ބޯކޮށް ވާރޭވެހި، ވައިގަދަވާނެ ކަމަށް ލަފާކޮށް ބޮޑު ސަރަހައްދަކަށް ހުދު ސަމާލު ނެރެފި

ރާއްޖޭގެ ބޮޑު ސަރަހައްދަކަށް މޫސުން ގޯސްވާނެ ކަމަށް ލަފާކޮށް، މޫސުމާ ބެހޭ ގައުމީ އިދާރާ (މެޓް އޮފީސް) އިން ބޮޑި ބަޔަކަށް ހުދުސަމާލު ނެރެފިއެވެ.

މެޓުން ހުދު ސމަާލު ނެރުނީ ނ. އަތޮޅުން ފެށިގެން ލ. އަތޮޅާ ހަމައަށް ހުދު ސަމާލު ނެރެފިއެވެ.

ސަމާލު ނެރެފައިވަނީ މިއަދު 9:30 އާ ހަމައަށެވެ.

އެ އިދާރާއިން ހާމަކޮށްފައިވާ ގޮތުގައި، މި ވަގުތުތަކުގައި އެ ސަރަހައްދުތަކަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވެއެވެ.

އަދި ވިލާގަނޑުގައި ގާތްގަނޑަކަށް ގަޑިއަކު 35 މޭލަށް ވައިގަދަވާނެ ކަމަށްވެސް އެ އިދާރާއިން ލަފާކުރެއެވެ.

މޫސުން ގޯސްވެފައުވާއިރު، މިއަދަކީ މި އަހަރުގެ ދެވަނަ ޓާމުގެ ސެމެސްޓާ ބްރޭކް ފެށޭ ދުވަހެވެ. އެއް ހަފްތާގެ މި ބަންދާ ދިމާކޮށް ކަނޑުދަތުރުފަތުރު ކުރާ ފަރާތްތައް ގިނަ ވާނެކަމަށް ބެލެވެއެވެ.