ފެނަކައިން އިސްތިއުފާ ދެއްވި ނާއިފް، ވެމްކޯގެ ޑީއެމްޑީއަކަށް
ލިޔުންތެރިޔާ
ފާޠިމަތު އިނާ ސަވާދު
ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރުގެ މަގާމުން އިސްތިއުފާދިން އިބްރާހިމް ނާއިފު، ވޭސްޓް މެނޭޖްމަންޓު ކޯޕަރޭޝަން (ވެމްކޯ)ގެ ޑެޕިއުޓީ މެނޭޖިން ޑިރެކްޓަރުގެ މަގާމަށް އައްޔަންކޮށްފި އެވެ.
ވެމްކޯގެ ޑީއެމްޑީގެ މަގާމަށް ނާއިފު ހަމަޖެއްސިކަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން އަދި އާންމެއްނުކުރެ އެވެ.
އެހެން ނަމަވެސް ވެމްކޯގެ ސޯޝަލް މީޑިއާ އެކައުންޓުތަކުން ވަނީ ނާއިފަށް މަރުހަބާ ކިޔާ ޕޯސްޓުތަކެއް މިއަދު ހިއްސާކޮށްފަ އެވެ.
ފެނަކައިގެ ޑީއެމްޑީ ކަމުން ނާއިފް އިސްތިއުފާދެއްވިކަން އެނގުނީ މިދިޔަ މަހުގެ 26 ނަމަ ދުވަހު އެ ކުންފުނިން އެކްސްގައި ކުރި ޕޯސްޓަކުންނެވެ.
ނާއިފް އަކީ ރިޔާސީ އިންތިހާބުގެ ތެރޭގައި މިހާރުގެ ރައީސް މުހައްމަދު މުއިއްޒުގެ އިންތިހާބީ އެޖެންޓުގެ ގޮތުގައި ވެސް މަސައްކަތް ކުރައްވާފައިވާ ބޭފުޅެކެވއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
