ހުޅުމާލޭގައި މަސް ބަންދުކުރާ ފެސިލިޓީއެއް އަޅަނީ
މަސްވެރިކަމުގެ ވިޔަފާރިތަކަށް ހާއްސަ މަސް ބަންދުކުރާ ފެސިލިޓީއެއް ހުޅުމާލޭގައި އަޅަން ނިންމާފައިވާ ކަމަށް ފިޝަރީޒް މިނިސްޓްރީގެ ޑިރެކްޓާ ޖެނެރަލް ޑރ. ހުސައިން ސިނާން ވިދާޅުވެއްޖެއެވެ.
ރޭގެ ޕީއެސްއެމް ރާއްޖެ މިއަދު ޕްރޮގްރާމްގައި ވާހަކަ ދައްކަވަމުން، ސިނާން ވިދާޅުވީ ކުދިފަންތިއާއި މެދުފަންތީގެ ވިޔަފާރިތަކަށް ހާއްސަކޮށްގެން މަސް އެކްސްޕޯޓް ކުރުމަށްޓަކައި ކުޑަ ޕެކިން ފެސިލިޓީއެއް ހުޅުމާލޭގައި އެޅުމަށް ނިންމާފައިވާ ކަމަށެވެ
އަދި މީގެ އިތުރުން ޕެކިން ފެސިލިޓީ އެޅުމަށް ބޭނުންވާ ފައިސާ އިސްލާމިކް ޑެވެލޮޕްމަންޓް ބޭންކުން ހަމަޖެއްސުމުގެ މަސައްކަތް ކުރަމުންދާ ކަމަށާއި އެތަނުގެ އޮޕަރޭޝަންތައް ހިންގާނެ ގޮތްތައް ނިންމާނީ މިފްކޯއާ މަޝްވަރާކޮށްގެން ކަމަށްވެސް އޭނާ ވިދާޅުވިއެވެ.
"ވިސްނުން ހުރީ ހުޅުމާލޭގައި މިފްކޯއިން އެ ފެސިލިޓީ ތަރައްގީ ކުރިޔަސް، އެތަނުގެ އޮޕަރޭޝަންތައް ކުރިއަށް ގެންދަން މަދުން މަސް އެކްސްޕޯޓުކުރާ ފަރާތްތަކަށް ނޫނީ ޔޫނިއަންތަކަށް ދޭން،"ސިނާން ވިދާޅުވިއެވެ.
ސިނާން ވަނީ މަސް އެކްސްޕޯޓް ކުރަން ބޭނުންވާ ކުދި ވިޔަފާރިތަކަށް މިވަގުތު އެހާފުޅާކޮށް އެ ފުރުސަތު ނެތް ކަމަށް ފާހަގަކުރައްވާ އެފަދަ ކުންފުނިތައް ޖެހެނީ ކޮންމެވެސް ބޮޑު އަމިއްލަ ބައެއްގެ އެހީއާއެކު މަސް އެކްސްޕޯޓް ކުރަން ކަމަށްވެސް ވިދާޅުވެފައެވެ.
އަދި 100 ނުވަތަ 200 ކިލޯ އެކްސްޕޯޓުކުރަން ބޭނުންވާ ބޭފުޅުންނަށް އެފުރުޞަތު ނެތް ކަމަށާއި އެކަހަލަ ކުޑަ ޕެކިން ފެސިލިޓީއެއް ޤާއިމްކުރުމުގެ މަސައްކަތްވެސް މިފްކޯއާ ގުޅިގެ ހެދުތަށް މަސައްކަތް ކުރަމުންދާ ކަމަށްވެސް އޭނާވިދާޅުވިއެވެ.
މިކަމުގެ ސަބަބުން މެދުފަންތިއާއިކުދިފަންތީގެ ވިޔަފާރީއަށް ވަރަށް ހަނި ކަމަށާއި އެފަރާތްތަކަށް އެފަދަފެސިލިޓީއެއް އެޅުމާއި މަސް އެކަސްޕޯޓްކުރުމަށް ފުރުސަތުތައް ހޯދާ ދިނުމަށް މަސައްކަތް ކުރަމުންދާ ކަމަށް މަސްވެރިކަމާއި ކަނޑުގެ ވަޞީލަތްތަކާ ބެހޭ ވުޒާރާގެ ސްޓޭޓް މިނިސްޓަރ މުޙައްމަދު މުއްޠަލިބާވިދާޅު ވެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
