާމު އޮންނާނީ ގަޑުބަޑުވެފައެވެ.

ގާނޫން އަސާސީގައި ދައުލަތް ހިންގުމުގެ ބާރުތަކުގެ ވާހަކަ އަންނައިރު އެންމެ އިސްކުރެވިފައި އޮންނަނީ ދައުލަތް ހިންގުމުގެ ނުވަތަ އެގްޒެކްޓިވް ޕަވަރގެ ވާހަކައެވެ. ގާނޫން އަސާސީ ނަގަހައްޓައި ދެމެހެއްޓުމުގެ އެންމެ އިސްފަރާތަކީ ރައީސުލް ޖުމްހޫރިއްޔާއެވެ. އެކަމަކު ރައީސުލްޖުމްހޫރިއްޔާކަމުގެ މަގާމުގައި ހުންނަ މީހެއްގެ ޝަރުތު އުނިވެއްޖެކަމަށް ނިންމުމުގެ ބާރު ގާނޫން އަސާސީން ދީފައިވަނީ ސުޕްރީމް ކޯޓަށެވެ. ޝަރުތެއް އުނިވެއްޖެކަމަށް ސުޕްރީމް ކޯޓުން ނިންމުމުން އެއަށް ގޮންޖަހައި އެގްޒެކްޓިވް ޕަވަރއަށްވެސް ނުކިޔަމަންތެރިވެވިދާނެއެވެ. ހަމަ ރައްޔިތުންގެ މަޖިލީހުގެ ރައީސް އަމަލު ކުރެއްވި ފަދައިންނެވެ. އެކަމަކު އެއީ ގާނޫނީ ހުކޫމަތް ހިނގާ ދައުލަތްތަކުގައި ކަންކަން ހިގާގޮތެއް ނޫނެވެ. ސުޕްރީމް ކޯޓަށްވެސް ނަހަމަގޮތުގައި އެކޯޓުގެ ބާރުގެ ބޭނުންކޮށް ރައީސުލް ޖުމްހޫރިއްޔާ ވައްކެއް ނުކުރެވޭނެއެވެ. ދައުލަތުގެ ކޮންމެ ބާރަކަށްވެސް ހުދޫދުތަކެއްވެއެވެ.

މިއީ އަކީ ކޮންމެހެން މާ ގާނޫނީ ބަހުސެއް ހިންގަންޖެހޭ މައުޟޫއެއްވެސް ނޫނެވެ. ދުސްތޫރީ މައްސަލައެއްގައި ސުޕްރީމް ކޯޓުން ނިންމާ ނިންމުމެއްގެ ސައްހަކަން ދެމި އޮންނާނެއެވެ. ރައްޔިތުންގެ މަޖިލީހުގައި މެންބަރުން ގުނާގޮތް ގަވާއިދުގެ އެކިމާއްދާތަކަށްލައި މަސްހުނިކުރިޔަސް ސުޕްރީމް ކޯޓުގެ އަމުރު އެކޯޓުން ބަދަލު ނުކުރާހާ ހިނދަކު އެގޮތުގައި ދެމި އޮންނާނެއެވެ.

ސުޕްރީމް ކޯޓުގެ އަމުރަށް ނުކިޔަމަންތެރިވުމުގެ ނަތީޖާއަކީ ކޮބާ؟

ދެން އޮތީ ކޯޓުގެ އަމުރަށް ތަބާނުވެ ކޯޓުގެ ހުރުމަތް ކެނޑުމުން ނުކުންނަން އޮންނަ ނަތީޖާއެކެވެ.

ރައްޔިތުންގެ މަޖިލީގުގެ ރައީސް ވިޔަސް ރައީސުލްޖުމްހޫރިއްޔާ ވިޔަސް ސުޕްރީމް ކޯޓުގެ އަމުރަކަށް ތަބާނުވާނެކަމަށް ފާޅުގައި އިއުލާންކޮށްފިނަމަ އެއީ ކޯޓްގެ ހުރުމަތް ކަނޑުން ކަމަށްބަލައި ފިޔަވަޅު އެޅުމުގެ ފުރިހަމަ ބާރު ކޯޓަށް ލިބިގެންވެއެވެ.

ކޯޓުގެ ހުރުމަތް ކެނޑުމުން ވަކިމުއްދަތަކަށް ޖަލުގައި ބަންދުކުރަން ހުކުމް ކުރުމުގެ އިޚްތިޔާރު ކޯޓަށް ލިބިގެންވާއިރު މާދަމާވެސް ރައްޔިތުންގެ މަޖިލީހުގެ ރައީސް ކޯޓުގެ ހުރުމަތް ކަނޑައިފިކަމަށް ނިންމައި ޖަލުގައި ބަންދުކުރަން ސުޕްރީމް ކޯޓަށް އިޚްތިޔާރު ލިބިގެންވެއެވެ.

ހުކުމް ނުކުރެވޭނެއޭ ގަބޫލު ނުކުރާނަމޭ ވިދާޅުވިޔަސް ފުލުހުން ބެލުމުގެ ދަށަށް ގެންގޮސް ނުވަތަ ޕެނިޓެންޝަރީން ބަލައި އަތުވެއްޖެނަމަ ސަލާމަތްވާން ވަންނާނެ ގޮޅިއެއް ނެތެވެ. އޮތީ އެންމެ ގޮޅިއެކެވެ. އެއީ ކުރީގެ ރައީސް މުޙައްމަދު ނަޝީދު ހިމާޔަތް ހޯއްދެވި އިންޑިއާ އެމްބަސީއެވެ.

އެހެންކަމުން ސުޕްރީމް ކޯޓަށް ގޮންޖަހައި ރައްޔިތުންގެ މަޖިލީހުގެ މެންބަރުން ކުޅުއްވާ ޑްރާމާ ހުއްޓަވާލައްވައި ގާނޫނީ ހުކޫމަތަށް ތަބާވާ ބަޔަކަށް ވާން އެބަޖެހެއެވެ.

ތިޔަގޮތަށް ދައުލަތުގެ ބާރުތައް ގަޑުބަޑެއް ނުކުރެވޭނެއެވެ. ސުޕްރީމް ކޯޓްގެ ހުރުމަތް ކަނޑައި ކޯޓްގެ އަމުރަށް ތަބާނުވާކަން ދެއްކުމުން ސިފަކުރެވެނީ މެންބަރުންގެ ކިބައިގައިވާ ނާތަހްޒީބު ކަމެވެ. ބޯހަރުކަމެވެ. ވަކަރުގޭ ކުދިންގެ އުޅުމެވެ.

ރައްޔިތުންގެ މަޖިލީހުގެ ރައީސްކަމުން މުހައްމަދު ނަޝީދު ވަކިކުރުމުގެ މައްސަލާގައި ސުޕްރީމް ކޯޓުގެ ނިންމުން ސައްހަވިގޮތަށް މިއަދު ނިންމާފައިވާ ނިންމުންވެސް ހަމަ ސައްހަ ނުވާންވީ ސަބަބެއް ނެތެއް ނޫންތޯއެވެ. ސުޕްރީމް ކޯޓުގެ ހުރުމަތް ކަނޑިކަމުގެ މައްޗަށް ގާނޫނީ އަދަބެއް އެކޯޓުން ނުދީ އޮތުމަކީ ރައްޔިތުންގެ މަޖިލީހުގެ ބާރު އޮތްކަން ކަމަށް ހިތަށް އެރުމަކީ ވަރަށް މޮޔަ ދެކޮޅު ނުޖެހޭ ކަމެކެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟
22 Nov 2026 ހަބަރު

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟

"ފައިސަލް އެ އޮތީ ކުރިމަތިލައްވަން އިއުލާނު ކުރައްވާފައި. އަޅުގަނޑެއް ކުރިމަތިލާކަށް އިއުލާނެއް ނުކުރަން،" ރައީސް ސޯލިހް ފުރަތަމަ ވިދާޅުވި އެވެ.

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި
22 Nov 2026 ހަބަރު

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި

ޖެނޮސައިޑް ކޮންވެންޝަންގެ ބައިވެރިއެއްގެ ޙައިޞިއްޔަތުން މި މައްސަލައަށް ތަދައްޚުލުވާނެ ކަން އެންމެ ފުރަތަމަ އިޢުލާންކުރީ ދިވެހިރާއްޖެއިންނެވެ

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް
22 Nov 2026 ހަބަރު

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް

މި އިންތިހާބަކީ އެމްޑީޕީގެ ކޮންޓްރޯލް ހޯދުމާއި ރިޔާސީ ޓިކެޓް ކަށަވަރު ކުރުމަށް ދެ ފެކްޝަނަށްވެސް ވަރަށް މުހިންމު އިންތިހާބެކެވެ.

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި
22 Nov 2026 ހަބަރު

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި

މި މައްސަލައާ ގުޅިގެން ހައްޔަރުކުރި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޢަލީ ޢާމިރު 30 ދުވަހަށް އަދި އާދަމް ނިމާލް 15 ދުވަހަށް ބަންދުކުރުމަށް އަމުރުކޮށްފައިވެއެވެ.

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި
22 Nov 2026 ހަބަރު

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި

ފުލުހުން ބުނީ އެ މައްސަލައާ ގުޅިގެން 90 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.